حملة مقاطعة سيد المأكولات

نروح في يوم كلنا و نطيح فيهم تلطيش .. هههههههههه

 

انا قاطعتو خلاص

بيباي

 

يلا عليهم

 

شباب انا معكم بس في شي صراحه الفطور عند سيد ممتاز طبعا بس البيض جبن حقه ما اقول انه الافضل لاكن كفظور هو الاقرب بس البيض جبن عنده زين

لاكن انا اقاطعه من عيوني ليش لا لانه من جد سيد المحروقات.

 

خلاص يا شباب انا معاكم
راح اوقفوا لمده اسبوع مو 3 ايام
من جد الكسل مشكله

 

العجيب و المضحك في نفس الوقت هو

تقاطعون سيد ولا مشوار عشانه زاد ريال ولا اثنين ولا 10 ريال بعد.. ولكن في المقابل..

1\نتقهوا من ستار بكسو لا دكيف كاس صغير اقل شي ب 8 ريال.. أو لا أروح بعيد كاس شاهي من أكواب بريال أو بريالين وفي المقابل يمديك تشتري بريال 25 كيسة لبتون و ب3 ريال كيسة سكر هذي تكفيك اقل شي ل اسبوعين..( ملحوظة ان الغلاية والموية الحلوة متوفرة مجانا من ادارة السكن)

2\ ندوووور بالسيارة من بعد العشا الى الساعة 2 بالليل عااااادي جدا فله وسعة صدر !!!!!!

3\نروح نلعب سوني ولا اشبك انترنت من بر الساعة ب 5 ريال عاادي !!!

4\ ((احرق)) ما يقارب 30 ريال نعم ثلاثين ريال في الاسبوع على دخان عااادي..

5\ أطالع مباراة يوميا بس من الفضوة ب 5 ريال عاااادي !!!!

كل الملاحظات اللي ذكرتها بعضها تحدث بشكل يومي تقريبا. وعليك الحساب كم تضيع فيها من مكافأتك

انا لست ضد المتعة والترفيه ولكني أقول بأن لها ضوابط وشروط وحدود لا نتجاوزها..

وشكرا

 

والله انك جبتها يا ابو ثابت

 

والله اسمحولي يابوثابت وياكميكال...

ادفع 100 ريال وانا مبسوط وفي شي يعجبني وعلى الاقل يبسطني

ولا اني ادفع 5 ريال في شي انا مغصوب.. والظروف تجبرني عليه


هذا شي مهم بالنسبة ليا

 

ادفع بس لا تبلشون الحكومه الله يخليها نبي زيادة مكافات وقلق وانتم كذا تفكيركم .
أو اذا تأخرت المكافأة يوم ولا يومين أول صفحة من كل منتدى كللللللللللها تشتكي,.

المفروض من رجال المستقبل يعرفون يضبطون ميزانيتهم مهوب من ثاني يوم المكافأة بح

وبالمناسبة ترا مطعم الجامعة اصرف من بعض المطاعم اللي برا وشغل الدلع خلوه حق الطعم والقلق ذا
يعني بالله مامليتوا من برجر كنج وكنتاكي والطقة وانتم بشكل شبه يومي عندهم ؟؟!!!!

تحياتي و أتمنى ان محد يزعل

 

ابو ثابت

شكلك من المؤسسين لمبنى 21

 

يوم وصلت لكذا قاطعوه زي ماتبون ماعلي منكم خخخخخخ

 

الحمد لله أنا مقاطع من أول




تكفون همتكم يا شباب نبغى سيد المحروقات يفلس

 

^^^^^^^^^

لا حراام .. بس لهم شي يتعدل..

 

أبو ثابت .. انتهى زمن المثاليات من زماان ..
خلك واقعي .. انت تقول تصرفون فلوس على المتعه .. وعلى السوني والمباريات والقهوه ووو .. ولكن بالمقابل ما عندكم استعداد تصرفون زيادة فلوس على الاكل من مشوار وسيد ..
يا عزيزي كل شخص يحدد مبلغ من مكافأته للاكل ومبلغ للمتعه ومبلغ لكل حاجه ثانيه مهمه ..
أنت كيف ما تبيني اشتري قهوه وكيف ما تبيني اناظر مباريات وتقولي ما ابي احرمكم من المتعه
وبعدين , تستنكر علينا اننا ما نبي ناكل من سيد ومشوار بسبب عدم رغبتنا في دفع المزيد من الاموال لهم لكن نسيت يا عزيزي انهم اغلى مطعمين لا واووسخ واقذر اثنين بعد .. وكل شي زفت في هالمطعمين ..

