تحدث عن جامعتك !

^
هههههههههههههههههههههههههههههه

انا ابي شي واحد ينشرح لي بس .. شي واحد

اللحين طالب سعود او مبتعث خريج يجي يصك معدله اونر مثلا ويقابل شخص عادي ابو 2.2 وطقتها من راح تختار الشركة؟ طبيعي الاونر .. طيب انا وش ذنبي ادخل هالجامعة واتعقد واكرف وفي الاخير الشنب ياخذها .. هل الشركات تعرف الفرق بين طرق التدريس في الجامعات ؟ الاغلبية لا .. هل الشركة تعرف مقدار الكرف اللي بذلته وسهر الليالي؟ لا .. نسلك لعمرنا يعني؟

اوكي بتقول لي انا فاهم اكثر منه .. ياحبيبي شغلك بالدوام يعتمد على اللي يعلمك اياه مشرفك او مديرك وممكن تستفيد من دراستك شويات .. لا تقول لي بتروح تطبق قانون بيرنولي والا ايلر ايكويشن في الدوام بعد .. لا نلعب على بعض

 

هم يعيشون بجو المثالية و لاهم راضيين يصحون،، لانهم يعرفون انه لو صحوا ما راح يعجبهم الوضع !

 

كنت ومازلت اعلنها >>>>>أنا اول الحاقدين على الجامعة<<<<
انت دافور وتمدح الجامعة وتستعرض الايجابيات لانك فعلا بعيدا عن السلبيات انت ربي موفقك ماعندك ظروف مناخك مناسب لاتمر بظروف فما تعرف عن السلبيات عدا مواقف 59 !!

من يعرف السلبيات هم من يمرون بمنى 9 و17 الدور الثاني الجزء البعيد من الممر هنا وهناك هي السليبات طلاب مروا بظروف عائلية صعبة واخرون مروا بظروف صحيه وبعضها مزمنة فسقطوا ضحية للسلبيات ..

فانا اعرف طلابا مروا ومازالوا يمرون بحالات صعبة فبعضم تعرض للايقاف والبعض الاخر مازال يصارع ويجاهد ان يتفادى ماحدث فما اسقطم هناك الاظروف مروا بها او ازمات ...

السليبات هي ان تسقط في فخ التوقيع بانك ستحصل على معدل خارق في ظرف 4 شهور او انك ستنال مزيدا من الضغوطات وانا هنا اقول خارق لانني وبكل بساطة ليس لي ان اتخيل طالبا مر بظروف صعبة وسقط معدله تحت الا2 فيتغير بهذه السرعة سيحاول جاهدا وسيبقى هناك اخطاء فتقع ضحية لتلك الذئاب التي لاتعرف غير الجلوس على المكاتب وتحقر هذا المسكين...

سلبيات : بأي حق يتهجم علينا الامن ويفتش اغراضنا الشخصية وفي اوقات لايهمهم شي طالما في مزاج مناسب للتفتيش فلا تصحوا الا بحقيقة تشبه الحلم وبعين واحده واذا برجل يطلبك البطاقة >عندها تتمنى انك مخالف لتصحوا على عقاب بدلا من ان تصحوا على لاشي !!

قرارات اكاديمية صارمة بحذف انظمة تساعد الطالب بحجج لا اظنها الا تخبطات كرفع مستوى المخرجات !!

فرفع كفاءة المخرجات يقتضي بجلب مدرسين يعرفوا ان يوصلوا المطلوب وليس فقط بان يكون هو الوحيد ومعه مصطفى(الذي ليس لدية اي ظروف صعبة) الفاهمين ؟؟!!

هناك امور لاتخفى على الكثيرين فالجامعة بخيلة جدا باعطاء الدرجات حتى وان كنت تستحق فقسم اللغة الانجليزية سيسحق معدلك ولن تحصل على الدرجة الكاملة مهما اجتهدت الا اذا وفقط اذا كنت تحمل الجواز الغربي !!

عدا انواع الظلم التي تتعرض لها والسبب هو ان المدرس مجبر على تنقيص الدرجات لان طلاب شعبتك حققوا اعلى من المعدل وهنا تسقط ضحية اكسدة ودرجات سقطت سهوا !!

