فهد آل عبدالرحمن- سبق- الرياض: التقى رئيس المركز الوطني للقياس والتقويم في التعليم العالي الأمير الدكتور فيصل بن عبدالله المشاري آل سعود يوم الثلاثاء بوفد شركة أرامكو السعودية وهيئة المهندسين السعودية، بمقر المركز في مدينة الرياض، وتناول اللقاء التعاون المشترك بين "قياس" و"أرامكو" وهيئة المهندسين. وأوضح كبير المهندسين في شركة "أرامكو" المهندس أحمد الخويطر أن الهدف من الزيارة هو "التعرف على برامج مركز (قياس) وكيفية التعاون في تأهيل المهندسين في المملكة"، وأكد حرص الشركة على رفع جودة التعليم الهندسي في المملكة. وأشار إلى أن الزيارة تتضمن الاستفادة من خبرة "قياس" وتجربتهم في هذا المجال، وبناء تعاون مشترك مع المركز وهيئة المهندسين، وإيجاد نظام تأهيلي مهني بمقاييس مستقلة، يشمل المتقدمين لشركة أرامكو والموظفين الحاليين فيها. وتجوَّل الوفد على مرافق المركز، وشهدوا معامل الاختبارات المحوسبة، وإدارة التصحيح، وإدارة الاتصال، ومركز استقبال المكالمات، واطلعوا على آلية رصد البيانات إلكترونياً وقراءة وحفظ المعلومات، وتعرفوا على طريقة تقديم الخدمات المساندة لجميع المستفيدين والمستفيدات من الاختبارات. _________________________________________________________________________ الربع شكلهم مايمزحون ومايبون يجيبونها للبر , كل يوم راح يجيبون نظام إلى أن يضطر الشخص يسافر ويشتغل خارج بلاده , حسبي الله عليهم وش ناويين عليه , وجمعيه الفلس السعوديه المفروض تكون لهم كلمة بهذا الموضوع ولكن شكلهم ما يعلممون من وين الشمس تشرق اهم شئ ترزز بالكراسي والتصريحات , بالنسبه للشباب اللي المتحمسين ويقولون احسن لو تطبق أقول لهم الله يقويكم ولكن فكروا فيها شوي بس وأخاف نمشي هاالسالفه وتلحق المثل اللي يقول " سمحنا له يأذن بالناس في المسجد ف دخل بحماره داخل المسجد " . تحياتي
وش فيكم خايفين من قياس تر احنا كبتروليين بصفة خاصة مستفيدين وكمهندسين بصفة عامه برضو مستفيدين ... كيف ؟! الحين الطبيب شوفوا راتبه ... مكانته تر عندهم اختبار من وزاره الصحه!! فاعتقد ان رواتب المهندسيين الحكوميين بتزيد !!! وعشان مو اي واحد يتوظف حكوميا يحتاجوا الكفو مننا (كما ف الطب) فيقيسونا هذا الي اتوقعه والله اعلم
أنا أبغى أفهم بس .. ايش العلاقة بين رفع مستوى الحصيلة العلمية وبين اختبار قياس !! ، يعني على بالهم الجامعات بتشتغل على طلابها ؟! ، مسكين الطالب دائماً هو الضحية بالسلسلة التعليمية .. الإختبارات هاذي تعملها وقت ماتوفر بيئة تعليمية سليمة وصحيحة ..