ما يحتاج زيادة مثاليات .. وان كانك تفضل مطعم الجامعه على غيره فهذي وجهة نظرك ولكن لا تحاول ان تجبر الطلاب عليها .. وتذكر انه فيه بالجامعه 10 الاف طالب .. فهمت من كلامك تبيهم كلهم ياكلون من مطعم الجامعه .. تخيل لو اجتمعوا بيوم واحد ..؟

 

المثاليات تختلف من من وجهة نظر شخص لآخر ..
لذا عطني وش المثالية عندك عشان تكتمل الصورة عندي..
المثالية من وجهة نظري هي حسن خلقك وتعاملك مع الناس (وعدم توجيه اصابع الاتهام لشخص دون أن أعرف ماهي نقاط دفاعه)
الجميع يعرف أن أغلب المواد الأساسية ارتفعت أسعارها بشكل كبير مقارنة بالسابق لذا من قانون نيوتن لازم تكون فيه ردة فعل من المطاعم اللي تشتري هذه المواد برفع أسعارها (المفروض في نطاق المعقول) في محاولة منهم لعدم الخسارة..

وإذا على رفع الأسعار المفروض نقاطع مشوار لأنه رفع أسعاره بشكل أعلى من سيد..

صاروخ شاورما : سيد ب 6 ريال ومشوار ب 10
الشاورما: " 4 ومشوار نفس السعر

صحن كباب لحم: " 15 مشوار ب 17

أي الفرق بين مشوار وسيد تقريبا ريالين !! ومع احترامي بدون مبرر لمشوار..

لو مسوينها صدقني ماشفت انواع الصياح في المنتدى اذا جا يوم 25 ولا نزلت المكافأة..

بالمناسبة صحيح ان كلامي في الأول كان يعتقد بأنه دفاع عن سيد (المطعم اللي ما اكلت منه الا مرة واحدة فقط) لكن ماكنت اقصده هو عموما..

أعتذر لأني طلعت عن الموضوع في أول رد لي

و أنت قلت

لاحظ اني قلت بحدود المعقول تحت توجيه القاعدة الشرعية ** لا ضرر ولا ضرار ** و **لا إفراط ولا تفريط **
وما تحته خط اعترف بأنه كان خروج مني عن محتوى الموضوع

عشان كذا أنا اقترحت مطعم الجامعة علشان شغلهم نظيف واسعارهم معقول (المطعم الوحيد اللي ما رفع أسعاره للآن )

لاحظ مهوب كل.. واللي تحته خط انا استغرب وشلون ما مليت منهم لأن يمكن حاسة الذوق عندي معدومه

عموما أعتذر عن الإطالة و آآآآآآآآآآآآآآآآآآآآسف على خروجي عن النص في أول رد لي

 

الله يهديك يا ابو ثابت جاي تعمم افعال كم شخص على 8000 طالب!!

اللي يسير يا عزيزي في سيد اللي انتا اكلت منو مرة وفي مشوار والعريقي والجمعية وغيرهم ... عمليات سرقة مع سابق الاصرار والترصد

يا أخي ايش تبغى من مدير مجمع تجاري كل ما كلمه أحد من موظفيه وقله اسعارنا غالية ما راح ننزلها ؟ يقوم يرد خليهم يصرفوها لنا ولا يضيعوها في البحرين!!

وغير اللي يجيب قطع كمبيوتر ويبيعها بـ 10% زيادة

وغير اللي يبيع الكرتون بسعر الحبة بدال سعر الجملة

ولو تحب اعددلك الكثير صدقني ما راح اغلق

واحنا كلامنا في الموضوع بخصوص سيد اللي مستواه سيء ورافع اسعاره بصورة خيالية ونقول نبا الاسعار ترجع

فالموضوع ماله دخل بستار بكس وغيرهم

على الاقل في نظر كثير من اللي اعرفهم بان الدخان والسجاير والشيشة افضل من أكل سيد بمليون مرة

واذا كان التدخين هو سم بطيء فسيد هو سم هاري سريع المفعول >>>زي بف باف بالضبط

ومن باب البجاحة لاحد المدراء معلق اعلان كبير في محل التسويق الخاص بيه يقول لاي ملاحظات او شكاوى نرجوا الاتصال على ×××××

ومن يوم ما تتصل يقلك تعلي المكتب ونتفاهم وبمجرد ما تجلس يبدا يدخلك في متاهات حسابية لين ما تنسى 1+1=كم ويتظاهر بالدميقروطاية المطلقة!!

