ادردب ولـى ما ادردب .؟

نصيحتي من واقع تجربة

لا تلجأ للدروب إلا كآخر حل لسه عندك مجال تجتهد وتذاكر مع أحد زملائك لتحسين وضعك للفاينلات
استعن بالله وادرس بتركيز وحل مسائل كثير في 200 و الكمستري وبتفهم ان شاء الله المادتين متوسطي الصعوبة

 

انصحك لاتدردب درجاتك مش مره سيئة وفي مجال للتعديل , بعدين بالله استرجع تعب السمستر ذا والوقت الي راح من عمرك حرام تضيعو الا اذا عارف انك بترسب وكذا دردب اذا بتمشي دوس وعوض ف السمستر الي بعده , وجهة نظر لا أكثر

 

لا تدردب درجاتك مب سيئة حيل
شف شالسبب عدم الاهتمام وحاول تشد على روحك شوي
ترا مابقى كثير على السمستر فلو شديت حيلك شوي راح تطلع بقريدات نوعا ما ممتازة
وتطلع من الكيميستري باقل الخساير

 

درجاتك مش كثير سيئة بالعكس يمكن في الـ ee درجتك ممتازة أشوفها كمعدل بين الميجرين



شف أنا كنت بوضعك قبل بس كنت سيء جداً ودردبت ورجعت أفضل لكن مهوب بالشكل اللي توقعته

يعني فيه تغير بس كنت أحسب لو حذفت بأخذ فرق كبير بالقريد ..

الشيء الثاني تخيل لو دردبت وجبت بالسمستر الجاي نفس الدرجات وهذا وارد بيكون تحطيم كبير لك ..

 

دردب وانا اخوك دردب وانت ماتشوف الدرب
درجاك مرة سيئة ما تجمل صراحة .. لحد يلعب عليك ويجاملك
انا اقول توكل على الله بس ودردب واسحب ملفك
وان حصل ولقيت قبول في جامعة ثانية ترا أحسنلك وأريح لك
ماوقفت على جامعتهم وانا اخوك

نصيحة من أخو صادرة من قلب
توكل على الله والله يكتب اللي فيه الخير

 

وعليكم السلام ورحمه الله وبركاته.

اخوي الغالي, انا سبق لي وجربت الكمستري , وكان مجموع مياجري 95 من 200 والاب ع الافرج , و الكلاس وورك كان فوق الافرج , الفاينل جبت 42.5 من 100 . بالاخير طلعت بـ c

والكهرب 202 نقول انك ع الافرج , وراح تطلع بـ c

بقيه المواد ع حسب قولك انها متوسطه وممتازه . يعني بالراحه ان شاء الله تطلع بـ 2.5 وفوق.

2.5 اشوفها مليون مره افضل من اني اسوي دروب !!

انا جربت الدروب , صح اني ارتحت واستفدت كثير ورجعت ورفعت المعدل ! لكن ماسويته الا بعد ما انها تقطعت عني السبل والنفسيه ماعاد تسمح لي اني اقرى سطر ! وكمان كنت بوورننق ,

لو انا مكانك ماراح اسوي دروب ابدآ , اشد حيلي وبأذن الله اجيب شي طيب , الفاينلات تفرق في درجه الطالب بشكل كبير !!

شد حيلك وسيبك من ابو شديد هذا لانه واضح انه انطرد من الجامعه وجاي يخرب غيره ! او انه انسان حقود وحسود ما دخل الجامعه وجاي يهايط عندنا , واحتمال يكون شخص يكره لك الخير .

والله يوفقك ويوفقنا لما يحبه ويرضاه​

 

درجاتك مو بشينة ياخوي حرام عليك تدردب
شد حيلك بالفاينلات وان شاء الله يزبط وضعك
ما انصحك بالدروب ابد

 

من واقع تجربة في الحذف
ما انصحك تحذف
جربت حذفت و لو عاد بي الزمن ما حذفت
بنصحك بالحذف في حالة أن طموح a في الكورسات و أنك ترتب خطة تضع فيها أسباب الاخفاق و ايش الحلول الي بتعمل فيها لعلاج هذه الاسباب الفصل الجاي و أنا ما يأثر عليك أنك تشوف زملائك تقدموا عليك و بيتخرجون قبلك ( من أصعب الأمور الي عانيت فيها بعد الحذف)
إذا كان هدفك النجاح في الكميستري فأنا كان مجموع درجاتي في الميجرين 100 من 200 و طلعت ب c

 

الحين تطلب راينا واذا عطيناك راينا قلت اصمت..!؟
يعني لازم أرفعلك واقول ماعليك استمر..!؟ لا حول ولا قوة الا بالله

كذا كذا شكلك ماتبي تدردب..!؟ خلاص طيب مالها داعي تحط الموضوع وتطلب راينا
بس أنا اشوف انك تدردب أحسن لك صراحة وهذا رأيي

 

لا تدردب ابدا الا لو حتاخد f او DN في مادتين او اكثر