تمديد فترة سداد رسوم السكن لمده اسبوع

والله ما عندي فكرة لكن اتوقع يميدك لمزيد من المعلومات راجع مبنى 17

صندوق الطلاب


تحياتي

 

شكرا شكرا لك يا جامعتنا وشكرا لك يا بو سلطان ..

شكرا لكم على تقدير ظروف اخواننا الطلاب وتمديد الفتره ..

اثبتم حبكم لنا .. وفقكم الله ووفق الله الدكتور خالد لمايحبه الله ويرعاه .. دمتم ,,

قليل ادب !!

اقل كلمة تقال في حقك !!

ما فيه شي اسمه غصبن عنهم !!

واحترم نفسك مره ثانيه !!

ورأيك خاص فيك لحالك و ما احد يوفقك الا قليل ادب مثلك ,,

 

اطلع من مخي !!

 

اخوي ابقولك شي انا متأكد منه انك عند اساتذه المواد اللي يدرسونك وش زينك وش زين ادبك في تعاملك واحترامك لهم .. عشان مايخسفون بك القاع بالدرجات .. انت تدري ان الموضوع هذا والقرار اللي يحتويه صدر بتوجيه من معالي مدير الجامعه الله يخليه ذخر وفخر لها الجامعه يعني شي طبيعي انه بيدخل هالموضوع وبيشوفه ( وهو اصلا حسب ماذكر في لقاءه مع الطلاب انه يتصفح المنتدى كل صباح ) يعني ماتستحتي ان راس الهرم في هذه الجامعه يطالع هالكلام اللي انت كاتبه .. خاصه ان هالتوجيه الكريم جاء دليل انه قلبه على الطلاب وليس اكبر منها عندما ثار الجدل حول المكافأه ايضا لمسنا التجاوب الطيب من إداره الجامعه ووضحت لنا وشاركتنا في ايضاح سبب التأخير بتقولي هذا واجب ابقولك ايه بس شفت احد من ربعنا في اي موقع حكومي اخر عنده هالتجاوب والشفافيه وعلى فكره يالطيب المكافات نزلت الاربعاء يعني كان يقدرون مايمددون بدفع الرسوم ولو مددت الفتره تمدد يوم واحد ولكن جزاهم الله خير اللي مددوها اسبوع كامل ..


شكرا اداره الجامعه وشكرا لهرمها معالي الدكتور خالد السلطان ونعدكم بإذن الله ان نكون عند حسن الظن وان نجعلكم فخورين بنا وبتميزنا كما هي جامعتنا جامعة التميــــز .. والشكر لعميد شئون الطلاب الدكتور مسفر الزهراني فو الله ثم والله نعلم انكم تحبون لاخوانكم الطلاب ماتحبون لابنائكم وتجتهدون ولكل مجتهد نصيب وإرضاء الناس غاية لاتدرك حفظكم الله ورعاكم .. ​

 

عيب و الله ...

 

يا أخوان... أميتوا الباطل بعدم ذكره

 

انت تدري ان مديرنا الله يطول في عمرهـ تحسدنا عليه كل الجامعات السعوديه

داااااااايم في خدمة الطالب الله يعطيه العافيهـ

جزاك الله خير يادكتور خالد

 

قليل ادب ولا قليل نحو
مدري ليه في ناس ما يصدقوا خبر ان واحد كتب حاجه غلط
يا اخي اما انصحوه والا تسبوه لانكم بتصيرون في مستواه وانتم بدل ما تعالجوا الغلط زدتوه
كل واحد مسوي نفسه فيلسوف زمانه

 

جزى الله مديرنا خيراً و نرجو منه العفو الصفح عن ما بدر من أحد الجاهلين.
"خذ العفو و أمر بالعرف و أعرض عن الجاهلين"

 

الف شكر للمدير والله مايقصر

بيباي

 

جزاك الله خير يا الدكتور خالد السلطان وبارك الله فيك وفي ابنائك

والله اني كنت شايل هم الغرامة مهموم .. قلت 400 سكن + الغرامة .. طاااارت المكافئة مع بداية الشهر

الله يجزاك بالخير يا دكتورنا .. وصدق ان صوتنا مسموع ،،،

 

شكرا جزيلا لكم يا مدير مدير جامعتنا وكل من يكون في جهة الطالب


وسامحنا يا دكتور خالد على تفاهات بعض الطلاب وارجو انك تعتبرو سوء تعبير لا غير

 

أهم شيء المكافئات تنزلوها بسرعه ,,, و والله محتاجين لها

 

^
^
صباح الخيير

 

^^^^^^^^^

هو يقصد بالشهور المقبله ...

 

وانا اقولك انتا صباح الخير...


نحنا تعودنا من الجامعه ..
ان الشهر ما يخلص الا والمكافأة نازلة... يعني الشهر هذا وصلت 27 ولا 28 ؟؟

طيب ..؟؟ تراها مو كتير والشهر ماخلص...


والجامعه عودتنا على 25 من كل شهر..
وليا فترة ماهي قليلة (5 سنين تقريبا)

ولا افتكر انو في مرة من المرات المكافأة تأخرت الى مابعد نهاية الشهر..... ولا مرررررررررررررة

((امكن صارت مرة بس اني ناسي))

 

انا اشوف ان المكافأة لا تأخرت يومين فهذا يعتبر مصيبة .. خصوصا اذا ما عرفنا انه ما يجي يوم 25 على يوم 24 احيانا برضو 23 الا وما بقى الا اخر خمسين ريال .. فعاد وشلون لو تأخرت يومين او ثلاثة .. علما لأنها المصروف الوحيد لأكثر من 90 % من طلاب الجامعة , ولا أنا غلطان ..؟

 

طيب ... صباح النور ....

 

لا موغلطان... وانا واحد من ال90 %

لكن فكر بطريقة تانية..
ليش تخلي فلوسك مبرمجة ومجدولة على اخر يوم (يوم 25)

ليش ماتفكر تخليها تمشيك الى يوم 30 ؟؟؟

لاتقولي مانقدر ومدري ايش...
اللي يخليك توصلها الى 25 .. راح يخليك توصلها الى 30 وبكل سهولة

اصلا لو تلاحظ ان اغلب الطلاب تلاقي المكافأة تمشيه الى يوم 25...
يعني من يوم 25 الى يوم 25 <<< هذا اللي حاصل مع الكل وشي عادي

طيب لو فكر الطالب هذا شوية.. وسوى شيفت من 25 الى 30...
وزبط كل مصروفاته وخلاها من 30 الى 30

صدقني راح يكون وضعك على قولتهم اوووكيييييي
وماراح يجي يوم وانتا على الحديدة... << يعني جاهز لاي ظرف طارئ

 

^^
سويت عشان أكون صادق معاك انا مبرمج نفسي دايم على أكثر من يوم 25 .. والمكافأة الاخيرة نفس الشي بس اللي حاسني فلوس السكن صرفت منها في حاجات ثانية على اساس اني بعوضها من المكافأة ..

المهم موضوعنا , لو تبي توصلها يا سويت ليوم 30 فمعنى ذلك من يوم 25 الشهر الفائت الى يوم 30 من الشهر الحالي , يعني 35 يوم .. وقسم عليها 990 .. بيطلع لك 28 ريال المتوسط .. أتوقع أنها أقل من المعتاد أو المعقول ..
عموما الفكرة أنه لازم تحسب حساب يومين او ثلاثة بعد يوم 25 ..