المباشره في ارامكو

نفس الشيء وانا اخوك لا وبعد انا متفائل قلت له ان شاءالله خلال هالاسبوعين): يقول احنا اول ماتجينا النتايج بنكلمك..قلت له انا على نار..قال لا هالمسائل يبي لها هدوء ؟؟
الله يعين يارب

 

هل من جديد يا شباب ؟

 

فيه ناس ردوا عليهم بالرفض من الاداره نفسها ثم كلموهم عشان مقابلات مع ادارات ثانيه .. طيب واللي للحين ما دقوا عليهم هل وضعهم للحين اوكي وفقط المساله هي مسالة وقت ؟؟

 

و الله العلم عند الله. انا تعبت امس و انا اتصل على موضي لكن موب راضيه ترد. اليوم بحاول مره ثانيه و ان شاء الله خير. انا خير مره كلمتها قالت لي اسبوع-اسبوعين و اتصل عليك و الحين مر اسبوع و مافيه جديد. الله يستر.
شباب بالله خبرونا لو صار جديد

 

هذي أرامكو..ناس تتوظف بعد ماتتخرج على طول..وناس يمرمطونهم الين يكرهون شي اسمه أرامكو..

الله يعينكم ياشباب...ويكتب لكم اللي فيه الخير..

 

شباب صدقوني البلا مو من ارامكو في مسألة التأخير
البلا من الشركة البريطانية ( ل خريجين امريكا) او وزارة الداخلية ( لخريجين هنا ) لان هم اللي يسووا الbi مش ارامكو نفسها

انا اكثر من مرة رحت ل موضي في مكتب التوظيف
مسكينة تناظرني وتقول والله ما ادري وش اسوي.. اللي في بريطانيا ما يردون والناس تجيني هنا تحسبني انا اسوي ال bi

تقول انا وظيفتي اول ما يجيني شي من بريطانيا اقوم اكلمكم

انا كنت كذا زيكم معلق 8 اسابيع لين ما ارسلت لي ايميل قالت خلاص امورك تمام وعطينا تاريخ جديد تباشر فيه

مع ارامكو لازم تحط اعصابك في فريزر

 

أنا اتفق معاك انه الbi اهو سبب رئيسي في التأخير. لكن هم أخصائيين التوظيف ماشاءالله عليهم لهم دور كبير ، اما ما شوفوا الايميل او ضاعت الأوراق. يعني تخيلوا أوراق الbi يوم سلمتها تأخرت اكثر من اسبوعين حتى انرسلوا الى الشركة البريطانية.
وبعد انتظار شهرين كلمت فراس الاسبوع الماضي يوم الأحد وقالي أوراقك (bi+ الفحص) خلصت وأرسلتهم لسحر. يعني المفروض تجهز عرض جديد ونحدد متى المباشرة. والحين اسبوع ونص ولا حس ولا خبر.

الله يوفق ويصبر الجميع

تحياتي

 

شباب هل ممكن أرقام فراس و سحر. هل وظايفهم نفس موضي؟ يعني لو اتصل و استفسر يقدرون يجاوبوني أو بيقولون كلم موضي؟

 

انا عطيتهم متى اباشر بس كان الـــ Diploma في الملحقية (أمريكا) --> يصدقونها الى الآن
قال بيجي من عندنا اتصال والمفروض اداوم امس بس ما جا لي شي لا ايميل ولا اتصال

الحين انا حاط في راسي انتظر اسبوع ونص وبعدين اكلمهم

======

فراس عنده حساب على التوتير روح وكلمه هههههههه

 

سحر و موضي مثل بعض لكن كل وحدة عندها مجموعة ملفات، يعني سحر ما راح تفيدك لانه ملفك عند موضي.
اما فراس وأظن بنت ثانية عندهم موضوع الbi والفحص الطبي، متى ما أظهرت النتائج يرسلونها لسحر وموضي و و .... وانا أوراقي كانت عند فراس
تقدر تكلمه وتسأله عن الbi خلص أولا واذا مو عنده راح يقولك

انا اتصلت عليه مرة وحدة و رد علي وهذا احسن مافي الموضوع ههههه، مو مثل الجماعه اللي تدق تدق .....

رقم فراس:
0138772925

أتمنى نسمع اخبار حلوة هاليومين

 

المشكلة حتى أني مو عارف ملفي عند مين. فيه وحده اسمها مريم هي اللي رسلت لي الأوراق عالايميل و قالت لي عبيهم و ارسلهم لموضي. بعدها باسبوعين ارسلوا لي الشركة البريطانية و عبيت فورماتهم و ارستها من 25/6 مستحيل للحين ما خلص. بكره بتصل على فراس و ان شاء الله عنده علم.

 

ياشباب الي عنده ايميل فراس لايبخل علينا , اتصلت عليه مو قاعد يرد وارسل ايميل لوضي واتصل ماترد
الله يعين بس

 

والله يا عبداللطيف انا لي 4 ايام اتصل عليهم محد حولك

 

يا شباب اللي اعرفة انه فراس ما يحضر المكتب الا بعد الظهر يعني على الساعة وحدة - الله يوفقكم

 

السلام عليكم
صباح الخير ياجماعة
انا امس كلموني ارامكو بأني اجراءاتي خلصت واقدم استقالتي عشان اعطيهم تاريخ مباشره جديد مع ادارة المشاريع والي كلمتني موضي
بس عندي سؤال الحين انا استقيل بدون خوف انهم يلغون العرض او شي من هالقبيل لانه بصراحه واحد من الشباب خوفني قالي دامك ماوقعت عقد لاتستقيل وانا محتار الحين كيف ؟؟
بالله ابي رد بسرعه

 

عالبركه عبداللطيف. توكل عالله و استقيل و ان شاء الله امورك سهالات. ما اتوقع يسحبون عليك الحين و هم متصلين عليك.
بس حبيت أسألك، هي متى اتصلت عليك بالضبط؟ بعد الظهر؟

 

على البركة أخوي عبداللطيف موفق خير

 

لا حول ولا قوة الا بالله. بعد تعب رد علي فراس و قالي انت pmt موضوعك عند موضي ما اقدر افيدك. و اتصلت مباشرة على موضي و ردت. تكلمني من طرف خشمها و تقولي اذا ما اتصلت عليك يعني للحين under process قلت لها طيب في شباب وقعوا بعدي و عبوا الفورمات بعدي و كلمتوهم - مو حسد شباب الله يوفقكم - قالت حتى لو انتظر اتصال. طلبت منها تشيك السستم يمكن فيه شي معطل للإجراءات و رفضت. المشكلة انها عرفتني و قالت لي انت كلمتني قبل قلت لها ايوه 'و وعدتيني اسبوعين و هذي خلصت و اتصلتي قالت انتظر. الله يعين.

 

ألف مبروك أخ عبد اللطيف وانشاءالله موفق لكل خير. خلاص دام خلصت إجراءاتك وعطوك الضوء الأخضر للاستقالة يعني خلاص اهم يبونك تجيهم بأقرب فرصة، اما العقد فا اللي اعرفه انه توقعه في اول يوم مباشرة او بعده اشوي.
اما باقي الشباب "مالك الا الصبر وش وداك له" . الله يعين بس

 

ابشركم خلاص اتصلت علي قبل خمس دقايق. يوم الأحد اطلع id و الاثنين اباشر. الله يعطيكم العافيه و بالتوفيق للي باقي ينتظرون :-d