^ أتفق مع الأخ . سمعته المنتشره إنه متساهل بالتحضير .. لكنه يسوي كذا من باب الاحترام للجميع و إعطاء الناس فرصة .. لكن للأسف الشباب يستغلونها بشكل سلبي . دكتور رهيب و كلاسه خفيف و دايم يعطي آخر 10 دقايق للأسئلة .. و إذا ما كان عندنا أسئلة يمشينا بدري . يحترم العادات و التقاليد السعودية و ما يحاول يقول رأي مصادم للرأي العام أو الديني مع إنه على ما أظن غير مسلم . إقتباس من موقعه : كان عنده حركة رهيبة ألا وهي كتابة بعض الكلمات العربية بالخط الصيني و كان مبدع جداً في هالموضوع . شخصياً أنصح فيه .. لكن إذا بتاخذ المادة باستهتار زي بعض اللي يحضرون آخر خمس دقايق فرجاءً أترك السكشن للمهتمين ... لآنه أصلاً أسئلته صعبه جداً ع اللي يسحبون و متوسطة ع المواظبين . أعط الدكتور إحترام زي ما هو يحترمك و يحترم ثقافتك و رأيك. و إذا تبي تستمتع سولف معاه لأنه فاهم و متواضع .
ياشباب انا ماحضرت اول كلاس لكن شايف في السيليبوس كويزات 10٪ بريزينتيشن 10٪. والمادة ستاندارد 60 يبدأ ال D من السيليبوس الرجل مسوي رعب كل شي عنده No 20 mins late No No
ترم 132 كورس 221 التحضير : يمرر ورقع بعد نص ساعه , ومتساهل جدآآآآآآآآآآآآآآ يعني لو كلاسك 7 وجيت 7.49 عادي تحضر وتمشي ز طريقة الشرح : سلايدات ونصها صورز الكويزات : صح وخطاء 10 اسئلهز المياجر: والله اشوفها صلخ لكن ينسخ كثير من الاولد اقزامزز الفاينلات :للان ما ااختبرنا. القريد النهائي: اعطيه A+ يستاهل الصوت: واضح بس الاكسنت صيني
اضيف في التقييم , انه الدكتور اعطانا بونص 3 درجات في كل ميجر + 6 في الفاينل يعني 12 درجه بونص . بالنسبه للفاينل : كان الاختبار موحد كل المدرسين زي بعض , وكان فيه essay . اشوف انه سهل تجيب B+ و B لانه يجيب الاسئله من السلاديات تقريبا , 3 او 2 من الكتاب . طبعا 15 سؤال في كل ميجر كانت من الاولد اقزامز كوبي بيست. في شي ما اعجبني الصراحه, الي هو البرزنتيشن , لازم تسويه مع شخص ثاني . ## خلص السمستر وانا ما اعرف اسم الدكتور , اي واحد يسألني اقول الصيني
GS 221 - Term 132 التحضير: ورقة تمر على الجميع وتقدر تحضر الشعب كلو وما يحاسب على التأخير. أضف إلى ذلك إنك تقدر تنتقل بين سكاشنه كما تنتقل الفراشة بين الزهور (كيف التشبيه بس ). الشرح: روعة عنده اسلوب رائع في الإلقاء خاصه إذا تحمس ههههه تتغير نبرة الصوت شي رائع جدا. الدكتور جوبينج متمكن جدا جدا من المادة وحصته لاتمل. طبعا الشرح على البوربوينت وأكثر مرات يعرض لنا صور ويشرح عليها ويضرب أمثلة على بيئات العمل مثل قوقل وسابك وآرامكوا وآبل وغيرها. كثير يضرب لنا أمثلة من بلده الصين أو من بلدان أخرى عن المجتمع أو عن العمل. الكيوزات: بصراحة ما حبيتها منه أبدا كوزاته فجائية يعني يجيك يوم من الأيام في آخر الكلاس يقول عندك كويز بس بصراحة كوزاته سهلة كلها يارجال صح وغلط ومش حالك عليها الظاهر 5% من الكورس. المياجر: متوسطة بالنسبة لي وحتى اللغة مو صعبة ولكن بعض المرات يجيب أسئلة فيها لحسة شوي بس عموما إذا كنت مذاكر صح مو صعب تجيب فل مارك. طبعا كل الأسئلة MCQ. البريزنتيشن: يعطيك مواضيع واجد ويقول اختار انت وخويك موضوع والإلقاء يكون نص بينكم والقريد راح يكون معتمد على أدائكم ككل وتقدر تعرض لحالك مثل ماسويت أنا . المهم احس انه يشوف إذا انت اشتغل كويس وأديت كويس يعطيك قريد كويس وما يغثك أو يدقق واجد. الفاينال: كان كومن بينه وبين الدكتور تيم لو. وكان سهل بصراحه مو صعب ولكن كان فيه سؤال مقالي واحد عليه 7 درجات والباقي 28 سؤال اختياري. إضافات: 1- الدكتور حبيب وأخلاق ومدرسة في الإحترام جدا جدا محترم. 2- اللي أعجبني فيه ثقافته الواسعة ما شاء الله عليه في المجتمع السعودي والعربي وعنده معلومات كثيرة عن الإسلام وعن العرب وعن ثقافتهم ماشاء الله عليه موسوعه علمية. 3- الدكتور ما يغثك ويقول ذاكر من الكتاب أو انك تقرأ من الكتاب لأن الكتاب زفت بإعترافه هو نفسه. فكانت المذاكرة من السلايدات بس وهذا سهل علينا في المياجر أضف إلى ذلك ان سلايداته مختصرة جدا ومنظمة وسهلة المذاكرة والفهم. نصيحة: لا تسمع كلام اللي يقول ان الدكتور مصعب المادة أو ان +A في هذه المادة صعبة. بالعكس إذا ذاكرت وسويت كل اللي يقولك عليه راح تطلع بقريد كويس مرة ولكن مثل ما قلت تحتاج لشغل علشان تأخذ قريد تستحقه. الفاينال قريد للدكتور: A
أخر تقييم له كان في ترم 132 طيب اللي درس عنده بعد ذلك هل تغير الدكتور ولا ما زال يعطي بونصات ويتساهل في التحضير ؟
اخذت عنده ترم 142 عنده بونص 12 درجة تقريباً والتحضير انساه اذا فيه احد يحضرك الدكتور يستاهل تسجل معاه (اذا حصل وكان سكشنه مفتوح ) بالتوفيق ياصاحبي