احم احم

يالله حيهم

لاول مره اشارك في تقييم وتقييمي لاول كورس آخذه في الجبل

التحضير :

نهاية الكلاس ومايدقق في التأخير واذا جيته بعذر حتى لو شفوي عن الغياب يمكن يمشيك

طريقة الشرح :

شرحه للاكسامبل الي في الكاتب واغلب الي يكتبه basic
وطريقته انه يكتب للكلاس الاول ومايمسح السبوره ويشرحلك على الي كتبه
واحيانا يمسح اشياء بسيطه ويرجع يكتبها
وفي نهاية بعض الكلاسات يعطيك سوال والا سوالين من اسئلة الهوموورك الي شويه حلوه ويقول حلوها

مشكلة الدكتور انه مايعطيك شي صعب يعني كل الي يشرحه سهل
ولازم انك تذاكر بنفسك وتعتمد على نفسك بحل المسائل والبحث عنها
وتروح تسأله عادي عنده ويساعدك قد مايقدر

الكويزات :

انا طبعا ماخذ صيفي وهذا الظاهر اول ترم له وحتى لغته من جنبها بس تطورت مع الوقت
وطريقته تقريبا كل اسبوع كويز
سؤالين فقط عليها 10 درجات وتصحيحه جاف نوعا ما يعني يا صح ياغلط
واذا كانت اغلب خطواتك صح يادوب يعطيك درجه زياده من 5

المياجر:

كومن بس الميجر الاول written وتصحيحه جيد ومو جيد يعني مايدف كثير بس مايمديك تلقا عليه مخرج

الفاينلات :

كومن

القريد النهائي:

c+

الصوت:

واضح ولغته تطورت صارت كويسه بس تفهم عليه 100%

إضافات :

الدكتور جديد وجدا اخلاق ومتواضع حتى انه يسأل الطلاب ويقلهم وشرايكم فيني وفي طريقة الشرح

بس صراحه اذا ما بتشتغل بنفسك في حل المسائل من الكتاب بتتعب

لان الدكتور النوت حقه نفس الاكسامبل الي في الكتاب

انا اشوف ان 101 ماث فيه مدرسين جدا كويسين مثل المطوع والفراتي والرصاصي ...الخ

فاذا بتلقا عندهم فأفضل لك كثير

 

نقلوه رسمي للجالمعه ؟

هذا مدرس بطل درست عنده math001 في كليه المجتمع

ما أقدر اقيمه لكن اذكر كان ممتاز [ يمكن لان وقتها كنت طايح بين مدرسين من جنبها بالماث ]

بس كان شرحه بالعربي

 

التحضير :
نهاية الكلاس عن طريق رقمك في السكشن

طريقة الشرح :
يمشي الحال , يوصل لك الفكرة الرئيسية من الدرس و انت عليك الباقي

الكويزات :
اخدت عنده صيفي في 093 , عطانا تقريبا اربع كويزات طول السمستر مستواها متوسط يميل الى السهولة , يركز على الدروس اللي ماتتوقع انه يجيب منها , و يجيب من اسئلة الهوومورك

المياجر:
كومن

الفاينلات :
كومن

القريد النهائي:
C+
الصوت:
واضح , لغته الانقليزية ضعيفة شوي لكنها تناسب الطلاب , تحسه يتكلم بمترجم قوقل , لكن تطور شويتين على نهاية السمستر
إضافات :
-تصحييحه جااف جدا , في الكويزات و في المياجر الريتن لازم تحل بالطريقة اللي يبيها و بالخطوات اللي يبيها
ادا ما سويت اللي يبيه بينقصك حتى لو جوابك صح
وما في حاجة اسمها تفاهم
-يتلقى اسئلة الطلاب بصدر رحب ,اهم شي يعطيك جواب حتى لو غلط , اهم شي يجاوب على سؤالك
و نصيحة , ادا احد من الطلاب سال لا تحاول تقاطعه ولا تجاوب على سؤاله , هذي الحركة تنرفز الاستاذ

