Abb و ارجو المساعدة

حسب ما سمعت, ان الرواتب تتراوح بين 7 الاف الى 9 الاف, حسب القسم, sales او technical.
في احد موظفي الsales راتبه الكامل حول 10300 تقريبا, هذا الكلام قبل تقريبا سنتين او ثلاث..
وفيه بونس, راتبين اساسيين.. وبدل السكن 4 رواتب

 

السلام عليكم

لو سمحت ممكن تفيدنا بطريقة التقديم على الشركة ؟

 

شركه سوسريه قويه اكبر منافسه لسيمنس وراح تلاحظ ان كلها باكستانيه في الرياض الفرع الرئيسي .... وهذا مو عيب بالشركه لكن دوامها كرف من 8 الى 5 وفيهنص دوام يوم خميس ويوم خميس الثاني اوف ... وانا الصراحه اتمنى يجيني عرض منها لذا ياليت تقولنا كيف قدمت

طبعا راح يسالونك عن السكادا ودسي اس والسمارت رانزميتر واتوقع هذي درستها بالجامعه المفروض تجاوب عليها لكن اهم شي لاترتبك وتخليهم يلاحضون انك خايف او متوتر


شكرا لك

 

الشركه من 2009 بدت توظف سعوديين وتعطي عروض روعه لصحاب الخبره لذا قلي كيف قدمت؟؟ الله لايهينك

موفقيين

 

لما خذ السيره الذاتيه ماسجل عليها شي او كتب ملاحظات لاني ملا رحت كلمني وخذها مني باكساني او هندي وقالي لما نروح الرياض نناقش فيها واذا فيه فرصه كلمناك؟؟؟ وش قالولك بالضبط هم لما خذها؟؟


الله يوفقك

 

بالعكس Web Developer دوام من 8 الى 5 جدا ممتاز.. يعني نفس دوام الشركات الي زي ارامكو (7 الى 4) ولكن باضافة يوم دوام كامل في كل شهر (بما ان خميس نص دوام وبعدا خميس مافي دوام).. دوام اكثر من رائع.. انت تعف ان في شركات الحين دوامها من 7 الى 6؟؟

وان شاء الله تنقبل فيها, وانا بعد اتمنى انقبل فيها, احسن من سيمنز بكثير وروابتها اعلى

 

والله كتبت رد طويل البارح بس ما أرسل

عموما هذا اختصار لما كتبته ، مع ملاحظة اني ما سويت معهم مقابلة لكن أعرف شغلهم بطبيعة اني طبقت في شركة منافسة لهم وهي سيمنز

أول الأسئلة كالعادة أسئلة متعلقة بالشخصية ، مثل عرفنا عن نفسك ، ليه اخترت اي بي بي واش تعرف عنها، لو جاتك سيمنز أو شركة أخرى هل بتروح لهم ، اش تبغى تكون بعد 5 سنوات ، ماذا تستطيع أن تقدم للشركة ، وووو إلخ


ثانيا ،
اي بي بي أعرف مجالين من أعمالها ،

1. إنشاء المحطات الكهربائية (باور) لكن فيها انسترومنت زي:
SCADA
RTU
MMI or HMI (كلهم نفس بعض)
Relays.
ثانيا انسترومنتيشن

حسبما شفت اي بي بي تصنع أجهزة القياس زي
الفلو ميتر ، لقياس التدفق في البايب مثلا ( نفط أو ماء) ، واش طريقة عملها ،
الضغط ، الحرارة ، وووو ،، انت تعرفها أكثر مني

هذا توقعي عن الأسئلة الممكن تجيك ،، أنصحك تقرا عنها ، منت حسران شي

أتمنى لك كل توفيق

 

الدوام من 8 إلى 5 معقول بل ممتاز للمبتدي وللشاب مثلنا

 

يعطيكم العافيه ع المعلومات , والله يوفقك اخوي instrument والاخوه المشاركين

ودي اعرف من الاخ instrument تفاصيل المقابله للفائده

 

شوف اذا انتسترومنت راح يقابلك واحد من التووظيف مطوع اسمه سلطان الحميداني حبوب وحليو راح يشووف شخصيتك وخلك طبيعي ولاتديهم راتب معين في بالك اذا سئلك كم تتوقع قله راتب هندس انسرومنت في شركتكم العريقه وامدح الشركه... اذا الح قله على حسب الوظيفه والمسؤلايت هل مكتب ام فيلد؟؟ اذا طلب منك تقول رقم قله ابغى 11 الف اقل شي لانهم 8000 اساسي و4 رواتب بدل سكن ونقل 1200 ريال وفيه بونص اخر السنه حسب ارباح الشركه.. عاده يكون بين راتب وراتبين

واحتمال يقابلك واحد باكستاني اسمه ياسر مشتاق او سيد........ نسيتهم

انا اشتغلت مع الشركه هذي واعرفهم لذا ياليت يجيني عرض منهم لكن الى الان مايردون علي لييش مادري لان تخصص تقنيه معلومات وخبرتي في الكنترول دوخه شوي لو عندي الكتريكال كان راتبي عندهم فوق 18 الف

الارزاق عند رب العالميين شد حيلك ويليت تقولنا وشصار معك ومين قابلك علشان انا اقدر اكلمهم اشووف شصار على تقديمي

الله يوفقك يارب

 

حبيب الكل الإخوان ماقصرو في الإفادة

تدريبي التعاوني عام 2010 كان في ABB لمدة سبعة أشهر

الشركة لها أقسام كثيرة جدا ويكاد يكون كل قسم له ميزانية مستقلة

ولاتستطيع أن تحكم بأن جالية معينة مسيطرة على الشركة

الشركة خليط بين كل الجنسيات وتكثر بها الجاليات الهندية والفلبينية

قسم Sales في الملز وقسم Technical support

اما بالنسبة لمقر الشركة والمصانع في المدينة الصناعية الثانية على طريق الخرج بجوار سابك

مصانع Power Transformers up to 1.5 MVA
طبعا لف واختبارات المحولات تتم داخل المصنع وأعتقد أنه تم تدشين الخط الجديد من Dry Transformers
مصانع low voltage + medium voltage switchgears
طبعا أغلبها Assemply

مصنع Automation وبه يتم تجميع لوحات التحكم بما يتخللها من مرحلات وقواطع مصغره وتوصيل وأختبارات

الشركة بها أقسام
contracting includes commissioning plus projects
low voltage service , quality control etc

الشركة تتعاقد على إنشاء محطات قوى كهربائية ,, وصيانه وغيرها

أنصحك بأن تتعرف على مكونات SCADA room

بالنسبة لأساله المقابله غالبا ماتكون ودية وبسيطة جدا

موفق خير حبيبي,,, أي أستفسار في الخدمة

أخوك من جامعة القصيم

 

إسكن في الروابي مخرج 15 فيه شقق على 140 ريال وأقل

قبل الزحمه مجرد 10 دقايق وأنت هناك

 

طيب يأخوان انا لس طالب ان شاء الله أتخرج السمستر الجاي هندسه ميكانيكا هل لي قبول في هذي الشركة