هذي الاختبارات الله يسلمك فحص سريري للمريض فأتوقع انها راح تكون مفيدة أكثر من ضرارها لأنه أكيد لها اضرار في نفس الوقت
+1 غير كذا صدقوني يا شباب ترى احنا شباب البترول صح تجينا اختباراتنا صعبة و مناهجها طويلة لكن تحصيلنا العلمي هو تقريبا نفس تحصيل باقي طلاب الجامعات السعودية >الفرق فقط في بذل الجهد > الخلاصة احنا كمان نخاف من اختبارات زي كذه لانه مو كلنا فاهمين تخصصاتنا مزبوووط
صراحه هنا في الجامعه يعلمونا كيف نجيب درجات ،،،، اما الفهم فاغلب الطلاب ما فهموا تخصصهم مضبوط الا من رحم الله ،،
هي أولا وأخيرا مسألة فلوس . . . بس عموما احنا مستفيدين لأنهم المفروض يجيبوا اختبار افرج لحميع طلاب الجامعات يعني يجيبوا اختبارات تكون على مستوى طلاب الملك عبدالعزيز مثلا ف طلاب الملك عبدالعزيز يشوفوها افرج وطلاب طيبة يشوفوها صعبة ف طلابنا اكيد بتكون سهلة بالنسبة لنا مستحيل انهم يجيبوا اسئلة على مستوانا لأن بقية الطلاب في الجامعات الثانية ما راح ياكلو عيش
مشكلتنا ياطلاب البترول اننا ماخذين مقلب بانفسنا .. ولو تسال طالب عن فهمه لمنهج اخذه قبل سنتين بيكون ناسيه او امكن حتى مايعرفه لان الجامعة علمته كيف يطلع بدرجات مو كيف يفهم
^^^^^ ياخي الانتقريشن قعدت ترمين بدون ما اخذ ولا كورس يستخدمه وهالحين حتى تكامل الاكس لحاله نسيته لكني متأكد اني احتاج يومين او ثلاثة عشان اراجع تشبتر سبعة من ماث 102 وان شاء الله اكون ضابط التكامل زي ما كنت قبل سنتين بصراحة ما اعتقد انك كطالب ملزوم بتذكر كل حرف اخذته من الاوريا الى اخر ترم لك في الجامعة! انت مطالب بس باللي يمشيك في باقي مواد تخصصك واذا توظفت يكون عندك الاساسيات الي تعينك بوظيفتك والباقي تكتسبه بالتدريب يعني بس لو طلعت من الجامعة وانت عندك القابلية لتعلم اي شي وتحت اي ظرف اشوف انها كفاية وزيادة بعد!
انا اعتبر هذا اعتراف صريح بعدم كفاءة الجامعات عندنا بالسعودية !! مثله مثل الاختبار التحصيلي .. لأنه لو كان فيه ثقه بالمنهج اللي يدرس ماكان اضطروا لعمل مثل هذه الاختبارات !! لو كانوا مهتمين بتحصيل الطالب كان الاختبارات هذي ماتجي بعد التخرج بس .. على الاقل يتم عملها بعد انتهاء الطالب من مرحلة معينة اثناء دراسته الجامعيه على الاقل يمكن للطالب تدراك ما فاته لو كان عنده مشكلة بالتحصيل .. اما انك تجيني بعد التخرج و بعد ماخلصت متطلبات التخرج كاملة و تقولي بسوي لك اختبار و على فرض اني مانجحت فيه .. خلاص يروح جهد الخمس سنوات سدى ؟!!! عموماً انا اشوف ان فيه ستاندرد معين للطالب مفروض مايتخرج بأقل منه .. و أي طالب يتخرج بأقل منه فمن وجهة نظري هذي مسؤولية الجامعه اللي خرجت طلاب دون المستوى .. الف شكر لك
وين المشكلة بالاختبار ؟؟ في امريكا اللي فيها افضل الجامعات المهندس مايقدر يزاول المهنة الا بعد مايعدي اختبار الـ pe :: وبالنسبة للي يقول مصدر دخل ثاني كل الاختبارات المقدمة من طرف ثالث (في حالتنا قياس ) غالبا ما يكون لها رسوم يغطي تكاليف الاختبار من حجز للقاعات و اجور للمراقبين و و و الخ .. :: الزبدة الاختبار المفترض يكون دافع مش هاجس عشان تثبت قدراتك وتكون احق بالرخصة .. انت بالنهاية مهندس
^^^^^^ اتفق معك .. لكن بشرط ان الاختبار موحد لجميع الجامعات .. مو البترول لها اختبار والبقيه اختبار تحياتي