 

up

 

حاليا عنده ماث 102 ،

هذا أول سمستر له في الجامعة(كان في كلية المجتمع)

مايدقق على الليت، يشرح الاشياء الأساسية(مايعطيك شي صعب) لغته واضحة جدا، محترم تصحيحه بطل وكويزاته تميل للسهولة

 

انا معاه حاليا ترم 121 - ماث 102

التحضير :
آخر الكلاس وما يدقق عالتأخير
طريقة الشرح :
سبورة منظمة وتنفع تاخذ منها نوت .. لكنه ما يحل امثلة متنوعة بتاتا
الكويزات :
متوسطة
المياجر: كومون
الفاينلات : كومون
القريد النهائي:
D+
الصوت:
كويس .. واحيانا ضعيف
إضافات :

يستقعد من ناحية النوم في الكلاس او الانشغال بالجوال .. حتى السرحان ما يسبك فحالك

الشرح جدا سيء .. يشرح حاجات بسيطة + يوم وصلنا integration by parts صار يشرح من ملف PDF !!!!

 

التحضير : يحضر يوميا .. ولكن متساهل في التاخير بشكل ما تتصوروه .. في وحدة من الكلاسات حضرت اخر 5 دقايق اخذت الكويز وطلعت .. وحضرني , وفي واحد كل يوم متاخر 25 دقيقة وما يقول له شي

طريقة الشرح : يكتب نوت على السبورة .. تنفع لكوزاته ولكن مو للمياجر .. وما يتعمق بالدرس يعطي من الخفيف

الكويزات : متوسطة , وتصحيح جاف نوعا ما .
المياجر: كومون , ولكن تصحيح الميجر الاول الريتن ممتاز جدا بس ينتظر منك خطوه ويعطيك علامات بالهبل

الفاينلات : كومن

القريد النهائي: اعطيه c+

الصوت: واضح وسار يتكلم انجليزي بشكل ممتاز بخلاف ما قالوا الشباب .

إضافات :ما في شي زيادة اضيفه ولكن المادة تعتمد على مذاكرتك الشخصية بنسبة 80%
المدرس ممتاز ويتقبل الأسئلة واخر الترم حذف لنا كويزين من اصل 6 , ومع ذلك محد اخذ الدرجة الكاملة ..

لانه نظامه يجمع الكوزات بدون ما يقسم , مثلا درجة الكوزات من 40 , فاللي اخذ كلها 10 ما عدا واحد 9 يسير

10+10+10+9 = 39 , وانا اشوفه ظلم نوعا ما .

تحياتي

 

التحضير : بالأرقام ونهاية الكلاس يكون
طريقة الشرح : يمر بالنقاط الرئيسية في الدرس وبعد كل نقطة ياخذ مثال أو مثالين والنوت حقه واضح ومرتب للي يكتب
الكويزات : متوسطة
المياجر: كومن
الفاينلات : كومن
الصوت: واضح
إضافات :

الدكتور ممتاز في نقطة ترتيب النوت , لكنه يعطيك الأساسيات ومايتعمق في المسائل الصعبة

القريد النهائي: أعطيه b

 

الكورس : (ماث 101 - صيف 123 )
التحضير : نهاية الكلاس ( متساهل في التأخير والغيابات )
طريقة الشرح: نوتة مرتبة, لكنها مبسطة لأبعد الحدود.
الكويزات: سهلة إلى متوسطة.. وغالباً تكون صعبة.
المياجر: كومن
الفاينلات: كومن
الصوت: جيد جداً

إضافات:
الدكتور أخلاقه ممتازة , ويمزح مع الطلاب أحياناً, لكن مشكلته إنّه ما يجهزك للمياجر بشكل سليم; نظراً لأنّه يشرح أشياء بسيطة من الكتاب وما يجيب أسئلة أولد إكزام إلا في الـ Revision Class اللّي يكون قبل الميجر بيوم غالباً.
خلاصة الكلام: إذا بتنزل عنده, فأنا أنصحك تعتمد على الـ Self-study أكثر من الشرح وبإذن الله تجيب قريد عالي.

