MATH 260 Introduction to Differential Equations & Linear Algebra

شباب ينفع انزلها قبل 201 والا اخذ 201 بعدين 260 ؟؟ ضروري عشان ارتب الجدول

 

تقدر تاخذهم مع بعض او تاخذ واحد منهم قبل الثاني
لأن الكورسين مب بري ريكويست أو كوريكوست لبعض
متأكد 100%

 

الله يعطيك العافية
اعلم مسبقا اني اقدر انزلهم مع بعض او واحد قبل الثاني
لكن سؤال من ناحية المتريل هل ما لهم علاقة في بعض والا يفضل اني اخذ واحد قبل الثاني لاني في الماث شوية تعبان
وايضا عندي 260 تفتح مادة numerical methods CE

سؤالي الاخير هل للمتتابعات و المتتاليات الي في 102 تكملة في 260 او 201 ؟؟ لاني مييييح فيها

 

ماث 201 و 260 ما اشوف بينهم ذيك العلاقة الي تخليك تأخذ كل واحد منهم في سمستر لحاله .. الا اذا كنت من الشباب الي مايقدر ينزل كورسين ماث قي نفس السمستر ...
وبخصوص المتتابعات مالها تكلمة في 260 ( متأكد ) لكن 201 ناسي الصراحة ..
numerical method اتوقع تقصد cise 301 مب ce
في هالكورس راح تحتاج المتتابعات شوي

 

الله يجزاك خير اخوي ويعطيك العافية
وضعي ما يسمح انزل كورسين بعض في نفس الترم

 

هل الكورس سهل في الصيف؟

 

Term 153

خذته مع العراجي ABDALLAH LARADJI

الكورس رهيب وحق قريد .. تجيب أقل من B+ بأفقع وجهك بس يحتاج متابعة وزي ما قالوا اللي فوق تحتاج انتقريشن بشكل متوسط

منب متكلم عن الماتيريال ، بشكل عام مفهوم وحلو

المشكلة الوحيدة هذي اخر شابتر بالكورس شابتر 7 ، خصوصا 7.5 !! تقريبا 40% من الفاينل كان عن هذا الشابتر !! جدا مهم والصراحة أعتبره أصعب شابتر وتحتاج تحل أكبر عدد تقدر عليه ( حرفيا ) !!

ركز عليه قبل الفاينل ولو تحل أسئلة قديمة وتوريها دكتورك قبل الفاينل أفضل وأفضل عشان تتأكد انك ما تجيب العيد ، لأن خطا بسيط جدا في حل سؤال يخلي حلك غلط في غلط

أنصحك تاخذه مع العراجي بدون ما تفكر . تصحيح رهيب وشرح جيد و جدا جدا حبيب ( كيف السجع ) =)

بالتوفيق

 

^^^ كلامك صحيح لكن سالفة القريد انا كنت اقول نفسك لكن غيرت رايي بعد الظلم الي صار في 142 ....
"وتصحيح لكلامك ذا كان التوزيع مب ظالم المفروض ماتطلع منه بـ b+ "

 

السلام عليكم...
كيف المادة فالصيف مع محمد بخاري اقدر اطلع فيها بقريد علما اني بخدها ساينس الكتف + باخد معاها stat 211

 

مادة حلوة تتابع فيها أضمن لك تحصل فيها B+ بالراحة. المادة عبارة عن خليط بين Math 002 و Math 102 وتتعلموا أشياء جديدة وكيف تستعمل اللي تعلمته في الماث لتحل أنظمة دفرنشل انكويشنز.
الكورس في الصيف مشابه للترم العادي، المادة ما يقدروا يصعبوها كثير لأن ما بها تركات بس تطبيق للكونسبت.
أعطي المادة حقها ووقتها لا تعاملها كأنها مادة ثانوية، ذا الشيء بينزل درجاتك فيها.
أنصح بالمادة إذا كنت بتاخذها إلكتف.
تقدر تذاكر من نوتات الدراجي أو التتار، الكتاب بعض الأحيان عبيط ويشرح أشياء ما لها داعي.

 

عبدالإله قادري - ١٩٢

باختصار المادة سهلة جدا جدا وسهل تحصل فيها درجة ممتازة بشرط تعطيها حقها.
نصيحة لا تأجلها وتتأخر خذها مباشرة بعد ما تخلص موا الرياضيات اللي عندك عشان ما تطلع من الجو.

إذا نزلتها عند عبدالإله قادري، فأبشرك هو شخص عسل ورائع ولكن خله يشوف فيك الحرص والاهتمام.
اطبع المذكرات اللي يرسلها فيها كل شي تحتاجه -قصيرة ماهي طويلة- ووقت المحاضرة خطط عشان تفهم إذا رجعت لها.

ذاكر للاختبارات زين وإذا جاط وقت الميجر ما تحتاج إلا أنك تحل اختبارات قديمة وبكذا تقدر تجيب درجة كاملة بإذن الله.

 

Term 211


المادة الكونسبت حقها نوعا ما جديد مقارنة ب الكورسات الي قبل، الكورس يجمع مابين الديفرنشل ايكويشنز و اللينير الجبرا (لا يغرك اسم لينير الجيبرا تراها اصعب جزء في الكورس) بس بالمجمل المادة مو صعبه لاكن تبقى ماث ولازم تعطيها حقها، هي اسهل من ماث ٢٠١، اما مقارنة ب ١٠١-١٠٢ صعبه تحديد صعوبتها بينهم، الكورس ميزته دروسه قليله مقارنة بالكورسات الي قبل، والافكار محاولين مايتعمقون فيها بحكم انها كونسبت جديد


الاختبارات مع هذا الترم بادين يحولونها لاختياري بدال الريتن وللاسف مع كذا الكورس راح يصير ظلم كبير، الميد كان ٤ اسئلة اختياري و ٤ رتن وللاسف سؤال الاختياري الواحد كان عليه ٣ درجات اما الريتن كانت بين ٣-٤ درجات وعليها بارشل بحكم انها ريتن، والفاينل كان كله اختيارات