أبو ثابت خليني ساكت ...

انا عارف ان ردك هذا دليل انك مو عارف ايش يسير في الخفاء لكن في ناس حاطين عيونهم على المكافأة بجانب الامن والاسكان وغيرهم .... لكن هذي الفئة مو رسمية من الجامعة ... وطريقة مصها مختلفه !!

 

أبو ثابت , أنت قلت وجهة نظرك وانا قلت وجهة نظري .. أتوقع كل واحد وجهة نظره واضحه الحين ..
عموما ترى الصاروخ عند سيد الماكولات بـ 7 وبالجبن بـ 8 .. غمزه ..

 

أخوي مزعق ساكت:

صدقني أنا ماكان قصدي التعميم واللي ذكرته كانت أشياء منتشرة بكثرة بين الشباب و أنا نقدت عليهم فقط الاسراف في مثل هذي الأشياء و هو صراحة كان خروج مني عن الموضوع..

و أنا كان عندي فكرة كنت أبيها توصل اللي هي: نحن نسرف في جوانب كثيرة ومن بدون مبرر بعض الأحيان ثم نزعل لما يجي التاجر ويزود علينا أنا أتوقع إنه مازاد زيادة مبالغ فيها إلا لما شافوا إسرافنا اللي بدون مبرر فقط ..

اللي قهرني والله بأني كنت أحاول أتبع الطرق الدبلوماسية لكن الصراحة مع عقليات زي هذي ما أدري وش تسوي فيهم خصوصا لما ما يكون لإدارة الجامعة سلطة عليه..
و أنا لو داري عن مثل هذي العقليات من أول كان والله ما تكلمت ولا بكلمة (ملحوظة: أنا ماكنت أدافع عن سيد ولا غيره لكن اللي كنت ابيه هو توضيح مدى اسرافنا في أمور ثانوية على حساب أمور رئيسية)

لذا أنا الآن معكم يوم انتهت الطرق الدبلوماسية نوريهم الطرق الثانية اللي تأثيرها أكبر بكثييييييييييييير من الطرق الدبلوماسية ولكني حبذت الطرق الدبلوماسية من أجل النظام فقط لا غير..

في هذي النقطة أنا كنت أقصد المباااالغة الغير مطلوبة زي اللي يخلص لي بكت كل يوم !!(على ما اذكر البكت فيه أكثر من 20 سيجارة صح ولا لا؟؟؟)

تعليقي هو

صدقني لو كنت أدري كان رديت بطريقة مختلفة وبالنسبة للمدير أنا ما أدري أي مدير تقصد لكن أتمنى لو نوجد حل مناسب له حتى لو كان عن طريق المقاطعة
لو ليوم واحد عشان يعرف هو كم يدخل من الطلاب فقط اللي أتوقع انهم مصدر 99% من دخلة اليومي
لأن مثل هذي العقليات ما ينفع معها النطق والعقلانية وعلى قولة المثل ** ما يفل الحديد الا الحديد**

نقطة أخيرة ::

أتمنى أعرف كم العقد المتبقي من عقود كلا من مشوار وسيد حيث انه يشترط عليهم تطووير وتحسيين نوعية الأكل والأسعار والا فيه مليون مطعم ودهم يجون هنا..

>> الا وش صار على فكرة مجمع المطاعم اللي بيسووه ولا صار فيه اعتراض من سيد ولا مشوار عشان ماينسحب البساط ورضخت الجامعة لهم ؟؟

 

أقــول وش رأيكـم نحــط النخـيل بالقائمــة ..


وش أخبــار المقاطعة بشروا ..




أنا النخيل حارق رزي ..

اليوم متصل عليه الساعة 8 وربع والله ما جاء الطلب إلا الساعة عشرة إلا ربع تخيلوا .. بجاحــةما بعدها بجاحة ..

 

والله انك حبيب تاخر علي مشوار 5 دقايق دقيت عليهم وقلت 5 دقايق ما جا ماراح استلم الطلب منة الله ولا خلقه

>>>>>>

إلا وش صار على سالفة المطاعم اللي تدخل الجامعة أتوقع لو فيه مطاعم تدخل ماشفنا هلاستغلال من مشوار وسيد...