رايكم في عرض من شركة Saipem لحديث تخرج

حاول تتأكد من المسمى الوظيفي في الاوف شور. وهل فيه برنامج تطور وظيفي او لا. بالنسبة للراتب انا اختلف مع الشباب اللي يقولون انه كويس. مقارنة مع بقية شركات الحفر تعتبر من الاقل راتب خصوصا انك فيلد المفروض من ٢٠ الف وانت طالع في حال انك خريج جديد.

 

20 مين والناس نايمين ههههههههههه ..

بالمنطق يعني كحديث تخرج من 10 وفوق نعمة .. يقبل العرض افضله او صعب يلاقي احسن منه ..

نصيحة لأي حديث تخرج اقبل اي عرض مهما كان وبعدها اتشرط بكيفك .

بالتوفيق للجميع ..

 

لو لا أن أخشى أن أكون سبب في قطع أرزاق الناس لنقلت أسمك الحقيقي أمام الملأ وتأكد أني عرفتك من قرب جداً فلا تظن أن ظهورك تحت أسم مستعار يخفي شخصيتك ولكن أنصحك أن تتقي الله في نفسك ،المتابع للمنتدى يعرف سلبيتك وتناقضاتك فلا يلتفت لردودك أصلاً ولكن احيانا يأتي زائر قد يأخذ أي رد على محمل الجد ،لذلك أنصحك أولاً بزيارة أقرب مركز لمطمئنة أو أي مركز نفسي اخر وستجد الفائدة بإذن الله في حاضرك ومستقبلك ثانياً سجل خروج من المنتدى وتأكد أن عدمك خير من وجودك وارائك حبذا الإحتفاظ بها لنفسك .

 

مبروك العرض الوظيفي و بما انك فريش اقبل فيه بدون تردد و اذا حصل لك الأفضل بعدها تقدر تتخذ قرار. انت تم قبولك في قسم الاوفشور اوبريشن و هو قسم بالكونتستراكشن فيلد و ليس الحفر. الجميع يعرف سايبم انها شركة حفريات و لكن سايبم عندها قسم لتصنيع و نقل و تركيب المنصات البحرية و تمديد الأنابيب و الكيابل تحت البحر و هذا هو القسم اللي انقبلت فيه و هي رائدة في هذا المجال و يمكن الأفضل. طبعاً ممكن عملك راح يكون في ستار يارد في ميناء الدمام و بيكون ٥ أيام من ٨ إلى ٦. أحياناً يتم نقل الموظف إلى المكتب الرئيسي في الإمارات في الشارقة.

موفق

 

شكلي ما شرحت بشكل واضح. انا اقصد في حال انه اشتغل في الفيلد ١٢ ساعه يوميا لمده شهر او شهر ونص متواصلة المفروض يوصل راتبه مع البدلات والاوفر تايم اقل شي ٢٠ الف.

واتفق معاك انه راتبه يعتبر كويس في حالة انه يشتغل ٨ او ٩ ساعات يوميا ويرجع لاهله بعد الدوام كل يوم.

 

الله يجزك خير أخوي ويعطيك العافية ..

ونصيحتك على راسي والله ..

بس هي وجهة نظري واعتذر اذا لم تناسبك .

فيه خريجين ماتوظفوا او برواتب متدنية فقبول عروض مثل هذه اعتقد انها فرصة ممتازة "كحديث تخرج"حسب وجهة نظري .. ثم بعد الوظيفة الوضع يصبح افضل واسهل بكثير ان شاء الله ...

بالتوفيق لك واعتذر اذا أخطات بشيء . شكرا لك

 

نعم ممكن يوصل هذا الرقم مع البدلات لكن تكون غالبا في منطقة نائية وعمل 12 ساعة .. مثل شلمبرجير 18 ألف .

 

بشكل عام الفيلد دايم يكون مناطق نائية سواء بالصحراء او بالبحر. لكن بالنسبة لشلمبر يختلف البونص حقهم من قسم لقسم وممكن نقول مابين ٣٠ الى ٥٠٠ دولار باليوم غير ال١٨ الف كراتب

عشان ما نتشعب بالمواضيع نرجع لموضوعنا ان ١٤ الف وشغال في مناطق نائية يعتبر قليل مقارنة ببقية الشركات دام مافيه بدلات ثانية

 

الف الف مبرووك و ان شاء الله فالك التوفيق, بنسبة لشركة سايبم تعتبر شركة جدا قوية و اسمها فقط يكفي, للتوضيح سايبم تعتبر ثلاث شركات:
1- شركة سايبم مشاريع البر و مقرها الرئيسي في الظهران.
2- شركة سايم مشاريع البحر مقرها الرئيسي الشارقة.
3- شركة سايبم الحفر مقرها الرئيسي الدمام.
للامانة الشركة بشكل عام تعتبر فرصة ممتازة خاص حديث التخرج بأذن الله راح تكتسب خبرة ممتازة اذا شتغلت على نفسك و اثبت نفسك, حاول تتعلم و تحشر نفسك معهم (الايطاليين اشوي متعبين فالتعامل, بس بشكل عام محترمين).
انا كنت احد موظفينهم في احد مشاريع البر و بعد سنتين تقريبا جاني عرض من شركة منافسة براتب افضل و تقريبا دبل الراتب اللهم لك الحمد.

 

تشاور اذا عندك خيارات اما عاطل وتتشرط هذي مشكله بعض المهندسين السعوديين للاسف (البعض) مو الكل

اذا عندك خيارات او موظف حاليا هذا موضوع ثاني وهذا مو مبين من موضوعك

 

هذا الكلام اللي اقوله من اول .

اذا انت عاطل اقبل اي عرض مهما كان ..

اذا توظفت حط رجل على رجل واتشرط بكيفك .