فكل هذه السلبيات فاخذت نظرة للايجابيات مستوصف الجامعة فاذا بي اصاب بمرض ويشخص خطأ (الحمدلله على كل حال ) فبعد عدة اشهر اجد نفسي ضحية الاالام لا اجد لها تفسيرا سوى ان دكتورا شخص المرض خطأ..

عذرا ايها الناس فمن يمر بظروف صعبة سيسقط هناك حتى وان بذل كل جهده وحقق تقدما فبعد 4 اشهر قد يسقط مرة اخرى ولسبب ان لجنة ما ترى انك لست >قادرا< حتى وان لم يبقى على معدلك سوى 0.17 لتصل الى المعدل المطلوب وانت لم تنهي التدريب بعد !!

عذرا ساكتفي بما رايت بأم عيني وماخفي كان اعظم وسأقول بان ربما ايجابيات الجامعة هي بعد التخرج مثلما سمعت وربما ليست هي سوى اوهام تطمئن بها نفسك وعندما تواجهها ستضع موضوعا كالذي رأينا قبل مدة بان اليوم المفتوح ليس الا صورة جمالية ودعوة لرؤية ذلك المبنى الجميل !!

 

كلام سليم يا المحارب ..

 

طبعا سأتكلم عن أكثر شيء لفت نظري في الجامعة طيلة أيام دراستي :

أولا" الجامعة نظامها يجعل الطالب تحت ضغط نفسي بسبب الضغط الأكاديمي من واجبات وبروجكتات واختبارات تقيس الذكاء أكثر من فهم محتوى الكورس ،،

ثانيا: نظام متوسط الدرجات "AVERAGE" يسبب مقارنة الطالب بطلاب شعبته مما يسبب احباط للطلاب اللي تحته المتوسط ، فتلاحظ اغلب الطلاب يسأل عن الأفرج قبل ما يسأل عن درجته

وأخيرا : الشيء العجيب الغريب هو أن الطلاب امضوا في الجامعة سنتين فأكثر ثم نزل لهم ايقاف عن الدراسة ، وذهبوا لجامعات أخرى أو للبعثات ،، أغلبهم اللي اعرفهم من دفعتي تخرجوا بمعدلات ممتازة بنصف الجهد اللي كانوا يبذلونه هنا ،،

 

^^^

+ 1000000000


خصوصا آخر نقطة ما يختلف عليها اثنين

 

من جد بطلع من جامعتنا بحرمان وتشويت !!

~> والجامعات الثانية يروح وهو من ادفر العالم !!

وش حل هالقضية ؟

 

وش هالتحطيم يا عيال ,,

ترا الجامعه فيها أيجابيات غير عن الجامعات الثانيه <<< تخيلوا لو كنا بجامعه تبوك ولا غيرها من الجامعات البايخه

* الايجابيات :
1- فيه تفاعل من أدارة الجامعه مع أغلب أحتياجات الطلبة

2- تواضع مدير الجامعه ,, بحيث كل أسبوع فيه ساعه يقابل فيها الطلبة << الجامعات الثانيه , تحلم تشوف مديرها

3- الجامعه تعلم طلابها كيفية تحمل المسؤوليه والاعتماد على النفس << بحيث أي تصرف يصدر منك , أنت المسؤول عن نتائجه

4- السكن << سكن الطالب مع الزميل أشوفه أنه ميزه , بحيث تكون أنت وأياه بنفس المرتبه العلميه تقريبا
(وهنا أنصح الطلبه القادمين للجامعه أن يسكنوا مع دوافير < لأن هذا راح يساعدهم لبذل جهد مقارب لزملاءهم )

5- الجامعه ما تفرق بين الطلبه والدكاتره (في النواحي الغير أكاديميه) < يعني , الطلبه والدكاتره ياكلون من نفس المطعم (مطعم الجامعه بالجبل) , وكذلك يصلون الجمعه في نفس المسجد , >>ويدخلون نفس دورات المياة خخخخخ <<
<< وهذا الشي بحد ذاته أعتبره شي جدا ممتاز

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أما من النواحي الاكاديمية ,

* فــتعلمت , أنك أذا تبي الدرجات العاليه , فأنت قادر عليها << والمسأله هي عباره عن تنظيم الوقت من البداية

والايجابيات كثيره , لكن لا يسعني ذكرها حاليا

وبالاخير , أنا لا أنكر أنه فيه سلبيات في الجامعه ,, لكن أذا قارننا جامعتنا مع الجامعات المحلية الثانيه ,, نحمد الله عليها

