ضرووووووري للي فاته الفاينل

يمكن لو تروح لمستشفى وتقوله يعطيك عذر قوي عن الفاينال ....

بالتوفيق الله يسهل لك

 

والله بصراحة اتوقع في هاذي الحالة مستشفى خاص وتدخل للدكتور وتشرحله كل شيء وتقوله ان هذي مسئلة مهمة جدا وتفهمه على كل شيء

 

بصراحة ما اعرف مستشفى معين بس شف انت ...انا اقول الحين اركب السيارة ولف لك كم مستشفى لين تطيح على واحد يعطيك عذر

 

أرى أن تتوجه إلى الله

أرضه يرضك
انتهى

 

الصدق منجاة .. اذهب لمدرسك وفهمه تفاصيل ماحصل والله يعوضك بخير.

 

ياخوي طبعا الامر اولا واخيرا بيد الله وخل نكون واقعيين المدرس موقابل بعذرك...

بالتوفيق

 

وعليكم السلام ورحمة الله وبركاته

روح لدكتورك باسلوب وبصدق ، سوا معاك نظام وما نفع

روح سوي اللي قالوا لك عليه الشباب

وجيب له عذر رسمي ، وخليه يقفّل فمّه ويعيد الاختبار حتى لو هو عارف 100% ان العذر ما صار
يُعتبر ورقة رسمية وهو ملزم بها يعيد الاختبار

لاتقعد تضيّع وقت اكثر

 

^^^^

يب يب هاذا الكلام الصح

 

ماادري وش أقول ..
بس قسم بالله حآسس بشعورك ,
الله يعيينك , وييسر أمورك

 

السلوشن مو مشكله يا الغالي

لا تحسب انهم _ لو عادو لك الاختبار _ بيعطونك نفس الاختبار

ميه بالميه بغيرونه

الله يكون في عونك و يسهل لك هالمصيبه

 

الله يسهل عليك ويعيدونه لك يارب

صديقي الصيف اللي راح فاته فاينل ماث 260 وراح كلم دكتوره، وتفهم الوضع وعاد له الاختبار بدون عذر رسمي الله يجزاه خير! بس الصيف اللي راح كان هو الوحيد اللي يدرسها..

ان شاء الله تنحل مشكلتك،، وطمنا وش يصير معك

 

أسأل الله العظيم رب العرش العظيم أب يفرج كربك عاجلاً غير آجل...

 

ترا التشيرمان حق الماث متفهم وحبيب , واحد من اخوياي فاته ميجر ماث لنفس السبب حقك , وكلم التشيرمان , قاله بعيد لك الاختبار اذا فيه احد كان عنده عذر و لا اختبر فـ تصير تختبر معه , من حظ خويي ما فيه غاب عن الاختبار فـ قاله ما اقدر اعيد لك , انت رح وجرب حظك

 

راسله على ايميله وارسل نسخة للتشيرمان

وداوم عندهم من بكرا الصباح اللي هو التشيرمان

او ارسل من الحين ، وانتظر الرد بالصباح ، بالغالب بيقولك متى تجي وكيف الاجراءات

هل يعطيك نفس الأسئلة أو يجيبوا لك غيرها .. الله اعلم

أهم شي خلّي معاك الأسلوب ، لاتبيّن انك مو مهتم ، ولا تبيّن لهم انهم مجبرين يعيدوه لك

خليك الطالب المهتم المغلوب على أمره ، واللي يطلب منهم يتفهّموا اللي صار له

واربط كل شي صار لك بالقضاء والقدر وبعض التقصير منك وسوء تقديرك للوقت

ومثل ما قلت لك ، ما نفع معاهم ، روح خذ عذر رسمي ، ولو ما رضي التشيرمان
روح لشؤون الطلاب وارفع عليه شكوى هناك ، قول هذا عذر رسمي وبحسب قوانين الجامعة
لازم يعيد لك الاختبار بغض النظر عن اعتقاداته والوقائع أو أي شي صار ، ما دام
ماعنده ورقة رسمية او اثبات عليه.