القريد النهائي: B

 

يرضى تحضر في سكشن ثاني؟!!

 

^^^
عادي

 

١٠٢ بسمستر ١٢٢ و ٢٠١ بسمستر ١٣١

التحضير :
آخر الكلاس و لا يدقق على التأخير و ما عندك مشكلة تحضر بسكشن غير سكشنك

طريقة الشرح :
نوت هو كاتبة و ينزله بالبلاك بورد ( من وجهة نظري نوته جبآآآآآر ) و يحل مسائل علي السبورة

الكويزات :
اولد اقزام و ليست كثيرة

المياجر:
كومن

الفاينلات :
كومن

القريد النهائي:
A+

الصوت:
واضح

إضافات :
ملك بالتصحيح + ما تطلع من كلاسه الا و انت تضحك + شرحه خورافي

 

نزلت عنده مرة ثانية ماث 201 بعد ما اخذت معاه 102 لأن وقته كان يناسبني ، التصحيح ممتاز الكويزات كانت 4 وأخذ أحسن 2 الشرح ما كنت أركز معاه كثير الصراحة ، زي ماذكرت سابقا الرجال أخلاق و محترم و يعاملك بشكل راقي

 

أنا درست عنده في كلية المجتمع ..

ما أذكر كل شي بالتفصل لكن أذكر انه بعد ما يشرح البيسك كونسبت .. يبدأ بشرح الاكزامبلز وبعدها يبدأ يشرح كيف الاسئلة تجي على هالدرس .. يعني تدخل الاختبار وانت عارف كيف انواع الاسئلة اللي جايه

جداً مدرس رائع وممتاز وسمعت انهم نقلوه للجامعة

بالنسبة للنطق واللغة فأنا اشوف ان كلامه مفهوم بقوة بعد وانجليزيته ممتازة​

 

Math202
بنود التقييم :

التحضير : آخر الكلاس .. وما يدقق على التحضير أو التأخر بس لا تزودها.

طريقة الشرح :

بالنسبة ل202 ما كان عنده نوت مكتوب بيده أو على السبورة كله كان شغل كومبيوتر .. في البداية كان يفتح هالنوت ويحل منه على السبورة بعدين صار يفتح الكتاب على البروجكتور ويشرح عليه مع استخدام السبورة .. الشرح في بعض الدروس ممتاز بعضها لك عليه.

الكويزات : سهلة إلى متوسطة .. دارس بتحله.

المياجر: كومن
الفاينلات : كومن

الصوت: واضح .. وانجليزيته تحسنت كثير .. عموما هو يشرح باللغتين.

إضافات :

الدكتور جدا محترم .. تصحيحه بطل غالبا تاخذ اكثر من حقك .. كويزاته قليلة وهذي ممكن تكون ميزة أو عيب .. لا تهايط انك فاهم كثير قدامه احسه ما يحب الطلاب اللي زي كذا.

 

شباب كيف هذا الدكتور في ماث301 ؟؟؟

ناوي أنزلها إلكتف معاه لأن وقته يناسبني..

 

معلومات أكثر في ال 301

 

كويس عموما لكن عيبه شرحه جدا بسيط ومو قد اختبارات الجامعه يعني لازم تعتمد ع نفسك وتحل كثييير لانه كل الي يحله سهل ومابيجيك بالاختبارات زيه

 

ماث 301 151
شرح بسيط ماياخذ وقت في الشرح
الحضور يحضّر اخر كل محاضرة والتاخير مسموح بس يطقطق على اللي يتاخر ولا يلعب بالجوال(راعي فكاهة هو)
عطانا اظن 6 كويزات بسيطة وتصحيحه كويس
كان هو الكوردنيتر وماقصر معنا حتى ان الفاينل كان على المنهج اللي بعد ميجر 2 يعني دلع

عموما ماث 301 كله حفظ وماتدري وش قاعد تكتب بس اهم شي تمشي على البروسيجر وامورك تمام