 

يا لبى جامعتي

 

+100000000000000000

 

طبعا اتفق مع اخوي المحارب

الجامعه لها وجه اخر فيه ناس ماشافته... وهذا الوجه اليهود ارحم منه يعني اذا ربي وفقك وعديت الحمدلله على كل حال لكن لو صارت لك ازمه ولا تغيرت حياتك تأكد ان الجامعه اخر شخص راح يوقف معك.. انا اقول هذا الكلام لاني مريت بظروف وشفت وقفت الجامعه كيف والله ترميك رمية .... ولا تفتكر فيك طبعا اللي راح يفهم هذا الكلام اللي يدخل غرفه في مبنى تسعه اسمها القبول والتسجيل راح يعرف ان الله حق راح ينسون كم كنت متميز طيله 12 سنه دراسية كل شئ راح ينسونه راح ينسون ان الشخص اللي يكلمونه ضمن اعلى 2.5 بالميه من الطلاب كل شئ راح يرمونه بوجهك ..... لن يشفع لك شئ الا الله عز وجل ثم الواسطة. ولاحد يقولي مافي واسطة لأني اقسم باللي رفع السماء بلاعمد انها موجوده..وشفتها

 

للجامعه من سلبيات مثل ما لها من ايجابيات

وكل شخص سيكتب لك من تجربته الشخصيه , والعاقل يوزن الامور

\\

اختلف معك يالمحارب

 

رداً على صاحب الموضوع


حـ ـط رجـ ـلـ ـكـ

 

الأيجابيات

نظام الجامعه تاخذ حقك على قدر شغلك (ماعمري شفت واسطه في الدرجات)

اللغه على حد علمي طلاب البترول الأفضل في اللغه بشكل عام من غيرهم

في اشياء ثانيه مثل برنامج التبادل الطلابي والرحلات الدولية و شركات مثل ارامكو تاخذ الطلاب قبل مايتخرجون ويشكلون اكبر نسبه بين جمعات المملكه بشكل عام

الجامعه تساعدك انك تسوي براعت اختراع وانشطه ثانيه مثل فريق سيارة وهج الي تمشي بطاقة الشمسية

الكتب مجانية السكن بفلوس




السلبيات

كثير من الدكاتره لايجدون التدريس وفي بعض الكروسات الكتاب يكون سيئ ولا في مصادر ثانيه غير الكتاب
ونسبه كبيره من الطلاب ماتعتمد غالبا الا على Self study

بعض المباني قديمه وتحتاج لصيانه مثل مبنى 4 + توفير ادوات السلامة في ارجاء الجامعة!

قضيت توفير 4 وظايف لكل خريج هذي لايس لها صحه اعرف واحد معدله فوق 2.5 وهندسه له اكثر من اربعة شهور ماحصل وظيفة!

 

^
فيه نقطه بخصوص اللي له اربع شهور ماحصل وظيفه ،
4 شهور اتوقع مايسمى عاطل ، وطبيعيه اذا كان مابدا يدور على وظيفه الا لما تخرج
واخوي في جامعه سعود وسكند هونر ، جلس قرابه الثلاث شهور بدون وظيفه مثل ماسميتها انت
وبعدها توظف في ارامكو ، وبعدها بشهرين جته شركه ثانيه وثالثه غير الشركات اللي رفضها بسبب الراتب
يعني لا تتوقع ان مكانك فاضي بس تتخرج وحاطين كرسي لك
شويه واقعيه يا اخي المهندس ، ومن ناحيتي انا الى الآن مصدق سالفه الـ 6 وظايف لكل خريج
واكثر بكثير للهونر ، وما استبعد توصل لـ 10 لخريج البترول

وعشان نكون واقعيين ، لازم تشبك الدكتور وتنشب لحياته ،
يعني اذا انقليزيتك خرافيه بتقدر تجيب قريد ، اما لو ناقصه شوي فلازم تنشب لحياته
وهذولي كل الطلاب اللي ماخذين قريدات عاليه واعرفهم شخصيا ،

اما غير الانقليزي فتقدر تاخذ القريد بجهدك ،

 

ليه تقارن كذا ؟!

