مقابلة في شركة كريم Careem

السلام عليكم اخوي،

سويت المقابله والا؟
وايش صار معك؟

 

نفس التساؤل

وهل أحد يعرف اي معلومات عن الشركة ورواتبها

 

اذا ما عليكم امر ممكن احد يعلمنا اَي شي عن المقابله

 

أولا أتمنى للجميع كل التوفيق.. تجدون بالمرفق العرض الوظيفي كان في شهر أكتوبر ٢٠١٧ (اللون الأصفر معلوماتي الشخصية فتم حجبها) عملت بالشركة فترة قصيرة وسبب تركها.. جاني عرض وظيفي يناسبني أكثر.. لكن بالعموم الشركة لا بأس بها.

نبذة عن وضع الشركة:
شركة كريم تعتبر شركة ناشئة في السوق (طبيعي تجدون تغير في سياسات وإجراءات العمل بشكل مستمر) عموما سأذكر المعلومات اللي أعرفها من خلال عملي فترة قصيرة في الشركة.. بيئة العمل ممتازة من ناحية أن الجميع يتعاملون نفس التعامل من الـ GM إلى Supply Associate من حيث ساعات العمل والتأمين الطبي وأماكن العمل.. يعني تجلس يمين ويسارك الـ GM الكل واحد في الشركة.. ويوجد برنامج محادثة مشترك لكل الموظفين في كريم حول العالم ومن ضمنهم (ملاك الشركة) بإمكان أي موظف التواصل مباشرة مع أي شخص داخل الشركة في أي مكان بالعالم.. والشركة تعتبر الموظف شريك وتمنحه نسبة من أسهمها بعد ثلاث سنوات بشكل سنوي.. يعني فعليا بتكون شريك في الشركة..
المكاتب الموجودة والوظائف أغلبها Supply للكباتن اللي في الميدان.. تسجيل كباتن جدد، دعمهم، مساعدتهم، تنسيق الدورات لهم.. إلخ باختصار عمل المكاتب فقط لدعم الكباتن.. التسويق منفصل تماما عن ال supply..
يجد لهم عدة مكاتب وهي مقسمة على حسب حجم الضغط والعمل في المناطق.. يعني على سبيل المثال: المدينة، ينبع، تبوك، مكة، الطائف مرتبطين بـ (GM) في المدينة... أما الرياض فلها (GM) لوحدها، وجدة كذلك لها (GM) لوحدها لأنها تعتبر مدن كبيرة..

التقسيم الإداري بمكاتب ال Supply:
Growth: مسؤولين عن تسجيل الكباتن ووالعمل على زيادة عدد المسجلين، ودورات التدريب والتأكد من مطابقة السيارات للمواصفات.
Quality: مسؤولين عن المحافظة على الاستاندر للشركة من حيث التزام الكباتن، السيارات، شكاوي العملاء المتعلقة بنظافة السيارات أو باختصار جودة الخدمة المقدمة للعميل
Loyalty: مسؤولين على المحافظة على الكباتن وتقديم المساعدات، وحل المشكلات التي تواجههم في الابليكشن أو الحسابات المالية. وأيضا من أعمالهم الاتفاق مع الشركات لتوفير العروض والمزايا لكباتن كريم مثل عروض التخفيضات للكفرات من برجيستون، والتظليل، بترومين للزيت الخ..
Performance: مسؤولين عن حساب ومراقبة حالة الطلبات من حيث توفر كباتن يغطي عدد طلبات العملاء.. وهذا يكون من خلال توفير ضمانات للكباتن عشان يقومون الصبح.. أحيانا يعطون ضمان (إذاالكابتن اشتغل ساعتين كريم يضمن ١٥٠ ريال للكابتن) هذه من أعمال هذا القسم

الترتيب الإداري من أعلى إلى الأقل:
GM: المدير العام المسؤول عن الفرع أو الفروع على حسب المدينة.
Operation Manager: كل فرع له مدير واحد مسؤول عنها وأحيانا يكون مسؤول عن فرعين ويكون مرتبط ب (GM) المنطقة
Supply Manager: يكون ارتباطه بال (OM) ومسؤول عن السبلاي لييد
Supply Lead: كل قسم من (Growth.. Quality.. Loyalty.. Performance) لهم مسؤول واحد يكون مسؤول عن أحد هذه الأقسام ويشرف على ال Supply Associate..
Supply Associate: يكون عضو فريق في أحد الأقسام المذكورة سابقا.. ويرتبط بال Supply Lead

