بخصوص اللابتوب

وعليكم السلام
هالمواضيع يمكن تفيدك
نصائحكم..... ماك بوك أو لابتوب عادي
ودي اشتري جهاز mac pro وعندي استفسارات
هل نظام الماك ( مجدي ) في حياتك الجامعية ؟

 

وعليكم السلام ورحمة الله وبركاته
وانت بخير وصحة وسلامة ، من السالمين والغانمين يارب

ماني من مستخدمي الماك ، بس اعرف شباب يستخدمونه. أحد أبرز المشاكل اللي تصادفهم لما الدكتور يرسل ملف بصيغة zip أو rar وما يشابهها من الصيغ اللي تتيح ضغط الملفات. لذلك ، حط في بالك إنك توفر برنامج خاص بأجهزة الماك لفك الملفات المضغوطة.
أيضا ، أتذكر دكتور اللايف سكلز كان يستخدم الماك ، وكان دايما يطلب منا نرسل الملفات بصيغة PDF ؛ لأنه - حسب كلامه - أجهزة الماك ما تفتح ملفات الاوفيس بسهولة (ما فهمت الفكرة اللي يبي يوصلها).

عموما ، بقية الاشياء يفيدونك بها اصحاب الماك.

 

بعض المواد في بعض التخصصات برامجهم فقط على الويندوز اعرف واحد كان يروح الاب في الجامعة عشان برنامج
وبغض النظر عن البرامج اجهزة ماك سعرها مرتفع على الفاضي لاهاردوير مثل الناس ولاشي .. تقدر تاخذ لابتوب ويندوز بمواصفات جبارة وافضل من الماك بمراحل
في النهاية هو قرارك بس بالنسبة الي مستخدمين الماك ملعوب عليهم

 

أنا من بداية الجامعة إلى السينيور عندي لابتوب Dell وكان ممتاز جداً من ناحية ترتيب الملفات وتنظيمها وتثبيت البرامج وكل شي، العيب أنه بعد ٤ سنين تقريباً البطارية أصبحت ضعيفة جداً وبالموت تكمل ساعة فلازم تغيرها وتشتري جديدة أو يكون الشاحن معك دايماً، لمن طلعت exchange اضطريت اشتري لابتوب mac من أمريكا وكان مريح هناك كون الكل يستعمل نفس النوع وكل البرامج الجامعة توفرها لك على نسخة الmac، بعد ما استعملت الاثنين أقدر أقول انه الأنسب للحياة الجامعية (في السعودية) هو لابتوب بنظام ويندوز لسهولة تبادل الملفات وتثبيت البرامج.

 

صحيح اخوي انا شاري ماك من اول ثانوي والان سفمور واتفق معك في ان الماك معمر بس ما ادري عن الماك الجديد

اما عن سؤالك عن فتح الملفات احسن لك تحمل BOOTCAMP اللي يخلي الماك يشغل نظامين واحد ماك والثاني وندوز, خل الماك للتصفح واغراض غير الجامعة ونظام الوندوز لملفات الجامعة

حااااول قدر الامكان تدبر لابتوب من أول يوم في الجامعة لأن راح تستخدمه كثير

والله يوفقك يا اخوي ويسهل امرك

 

نعم ان شاء الله تمشي تمام بس أول شي تسوي بارتشن Partition للهارد دسك حق الماك (يعني تقسم الهارددسك نصفين) واحد للـMac OS والثاني للوندوز
ولازم يكون عندك شريط وندوز عشان تثبته على الماك
اذا ما وضحت الصورة او عندك شي تبي تستفسر عنه العم قوقل موجود

موفق

 

طيب لازم اجيب الاب توب معي دايما ؟ وفي اي كلاسات راح استفيد منه

 

^^^^^
مايحتاج تجيبه معاك ...

 

بخصوص الخصم ، جرير عندهم خصم لطلاب الجامعات ، بس جيب وياك الاحوال + بطاقة الطالب
ومتى ينتهي ماعندي علم ، بس انت روح لهم في اقرب فرصة اذا نويت على الماك قبل لا يخلص الخصم ، بيفرق وياك كثييير

 

حتى في كلاسات الحاسب ؟

 

اي مايحتاج تجيبه معاك ..

 

طيب عندي سوال خارج عن الموضوع !!
الحين اول يوم اذا داومنا اروح كلاس الانقلش اول ولا اروح للمستودع قبل عشان الكتب . اخاف اروح مستودع الكتب ويحسب لي غياب .

 

لو تطرح استفسارتك في موضوع الإستفسارات يكون أفضل
ضع استفسارك الأكاديمي [التسجيل،الحذف،الوضع الأكاديمي،تغيير التخصص....إلخ] هنا
+
احضر كلاس الانجلش لأنك بتستلم فيه كتب الانجلش اما بقية الكتب راجع مستودع الكتب اذا صار عندك وقت ..
واذا بتغيب عن اي محاضرة عشان تستلم الكتب فهذا العذر مب مقبول عند الدكاترة .