معاكم، سجلت اسمي في الفورم تبع مستر عبادي. ممكن أجي معكم زيادة عدد، لكن ما عندي الخلفية الكافية عشان أدافع عن موقفنا أو أطرح حلول.
السلام عليكم ورحمة الله وبركانه ياجماعة الخيرأذكرو الله وصلوا على النبي - صلى الله علية وآله - أولا أنا سمعت أنه الجامعه ممكن تسمح للطلاب أن يفتحوا التراكر من جديد ولكن أن تكون ليست هي المسؤؤلة عنه, أقصد يكون المسؤؤل عنه الطالب وبهذا فهي تتجنب المسائلة من الجهات المختصين لانها تعتبر جهه حكومية ورسمية على مستوى العالم
يعطيك العافية اخوي الكريم على مجهودك بما انك بداتها وسويت الفورم اجل نتمنى تمسك التنسيق وتتواصل مع الشباب وتحددوا يوم الذهاب ، اقل شيء في نظري 15 طالب عدا ونقدا (صارت فلوس) نروح مكتب الدكتور خالد السلطان سوا ونطرح افكارنا ونعرف ايش الاسباب وليش اتقفل وايش راح يصير له
من وجهه نظري اقول والله انهم راح يمرمطونا على لا شيء الـ itc لو انهم لهم نيه يرجعوه كانوا تواصلوا معانا على الاقل بخصوصه لكنهم نيتهم ما يبغوا يرجعوه انا بالنسبة للي اقول انه لو رحنا للـ itc بتكون مضيعه وقت .. لا تنسى انك بتجمع الشباب وفي النهاية بنروح الـ itc ولا بنطلع باي نتيجه حتى لو قدر الله علينا وقررنا نروح نكلم الـ itc بتكلم مين بالضبط مافي احد نقدر نكلمه باسمه شخصيا تحياتي لكم
اللي سمعته من مصدري الخاص .. التراكر موب مشغلينه لان صارت مشاكل بخصوص حقوق النسخ وهالكلام اللي اقوله لكم .. فيه بالسويكت كم محل يبيع افلام رخيص وكويس
الحمدلله يرجع او لا ما فرقت معي جالس احمل ولله الحمد صحيح ان السرعه 3 ميقا فقط لكن الحمدلله, شي احسن من ولا شي فيس يدق زير
الحمدلله يا شباب الاستجابة من الطلاب كانت مفاجئة جدا ،، بالنسبة لانه ما يحتاج نروح للمدير اعتقد انه مدة اغلاق التراكر دليل كافي ان الitc هم سبب المشكلة الاول فلا فائدة من التوجه اليهم .. ----------------------- الى الان موعد التوجه الى معالي مدير الجامعة الاربعاء فترة الغداء (الاكثرية ) ف الخميس فترة الغداء ( اقل) الي سجلو استعدادهم راح ارسلهم رسايل مساء الغد عشان ننسق بيننا .
طيب اخوي الكريم وضح لنا وجهة نظرك واذا عندك حلول غير الحل هذا خلينا نستفيد امكن كلامك صح بس زي منت شايف مافي اي تفاعل من الطرف الاخر ...
هذا الذي أخرج المسلمون من جزيرة العرب هههههههههه .. ياخي أنا أحترم وجهات النظر .. بس معليش وجهة نظرك مصلعة .. يعني أمس والله كنت أدور مانيول سليوشن لأحد المواد -الله يذكر التراكر بالخير- ودخت ما حصلته ولمن حصلت له رابط بمنتدى الطلاب طلعت لي مدينة الملك عبدالعزيز للعلوم والتقنية فايروس ومدري ايش !!!! وبعدين اللي يقول يكسبون آثامنا ومدري أيش والله عجيبين .. ياخي كل شيء بالدنيا ذو حدين وكل شخص وضميره .. أجل ليش مايجي السلطان ويمنع النت ويقول أخاف أكسب ذنوب الطلاب من البلاوي اللي في اليوتيوب وغيره ؟! ودي الواحد يفكر بعقلانية وبمنطقية قبل ما يدرعم ويطير بالعجة .. ويالله توصون شيء ولاش .. فمان الله
^ أخر رد في الصفحه السابقه +1 بعدين وش السالفه كل ردودي متصدره الصفحات ههههههههههههههه التراكر راح يرجع بس أنا ودي مستر m دامه راح يتخرج الله يوفقه يسلم الإدارة لطالب له قدرة و يغطي محله