طريقك إلى التجارة , و طريقنا ^_^

^^^^
هذا موب تستر ؟

 

اممممم

بعطيك رأيي ..

بما ان الرجال شاور اليمني وعطاه الفكرة هذي

صدقني انه اليمني الكسبان . ..

لو مو كسبان من هالمشروع كان بقى بمكانه الحالي وظيفه بيده ويطلع منها فلوس بدون مايغامر ..


" فتح عقلك ولاتخطو خطوة الا ومتأكد منها "

هذي اول قاعده بالتجارة "التجارة شطارة "


برأيي الخـمسين الف تكون مناسبة" لكـشكـ كوفي شوب "ع الخط السريع ..

 

طيب اليمني هذا .. ؟ هههههههههههههههههههه
امزح امزح


انا اعتقد ان البداية البسيطة لمهندس لا تليق به وبياخذ وقت
لذا

الناس تثق بالمهندس وباراءه
لذلك دور ع رجل اعمال فلوسه كثيره وعطه مشروعك والخطة ودراسة الجدوى وبين له انك تبي تشتغل بالتجارة بس تبي البداية واتفقوا

هنا تختصر ع نفسك شي كثير .. وتبدا بمشروع يتناسب مع امكانياتك ويحقق رغباتك المالية

وفيما بعد قد تترك وظيفتك وتسخر نفسك للمشروع بعد ما ينجح طبعا وبدا ياتي بالاموال وقدرت ترجع فلوس رجل الاعمال ويصير لك لوحدك

 

ولو يكون بتخصصك المشروع يكون احسن واحسن
تستفيد مادة وعلم

 

بالنسبه لي
اشوف ان العقار مربح وخطر الخساره فيه قليل جدا مقارنه بغيره من اشكال التجاره


احس اني اعرفك ههههههههههه مدري اذا انت الي في بالي او لا

 

الشعب يريد سالفة اليمني

 

لو ان عندي هالمبلغ صراحه أشتغلت بالهجن والابل..
لانها صارت تدخل ملاييين بتقول كيف بقول عندي خبره والي حولي كلهم يبيعون بيعات طيبه

حد وده يشترك معي راس المال عليه والباقي علي ويزهلها

 

على افكره انا احتج وش سالفة اليمني .. الكل قراها الا انا يانك بترجع السالفه يان ماعاد بينا مشاريع < لا تكفى

خخخ

 

موضوع مهم لي عودة ان شاء الله للإجابة على استفساراتك

 

اذا شهادتك هندسه تقدر تفتح مكتب استشارات هندسيه ..

او اذا تبي افتح صيدلية .. لكن مشكلة الصيدلية يبي لها رأس مال 600000 الف .. لكن تقريبا ما فيها خسارة

لانه كل ما شريت مثلا 100 كرتون بنادول الشركة الموزعة تعطيك 25 مجانا .. وكل ما انتهت صلاحية الادوية اللي عندك تجي الشركة تستبدلها مجانا

 

الحلاق فيه شبهة في حكمه الشرعي الا اذا بتحط حدود منع تجاوزها في حلاقة الدقن والشعر والقصات وكذا تكون صعبة ..

منتدى بطالة فيه قسم ممتاز للمشاريع \ btalah.com/forumdisplay.php?f=12

 

موضووعك شيق وانا اخووك وانا مثلك والله ومحتاااار ... يعني احس ان الــ 50 جدا قليلة حتى لو 100 برضه احس انه ماتسوي شي ... وممكن انه اذا سوووت شي ممكن ياتكسب شي بسيط يا تخسرها كلها .. طيب ياا اخواان فيه احد يعرف اي شي عن تجارة العملات ؟؟ يقولون انهاا تكسب كسب كويس و اذا خسرت تخسر خسارة مو صاحية ... عالعمووم لي رجعه لموضووعك ...

 

تجارة وتهريب السلاح حلوه , ارباح عالية وما تحتاج راس مال .

لاكن يبيلها رجال مو حقين ماث وخرابيط .

 

وعليكم السلام ورحمة الله وبركاته


اولاً قبل كل شيء ، أخوي لازم تعرف السوق اللي انت تبغى تدخل برأس مالك فيه .. ومن خلال ماقرأت من الأمثلة لنوعية المشاريع اللي انت تبغاها "حلاق .. مطعم ..الخ " فحاب أقولك مثل هاذي المشاريع نسبة الربح منها تكون شبه محدودة و ثابتة هذا إذا ماكان حولك منافسين .. أما إذا ناوي تخطط لعمل مشروع له قابلية التوسع والإنتشار ويدر عليك ملايين فلازم تعيد النظر بنوع المشروع والماركت اللي بتدخل له ! .

اكيد مع .

هذا السؤال يعتمد على حالة الماركت اللي بدخل عليه .. حالياً أنا أشوف ماركت السوفت وير الترند عالي مثله مثل مشاريع الإنترنت .

