مو صحيح وابغا اتكلم بسرعة في حكاية تناقل الذنب هذه انا ما اقول مو صحيحة لكن انك توجد خدمة هدفها الاول تناقل الملفات وقام احد المستخدمين بتناقل ملفات سيئة فهذا مو ذنبك مثل اللي يصنع الكاس هل ياثم ان شرب في الكاس خمر فكروا فيها
راحت الصورة اللي كانت تطلع يوم تدخل التراكر اللي هي الموقع تحت الصيانه ياليت يا اخوي Mr.M توضح لنا هل خلاص بيرجع ولا خلاص قفل ؟؟ تحياتي لكم
يا ليت احد يوضحلنا الي حصل اليوم شفنا تهديدات ومدري ايش وانتهاكات لحقوق البعض نطلب من الادارة التوضيح عما حصل اليوم والتوضيح عن وضع التراكر
اليوم كان الحكي وتم حذفه من قبل احدهم هناك حقوق انتهكت نحن نطالب بتوضيح من قبل الادارة وما هي العقوبات المتخذة للمخالفين
خطتي الجديدة: 1- جيب معدل فوق 3.0 2- التحق ببرنامج سابك ولا ارامكوا واستلم مكافاه 4000 ريال 3- اسكن في شقه برا 4-ركب الياف ضوئية 5- استمتع
بصراحه تعامل المشرفين في المنتدى في موضوع التراكر سيء جدا وفيه تعدي على حرية الراي والتعبير وهذا يدل على واحد من اثنين اما ان فيه شي صاير ما يبون احد يعرفه ويحاولون اخفاءه قدر المستطاع او ان عليهم ضغط من مسؤولين من الجامعة بعدم الخوض في الموضوع.
+1 كلامك صحيح... يعني أكثر من شخص في المنتدى يسأل عن وضع التراكر وطلبوا توضيح باللي قاعد يصير الحين ولا في أحد رد عليهم يعني معقوله المشرفين ذولا ما يشوفون ردود الطلاب !!! وبالنسبة لـ Mr.M ياخي الطلاب في المنتدى يسألونك عن وضع التراكر وانت ولا معطيهم وجه ياخي جاوب على تساؤلاتهم باللي تقدر عليه واذا ما عرفت تجاوب قول ما أعرف لكن إنك تسحب على الطلاب هذي مالها داعي
أتوقع السبب أنهم ناويين يوقفوا خدمة التراكر و الله أعلم, قبل يومين كان مكتوب الموقع تحت الصيانة والأن الموقع غير معروف,,,,
لو فيه شمس كان بانت من أمس المبرر الوحيد للصمت هو ان الموقع ماراح يرجع , هم حاولوا يقفلوا الموضوع ويدفنوا التراكر لكن شافوا ان الطلاب مانسوا والمواضيع كثرت في الساحة العامة وهذا ماعجبهم , فأفضل حل افتح موضوع التراكر مرة ثانية ولا ترد على احد لو قالوا للطلاب الحقيقة محد راح يسكت وماراح يتقبلوها بسهولة لكن انك تسكت وتخلي الطالب يتقبل الوضع ويتعايش معه ويقتنع انه ماراح يرجع أفضل للطرفين أنا اراهن ان مستر إم وجميع من له صلاحية في التراكر يومياً يدخلون على هذا الموضوع ويقرؤون ردود الطلاب ويقدرون يردون عليهم لكن كذا احسن اللي بقي فقط معرفة السبب الحقيقي, أتوقع كل طالب له الحق انه يعرف السبب , لكن ننتظر بعد إعلان إقفال التراكر لا تقلي حقوق وكلام فاضي p:
ماشاء الله ماشاء الله ..... أخوياي كلهم قاعدين يذاكرون ,, وآفرج الفيزيا مرتفع ,, والطلاب تبي ترتفع معدلاتهم ,, وكله من بركات إغلاق التراكر .. الله لا يعودهـ
^^^ إلي يسمعك يقول قفلو بوابة الجامعة مو التراكر والله العظيم كنت أجد في التراكر متنفس يعينني في أوقات الجد على الصبر والمذاكرة الآن لا أنا الي عارف استمتع ببعض وقتي في الغرفة ولا الي عارف اذاكر إلا بطلعة الروح
الظاهر أن التراكر قفل نهائيا مب راضي يدخلني على الصفحة حتى .... أقسم بالله أحس الشغلة عناد في الطلاب
Mr.M أنت الآن متواجد في هذه الصفحة بلغنا ايش السالفة يا أخي حتى لو كان راح يقفل التراكر خلنا على بينة على الأقل