الاستفسارات عن برامج المتابعة الجامعية ..

ياشباب انا لم اجي اسجل بموقعهم واحط السجل المدني يقولي Invalid input
ما اتذكر اني مسجل قبل , شسالفه ؟

 

انت مسجل قبل بال cpc

 

شباب اللي عنده ايميل مكتب ارامكو بالجامعة
او ايميل مسؤول عن المتابعة الجامعية يحطه ماعليكم امر

انا اكسشينج وحاب استفسر منهم عن طريقة التقديم لنا

 

يلي يواجه مشكلة بالتسجيل , او يسجل ويطلع له incomplete ... روح عند اول خانة " التسجيل " وادخل على اول رابط "Application Wizard" .

 

شباب
لازم نرفق الترانسكربت أونلاين " سكان " في موقع ارامكو ؟
و هل أقدر أعدل على الطلب في حال اذا كانت بعض البيانات ناقصه

 

السلام عليكم
شباب انا انقبلت فارامكو
اليوم دقو علي الصبح وقالو لي عن مكان العمل تحديدا
عاد مدري اذا فيه مقابله او لا ، نسيت أسأل
والله يكتب اللي فيه الخير للجميع .

 

الله يوفقك ان شاءالله ,

مقدم عليهم بالنت ولا سلمت اوراقك لهم الاسبوع الماضي ؟

وممكن تذكر التخصص وعدد ساعات المنجزه
لاهنت .

 

وياك حبيبي

الاثنين كلهم الأسبوع الماضي والأونلاين مع ارفاق الترانسكربت
تخصصي CHE ، خلصت ٧٠ ساعه ( ١١ ساعه من التخصص )

 

الله ييسر امرك

يمديك تذكر المعدل ؟

 

مبروك للجميع بس يا شباب في عدة اشياء ابغا اذكرها لكم بخصوص المتابعة الجامعية :-

-تلتزم بالعمل عند الشركة نفس مدة اشرافهم عليك في الجامعة , واذا مثلا قررت تسحب عليهم ترجعلهم كل شيء دفعوه عليك .
-الشركة غير ملزمة بتوظيفك لكن أنت ملزم تشتغل عندهم , وبالعقل يعني ما راح يصرفون على واحد مبالغ طائلة ومايوظفونه الا اذا كان فيه ازمة اقتصادية .
-دراسة الماجستير او الدكتوراة بعد التخرج ما تمشي الا بموافقة الشركة .

 

ممكن تذكر الرقم اللي اتصلوا منه عليك.

اليوم الصباح اتصل علي رقم ثابت. بس كنت في الكلاس ونسيت اتصل عليه


والف مبرووك وعقبال الجميع

 

هل احد جاه الرد كذلك غير اخونا سامي ؟
ياليت اللي جاه رد يتفضل بذكر تخصصه وكم عدد ساعات اللي انجزها (عدد ساعات التخصص كذلك) ومن متى مقدم (بالموقع ولا الاسبوع اللي فات)
علشان تكون المعلومات قيمة للناس اللي بتجي بعدنا بالسمسترات الثانية
عسى الله يجعل فيه الخير والصالح للجميع

 

ياليت شباب نعرف الايميل اللي ردّوا ارامكو منه
او ايميلهم للتواصل

 

بس ياجماعة ماتحسون ان الموضوع شكله تاليف ؟؟؟
كيف يتصلون واهم اخذو الاوراق يوم الخميس
لان الموظف قالي ان بتجتمع لجنة وبتحدد الطلاب اللي بنقبلهم
وقالي من اسبوعين الى شهر
يعني ما اعتقد في اقل من يوم حددوا الطلاب المقبولين
لان كمية الاوراق اللي شفته عنده حاجة مهوله يعني تقريبا فوق 50طالب باليوم الواحد
فياليت اللي جاهم اتصال او يعرفون احد يأكدون المعلومة لنا
بالتوفيق للجميع

 

وليش اكذب يعني ؟ وش مصلحتي ؟!
انت مشكلتك انك مو مقتنع بموضوع الأرزاق .
القبول هو رزق من الله هذا من الأساس الأول
وعدم تقبلك للأمر ، والباسك التهم للآخرين ، يعد نقص منك

مو مجبور أبرر أو حتى أقول هذا الخبر أساسا
بس انا عارف انو في ناس جالسه ع اعصابها
فحبيت اقول هالخبر حتى اعطي امل لبعض الطلاب .

 

أو تبي اقولك معدلي عشان ارضي فضولك يعني
او عدم ردي ع رسالتك الخاصه دفعك لإلباسك هالتهمه ؟!

 

نعم الي دقوا علي فيه هو رقم ثابت

 

يمكن انك مقدم بالموقع قبل فترة وتوه يجيك القبول
عموما مبروك القبول

 

اسف جدا على ان كلامي فُهم بشكل خاطئ
اولا :كلامي كنت اقصد فيه ان القبول اللي جاك ماله علاقة بالثلاث الأيام اللي قدمنا فيها الأوراق يعني الناس اللي قدمت ذيك الثلاث الأيام لايحطون ببالهم ان ارامكوا بترد عليه خلال هالاسبوع علشان كذا انا ذكرت ان الموظف قالي اقل حاجة اسبوعين الى شهر
وثانيا : انا ما أعرفك وانت ماتعرفني فكيف أدلّس عليك واكذبك
وللامانة انا قلت هالكلام علشان الناس داخله ع مياجر فلايحاتون وكل ساعة يشيكون على الجوال على أساس ان ارامكوا بتتصل عليهم.
ورزق ربي عظيم لاهوب ناقص بسبب ان واحد انقبل وأحسده عليه
اخيراً
العذر والسموحة ياخيي وعسى الله يرزقنا ويرزقك الخير
وألف مبروك على القبول

 

السلام عليكم ورحمة الله وبركاته ي شباب انا قدمت يدوي هل لازم اقدم ف الموقع حقهم مع العلم ان الشروط تختلف واذا لازم اتمنى ترسلون الرابط ولي عنده رقم الي قدمنا عليه يدوي او ايميله يرسله وشكراً