متى تخصم المخالفات من المكافآة؟؟

والله وأنا أخوك بعلمك عن تجربتي الشخصية ..

طبعا ً أنا طالب ملتزم بالقوانين ومركب ستيكر من قفلوا سيارتي يومي أوريا ..
<< لا تحسبني شايب .. تراه العام خخخ


المهم ..
خصوصا ً هـ السمستر أخذت مخالفات كثيرة ..
اللي اوراقها لا زلت محتفظ فيها للذكرى بسيارتي يجي تقريبا ً 7 أو 8 قسايم ..


الخبر المفرح .. //
انو لـ الآن ما خصموا مني ولا ريال من أيام الأوريا للحين ..
مع اني كل فترة آخذ لي قسيمة حلوة كذا .. خخ


و أصلا ً ولا مرة كان مكتوب ع القسيمة ان فيها غرامة ..
بس يسجل معلومات السيارة والاستكر ونوع المخالفة ويوقع ..


طبعا ً أكرر ..
أنا أتكلم من تجربة شخصية بس ..
يعني اذا يخصمون من الباقين و أنا لا عشان سيارتي " أزيرا " و كشخة مثلا ً هذا شي ثاني :D ..

،،،،،،،،،

 

يا خوي المفروض يخصمونها المكافئاه الجايه

ولكن لو ما خصموها ما راح تضيع

عند التخرج راح تسوي تصفية حساب مثل الاخ اللي فوق
ملاحضة / اول مخالفه على حد علمي 50 ريال

 

اذا جيت تتخرج أو تخلي طرف - بتدفعها ريال ينطح ريال

 

أنا حصلت على مخالفة السنة الماضية والشهر اللي بعده على طول خصموها ..

الترم هذا أخذت قسينة ثانية ولكن نزلت مكافأتين وما انخصم شي ..

الله يستر لا يخصمونها المكافأة الجاية ويخربون الإجازة علينا ..

 

سوف أضع موضوع في الايام المقبله

بهذا الشأن

 

على حسب المزاج


على حسب ماحصلي بعد اكثر من ست مخالفات
غالبا تنخصم بعد شهرين او ثلاث ..

واحيانا تحسب انهم ماراح يسجلونا وتتفاجأ انها مخصومة بعد اربع شهور ( اكثر من مخالفة مجمعينها مع بعض ) وهذا اللي يقهر يسجلونها مرة وحدة مع انه في فرق بينهم يوصل لشهرين

 

لي سنه وعليها من خذيت مخالفه وما انخصم شي

وامس مغير الاستكر ولا تكلم ..

 

بعد ما تاخذ المخالفة

تظل شهر او شهرين ما ترفع للادراة

و بعدهـا يخصمونها

انا اخذت مخالفة بمنتصف الترم 81 و الترم اللي بعده خصموهـا

و سمعت انه اذا اخذت 9 مخالفات و قيدت رسميا تحرم من الدراسة لمدة ترم على ما اعتقد

 

علي مخالفة موقف ومخالفة سرعة من 072 ولا انخصم مني شيء حتى الآن

 

انا عندي سبع مخالفات من يوم بديت دراسة بالجامعة الى الان وماسحبوا شي من مكافاتي الا الان
واذكر اني رحت لمهم عشان اسدد اللي علي (عشان لا تدبل زي مخالفات المرور خخخخ ) قلولي (خلها بعدين )

 

أنا الترم اللي راح اخذت مخالفات قريب 6 أو اكثر على مدى الترم

وكانت مكافأتي مقطوعة فـ ما ادري ..

لكن بداية الترم هذا سويت اخلاء طرف وسلمتهم الستكر ولا قالولي اي شي!

قلتلهم مافي مخالفات او شي ؟ قالو توكل ..

 

حتى انا اخدت تقريبا 4-5 مخالفات

ولا شي انحسم لين دحين ..

ويا رب ينسوها