طيب طالب سعود معدله 4.7 ، وطالب بترول معدله 3.4
اتوقع الشركات بتفضل طالب البترول وبالراحه بعد ،

القهر خريج امريكا ، ومو اي خريج ، اقصد خريج الجامعات الكبيره
هذا اللي بدري علينا نتقارن معه لو معدله 2.5

اما الجامعات الصغيره ، يمكن يكون لهم تفضل سنه او سنتين
لكن صدقني مردهم لخريج السعوديه ،
طبعا من تجارب منقوله لي شخصيا

 

^ ^ ^ ^

الله يعطيك العافية


, , , , , , ,


أحمد الله وأشكره اني ما عرفت هالمنتدى إلا بعد ما دخلت الجامعة !

والا كان المنتدى يمكن يكون سبب لتنفيري منها !


, , , , , , ,


على أي حال .. بأحاول أجيب على تساؤلاتك يا ناصر* << أهم شي اني ما نسيت الـ[*]

1) جامعتي بشكل عام تتميز بأنها تآخذ صفوة الطلاب من خريجي الثانوية بالمملكة, وهذا يجعلها مكان يكثر فيه المبدعين, وبالتالي التنافسية بين الطلاب راح تزداد


2) تخرج طلاب بلغة انجليزية جيدة


3) خريجيها يتميزون بالصبر و القدرة على العمل تحت ظروف صعبة

.
.

بالإضافة إلى أمور كثيرة لا يسعني حصرها هنا

إضافة الى النقاط اللي ذكرتها فوق ..جامعة معترف بها على مستوى العالم

1) عموما الدراسة الجامعية تأخذ من الطالب وقت أكبر مقارنة بمدارس الثانوية .. وهذا ما يميز الجامعات

لكن جامعتنا مقارنة بالجامعات الأخرى بالسعودية تلزم الطالب انه يضغط على نفسه شويتين وهذي هي السلبية اللي أشوفها هنا .. واللي يرتب أولوياته وينظم وقته كويس ما راح يعاني من هالشي


2) إختباراتها النهائية ما فيها تمطيط على عكس جامعة الملك سعود .. وممكن يصادف إختبارين في يوم واحد

لكن الطالب إذا كان منظم وقته صح .. ومستعد للإختبارات بدري ما راح يواجه مشاكل بإذن الله

 

جامعتي

ايجابياتها ولله الحمد كثير

من الناحية العامة:​

*يكفيك ان مديرنا الدكتور خالد انسان متواضع بمعنى الكلمة والله
يعني انه خصص اوفس اور للطلاب شي ماتلقاه في السعودية
وكمان ان له ردود لبعض المواضيع الي يطلب من صاحبها مقابلته في مكتبه *


*طبعا ينطبق هذا الكلام على ادارات كثير في الجامعة الي تتواصل معانا ووالله اني شفت منهم تطوير وتحسين للخدمات



من الناحية الاكادمية :

*كطالب بترول لازم ان انجليزيتك تكون جامدة

*طريقة المذاكرة ايام الثانوي نهائي ما تنفع اذا كنت تحفظ بس
مثلا:
الماث ايام الثانوي كنا نشتق ،نكامل واغلبنا مهو عارف ايش الي قاعد يسويه... يعرف يشتق.. طيب ايش يعني اشتقيت!!!ايش يعني معادلة ... الخ

*زي ماتجتهد زي ماتاخذ شغل التشبيك ما ينفع

السبيات

ما يسعني اني اتذكر الا وحدة بس وهي

.

.

.

.

.

.

.

.

.

.

.

.

.

.

.

.

.

يوم الثلاثاء الاسود
الي ارسلولنا فيه ان حضورنا يهمهم والكل مدعو للعشا بعدين ما في اماكن والعشا كان قليل تقريبا الثلث مشي ما لاقى اكل وانا واحد منهم​

​

​

​

​

​

 

أشم ريحة اوريات 212
تعرفهم بالترفيع للجامعة

 

رأيي
الجانب المضيء من kfupm، دعوة للعصف الذهني الإيجابي والمنصف
http://www.stkfupm.com/vb/showthread.php?t=83973&highlight=%C7%E1%CC%C7%E4%C8+%C7%E1%E3%D4%D1%DE

أكبر سلبية
أسباب الإحباط\الاكتئباب من الجامعة
http://www.stkfupm.com/vb/showthread.php?t=85572&page=5
ثم
صور من عدم الكفاءة في بعض أرجاء الجامعة
http://www.stkfupm.com/vb/showthread.php?t=84721