ارامكو و التصنيع

نصيحه روح التصنيع الوطنيه وانت مغمض لو ضمنت العرض الرسمي ميزات رواتب افضل من ارامكوا والبيت مايطول معك بتصنيع ارامكوا بتمسك سرا

 

ارشح التصنيع لقربها من سكنك + ورواتب اعلى من ارامكو + تملك البيت +الاستقرار في نفس المكان

بالتوفيق ي رب

 

من ناحية الاستقرار والوظيفه بتكون بالجبيل, التصنيع افضل
من ناحية نظام الدوام الثابت والضغط في العمل, ارامكو افضل
بالنسبه للسكن: مافي سكن بالتصنيع لكن فيه قروض
ومن ناحية الراتب انت قارن بين العرضين بعد ما يوصلك العرض قرر. لكن اتوقع ارامكو اعلى مع البدلات.
وبالتوفيق.

 

التصنيع طبعا وأنت مغمض أفضل بكثير وراتب وحوافز ..

نصيحة أهرب من ارامكوا اذا برنامج تدرج APNE أو VCGNE محد ينصح فيها ابد وتخلص الدراسة يعرضوا لك وظيفة بقريد منخفض وبمكان هم يحددوه (ممكن منطقة نائية) ولازم تقبلها واذا رفضت ترجع كل المبالغ للشركة خلال السنتين .. لاتقدم على ارامكو الا بالجامعة فقط اذا تبي الترقيات والقريد والراتب العالي ..

عالعموم اشوف التصنيع أفضل وترقياتها بتكون أفضل بكثير من ارامكو التدرج .. فالك التوفيق يارب .

 

التصنيع

 

برنامج التدرج لخريجي الدبلوم VCGNE

المكافأة:
للمتدرج مكافأة شهرية قدرها 4000 ريال يتم خصم 9% منها لصالح التأمينات الاجتماعية لأن فترة التدريب تحتسب فترة خدمة بالشركة مع كون المتدرج غير موظف فيها حسب نظام العمل السعودي.

الراتب والدرجة بعد التعيين:
يستلم جميع المتدرجين بعد انهاء البرنامج راتبا شهريا أساسيا قدره 4750 ريال ويكونون جميعا على الدرجة الثامنة
وللمعلومية فإن هناك بعض خريجي برنامج التدرج من خريجي الثانوية يتم وضعهم على الدرجة الثامنة أيضا كما ان رواتب من يتم وضعهم منهم على الدرجة السادسة والسابعة تتراوح بين 4250 و 4500 ريال .

معلومات التعيين الوظيفي:
عند بداية قبول المتدرج في البرنامج يتم اعلامه باسم الدائرة التي سيعمل بها بعد تعيينه في الوظيفة كما يتم اعلامه بالمسمى الوظيفي وطبيعة العمل الذي سيقوم به ولكن لا يتم اخباره بمنطقة تعيينه إلا في آخر اسبوع من البرنامج، ويقوم بالتوقيع على القبول بذلك وأنه لا يحق له الاعتراض على مكان تعيينه. أو يطالب بإعادة جميع المبالغ التي تكبدتها الشركة في تدريبه.

 

نعم كلامك صحيح.
بس على حسب التخصص اذا أوبريشن قريد 8
واذا كليرك او سيكورتي او فايرمان قريد 7

عموما الراتب المذكور يعتبر عالي لكن قد لايليق بشركة كبيرة مثل ارامكو.

شكراً لك

 

ي خي للان تتفلسف وتكذب وتعطي معلومات مغلوطه. استح على دمك ولاتنكب الناس وانت فريش ماتوظفت حتى ولا تدري اي شي عن الشركات

 

استخير الله وانصحك تقارن بين الراتبين( فل بكج). كلامهما بيكون قريب من بعض لكن افضل التصنيع لانها فيها استقرار عكس ارامكو ممكن فيه مناطق نائيه

 

كلامي متاكد منه وبقوله عن معرفة .

كل اللي علقوا اتفقوا ان التصنيع أفضل وبمراحل .

اذا تبغا تروح تدرج ارامكو روح وفالك التوفيق الأمر يعود لك وعليك بالاستخارة قبل كل شي ..

بالتوفيق لك ..