إضافة لهذا الشيء الإستثمار بالإلكترونيات ، الآن العالم متوجه لها بشكل كبير خصوصاً بفيلد الـ Sensors embedded ، في منتجات كثيره مبنية عليها بحيث إنه يأخذ القطعة ومن ثم يطور عليها فكرة معينة ويطرحها بالسوق .


عندك ايضاً القابلية إنك تدخل كمستثمر بمشروع بميزانيتك اللي قمت بطرحها "بس لازم تنظر بشكل سليم لمسألة المشاركة والأرباح " .


الخلاصة في كثير من المجالات بعيد عن الاستثمارات "السعودية " حلاق او مطعم ..الخ ، مثل هذه المشاريع تقدر تحط فيها ميزانية ليست بالكثيرة بينما بالمقابل بالفكر والصبر تطلع منها ملايين .

بفكر بمجال الإلكترونيات ، اعمل البروتوتايب مودل .. وأتوجه لمستثمر محلي وأعرضه عليه .

البداية أهم خطوة بالموضوع كاملة ، لابد يكون عندك بزنس بلان أو بزنس مودل تتضمن نقاط لعل أهمها ، الماركت اللي ناوي تدخل عليه ! ، المستخدمين والمستهلكين اللي بيتعاملو معاك ! ، يش ايش الإضافة اللي راح تقدمها وتخليني اتعامل معاك مو مع غيرك ! ، خططك التطويرية ، فريقك ! ، الربح المادي ، قنوات اتصالك مع مستخدميك ! ..

لو رجعت لأي بزنس بلان بتحصل نقاط عديدة تتضمن النقاط المذكورة بالأعلى .. يعني خلاصةً لازم يكون عندك صورة واضحة عن البيئة اللي داخل عليها إذا أردت أن ترفع من نسب نجاحك .


حاول الإحتكاك بأشخاص بدأو مشاريعهم بنجاح ! حتى يساعدك هذا الشخص بوضع تصور صحيح لأركان مشروعك .. بس هذا مو شرط .

والله حاولت أختصر لك جداً ..لكن هاذي النقطة مهمة ."البداية - Start up "

حالياً نعم قائم حالياً على عمل مشروع شخصي بمشيئة الله ، وأتحفظ على المعلومات .. لكن إذا احتجت أي مساعدة ومعلومة فأنا حاضر .

بالتوفيق لك ولاتنسانا من دعائك

 

تجارة السلاح سوق سوداء قذرة واغلب الي ماسكينها راعين البشوت ومعروفين باسماءهم
حركتهم ينشفون السوق لين ترتفع الاسعار بعدين يبيعون

سمعت عن شخص قد باع عدد خمسة صناديق شوازن بينلي ب 100 الف ، الشوزن الواحد ب20 الف
هذي فقط اسلحة الصيد المسموحه

غير الاسلحة الشخصية مثل الجلوك حقك الشرطة السعودية هذي اسعارها من 20 وفوق

لكن مخاطرة وحكمها اعلى من حكم المخدرات

الا اذا تحالفت مع راعين البشوت وقتها بتكون فوق القانون

 

وعليكم السلام والرحمه
انا ماادري انت تبي الموضوع عموما ولا بحالتك الحاليه؟
انا راح اجاوبك عن حالتك ،،، برأس المال اللي عندك افضل حل بالنسبه لي وهو انك تهتم بـstage "زيادة راس المال" زياده تكون قليله وعلى مدى متوسط الى قليل مع خطوره ان شاء الله شبه معدومه ،،، لا تدخل مجال جديد او مجال risky وخصوصا انك بالبدايه وراس المال ممكن ماينتعوض!!
انا اشوف افضل حل لك هو التقصيد!! تشتري سياره وهو الغالب او تشتري بطايق شحن وتبيعها تقصيد ماعندي خبره شامله عنها لكن ممكن تطلع لك مربح من ٢٠٠٠ الى ٨٠٠٠ ريال شهريا واهم شي تشتغل مع ناس شقه وتكون "فطين" وحط اربيعن خط تحت الثقه!! وايضا ممكن تشوف صناديق القروض ممكن يساعدوك اذا عندك فكرة مشروع !!

وبخصوص العملات نعم هي سوق مربحه ان شاء الله "كثيييير ناس خلو الاسهم واتجهوا للعملات" وانا منهم ،، المشوار طويل وفعلا ممكن تكون رابح ٢٠ صفقه وتجي صفقة خساره تخسرك الربح كل وترجع لنقطة الصفر ولكن يمكن هذي الصوره تعطي دافع! اخر مره دخلت فيها السوق قبل شهر بالضبط!! لاحظ الـtiming والـprofits اللي هي الارباح وطبعا بالدولار ،، خلال اقل من اسبوع تقريبا "رأس المال حول ال٧٠ الف ريال!!