المقابلة الشخصية:
المقابلة الشخصية مختلفة من شخص لأخر لانه مثل ما ذكرت سابقا الشركة ناشئة (حوسة شوي هههه).. فكل شخص يمر برحلة توظيف مختلفة هههه
بالنسبة لي.. كانت طويلة شوي.. بس على كلامهم أنه وضعي أخذ وقت لأنه كان عندهم لخبطة وحوسة وقتها..
شهر ٧ ميلادي: اتصل بي ال HR من الرياض مقابلة هاتفية (عبارة عن عرف عن نفسك بالانجلش.. وايش تخصصك وكلام فاضي)
شهر ٩ ميلادي: اتصلوا بي بخصوص مقابلة راح يجدولها لي..
شهر ١٠: - اتصلوا بي وحددوا لي مقابلة اليوم اللي بعده مع الـ Operation Manager .. المقابلة كانت جدا غريبة باكستاني معه لاب توب يقرأ السؤال ويكتب جوابي على جهازه كانت ١٠ أسئلة غبية جدا.. بس للأسف ما أذكرها هههه.. ( أخر المقابلة سألته هل الرد بيكون سريع ولا نفس الاجراءات السابقة أكد لي أنه خلال ٤٨ ساعة بيوصلني رد) وفعلا تواصلوا معي بعدها بيومين طلبوا مني أقرب فرصة أحددها لمقابلة ال GM طبعا أنا عاطل وفاضي اليوم الثاني وأنا عنده.. المقابلة كانت مجرد سواليف عادية جدا أغلبها هو يتكلم وأنا أسمعه ههههه. بعدها بيوم وصلني اختبار جداول Excel عبارة عن مدن وارقام يسألوا عن أعدد داخلها وكذا سهل جدا.. بعدها بيومين تقريبا تواصلوا معي طلبوا مني أروح جدة أو الرياض أتدرب ثلاثة أيام قبل العرض الوظيفي.. الهدف من التدريب ثلاثة أيام إنه أجرب العمل معهم عشان لا أتوظف وأسحب عليهم ههههه.. المشكلة ما كملت معهم شهر ههههههه.. بعد التدريب بأسبوع وصلني العرض.. وبدأت دوامي في نوفمبر.. وسلامتكم

 

يعطيك الف عافيه ما قصرت .. والله يوفقك بالوظيفه الجديده

ممكن اعرف أوقات الدوام؟ وكم يوم بالأسبوع؟

 

الله يعافيك.. وعسى الله يوفق الجميع.. معليش نسيت أوقات الدوام ههههه
رسميا الدوام ٦ أيام بالأسبوع، من الساعة ٩:٠٠ ص إلى ٦:٠٠ م.. يوجد ساعة بريك غداء..
الدوام مختلف من فرع إلى فرع حسب ما يتفق الموظفين ممكن يطلب تقليص الوقت.. مثلا فرعنا.. الدوام بالبداية كان ٥ أيام (٩) ساعات باليوم.. بعدين اتفقنا انه يصير (٥) أيام من ٩:٣٠ إلى ٥:٣٠ م ويوجد بريك من ١٢:٤٥ إلى ١:٤٥ (ساعة يقفل المكتب).. طبعا راح يختلف موافقة OM حسب مراجعين الفرع..
لكن الدوام مرن (لو عندك أشغال أو بتطلع وقت الدوام ما عندهم مشكلة) والمدراء متعاونين بهذا الخصوص..

الاجازات: يحق لك تقدم إجازة أي وقت عن طريق الـ (Dashboard) ولا تحتاج تنتظر موافقة أحد.. نظامهم يحق للموظف أخذ إجازته أي وقت ولا يحق منعه منها نهائيا.. ولهذا السبب الموظفين انتدابهم لأفرع أخرى بشكل دوري لتغطية النقص في الفروع..

الراتب يختلف من فرع لفرع أيضا.. الفل بكج بين (٦٠٠٠ إلى ٨٠٠٠ ريال في الشهر) طبعا لوظيفة Supply Associate .. يوجد بونص شهري ١٥٪ حسب أداء الفرع..

الترقيات ما لها وقت محدد.. يعني ممكن خلال ٣ أو ٤ أشهر تصير Supply Lead.. حسب أدائك وحسب الاحتياج.. والشركة أغلب الموظفين سعوديين ما عدا جدة.. ال (GM) سعوديين في كل المناطق..

بالتوفيق للجميع..

 

يعطيك الف عافيه ما قصرت والله على المعلومات

 

ماشاء الله ,, جزيت خير على التفصيل والشرح الوافي ,,,,