انا 51 gb .. و وقفوا النت ! المهم .. اخذت ايدي و باسوورد خويي (ساكن برا الجامعة) .. لكن ما أعرف كيف ادخلها .. الباسوورد حقي محفوظ .. جربت اكثر من متصفح و قفلت النت و سويت اشياء كثير .. اللي عنده حل يذكره تكفون !
و الله الحالة مزرية و الوضع بدون تراكر صعب كثير من الشباب عندهم مشاكل مع حد الاستخدام الشهري الواحد يحس انه يعامل معاملة السجين ما يقدر يأخذ حريته بشيء بسيط و لو كان النت زي الناس قلنا ما في مشكلة نت بطيء يرفع الضغط
احمد ربك عندك نت ببلاش وبعدين 50 gb ما هي لعبة ! أنا ودي أعرف الواحد كيف يخلصها في 10 أيام ! يعني يومياً حول 5
لاحظت ان النت سار بطيء بعد ما جاني التحذير (ما خلصت الخمسين لسا)، راسلت الآي تي سي أمس عشان أعرف إذا عندهم سياسة تبطيء النت للي استخدامهم كثير نسبيا بس ما خلصو الخمسين، بس ما وصلني رد لسا. (هذا التعليق مو تأكيد لوجود السياسة، مجرد ملاحظة عشان أعرف إذا أحد واجه نفس الشي).
استخدم ID آخر لدخول النت ... بس إمس الباسوورد المخزن بالمتصفح .. إذا كنت تستخدم الكروم .. ادخل .. وعدل الأيدي لأي واحد تعرفه .. والباسورد ايضا
^ يا حبي لك المشكله ما هي بي كيف ادخل اي دي ثاني ، المشكله من وين ادبر اي دي ؟ بخصوص الي يقول ٥٠ كفايه ، جلسه ويدكيند ع افلام نشاونال جيكرفك الي في اليوتيوب ، تآكل ٥٠ قيقا آكل ، ٨٨ قيقا كلها جايه من اليوتيوب ، وشويه انمي . ما حملت ولا فلم ، ولاحتى مسلسل
^ ياليت تتواصلوا فيما بينكم على الخاص على أي شغلات زي كذا يا شباب الـ itc ممكن يشوفوا الموضوع وما يقصروا بـ block .
وش قصة رسايل الـ itc بالعادة اخذ راحتي بالتحميل ولا تجيني المره هذي استخدامي قليل واغلبه على الـ 4g وارسلولي رسالة 1 الى 8 مارس 23 قيقا ... والحين النت عندي مقطوع مدري من الاستخدام ولا المشكله عامه.. الله يصبرنا...
مقطوع عندي أيضا. انا من الأشخاص اللي جاهم تحذير. بس من غير المعقول اني استخدمت الثلاثين جيجا المتبقية في أربعة أيام بينما العشرين جيجا الأولى راحت في ثمانية أيام، واستخدامي ما ازداد (هذا إذا ما كان قل). فأتمنى أنها تكون مشكلة عامة. (تبعات قفل التراكر بما فيها أداء النت أحس مكانها الطبيعي هنا. إذا كان المشرف يرى غير ذلك فأرجو أن ينقل -مشكورا- المشاركات المتعلقة بالانترنت، سرعته، انقطاعه، وحدود التحميل لموضوع آخر حتى تكون المحادثة متكاملة).
^ :: تم اللقاء مع مدير الجامعة :: ونشكر كل من حضر .. وبحكم انه موضوع يمس الطلاب .. سأكتب ملخص الحوار .. وقبل هذا تخيل نفسك في مدير الجامعة .. وأنك ستتحمل مسؤولية التراكر .. - التراكر يعاني من مسألة حقوق النشر ( وهذه حقيقة لا ينكرها أحد ) .. والتراكر محسوب على الجامعة .. والجامعة ستكون معرضة للمسائلة .. وقد تصل لمئات الملايين .. فيا شباب الموضوع ليس لعب اطفال .. وقد يخرج البعض ويقول .. انه التراكر يرجع لسكن الطلاب ويكون بينهم ( وهذا لن يحدث فقد تعلمت الجامعة درس في الماضي أدى لإغلاقه ) .. ولو كان في السكن ( فيجب ان تراقبه الجامعة ) وهذا يعيدها للنقة الأولى وهي انها مسؤوله عنه وتتحمل مسؤوليته كاملة .. عموما ..... فيه حل وهو قيد المناقشة .. وراح يرضي الجمييييع .. بإذن الله ... وإنتظروا على الأسبوع القادم بإذن الله .... منقول
أنا جاتني الرسالة اللي تقصدونها لمن كنت أوريا والكل كان يطقطق عليّ بذاك الوقت ، لما راسلت itc قالوا إنهم يعملون على أداة تحسب استهلاكك للانترنت .. فأرسلت لهم قائمة ببعض البرامج المجانية والمدفوعة اللي تحتاج تجديد سنوي أو مرة واحدة طلبوا مني أستخدم المجاني اللي هو Networx من خلال هذا الرابط [ http://www.softperfect.com/products/networx/ ] تقدر من خلال إعدادته تضع لك حد معين من القيقات ويحسب كم تستهلك ويعطيك تقارير مفصلة عن التحميل والرفع منذ بداية تشغيله ... أتمنى إنه راح يفيد المتضررين مستقبلا إن ما كان فيه حل