طالب ثانويه محتاج مساعده ااااااااااااارجوكم

1انا جايب في ثاني 93 هل يمكن انارفعها الى 95

تقدر يا طويل العمر ترفع نسبتك إلى 95 بشرط تجيب في ثالث ثانوي 97 لأن المجموع النهائي للنسبه المركبه مجموع نسبة ثالث وثاني مقسوم على 2

2- انا اختبرت قدرات وجبت 81 هل اختبر مر ثانيه ولا درجتيه حلوه
رأي الشخصي جيد جدا لكن ابحث عن الافضل واحتبر مره ثانيه

3- هل يمكن ان اختبر اختبار التحصيلي اكثر من مره
للأسف لا يمكن تختبره لان مدة النتيجه الي تاخذها من مركز القياس مدتها سنه بس


ونصيحه أخيره ركز على اختبار القدرات والتحصيلي


والله يوفقك لكل خــــــــــــــــــــــــــــير

 

الله يوفقك اخوي

ودرجة قدراتك ماشالله مرتفعه

شد حيلك في التحصيلي

وحاول تركز مع المدرسين لا تهتم بالحفظ حاول تجمع معلومات عامه عن كل شي .

الله يوفق الجميع

 

نصيحة : 80% من الاختبار التحصيلي يجي من 3 ثانوي , فحاول إنك ما تترك و لا معلومة , و ذاكر كل شي في المنهج , حتى لو المدرس حذفلكم حاجة , حاول إنك تذاكرها و تسير عليها , لااااااااااااا تترك أي شي في المنهج إلا و إنت مذاكره , أنتبه تغلط غلطة اللي قبلك

 

انا اول اختبار قدرات لي جبت 82 عدته مرة ثانية وجبت 87 << كله بدون دورات بس شوية تركيز وسرعة

 

بالنسبة للثانوية تقدر ترفعها بالراحة لأن المنهج بين يديك

اما القدرات كذا حلو بس حاول انك تختبر وتجيب احسن

والتحصيلي أنا انصحك بأنك تاخذ دورات لأن بعض مدرسين الثانوية يحذفون كثير من المنهج لأن الأختبارات من عندهم ولا فيه وزارة ، وصعبة انك تروح تذاكر شي انت مانت فاهمه
فأنا انصحك بدورات تحصيلي

(( بالنسبة لي ، انا اخذت دورة تحصيلي في (مركز رائز للتدريب والتطوير ) ونفعني كثييييير ، يعني لولا الله ثم لولا رائز كان مادخلت الجامعة ))

(((((اذا انت تبي رقم رائز راسلني على الخاص ))))))



وبالتوفيق لجميع الطلاب والطالبات


تقبل تحياتي

 

بأمكانك اختبار التحصيلي في ثاني ثانوي و ثالث ... التحصيلي مدته سنتين و الله اعلم ..

 

اسمعني يالطيب أنصحك بإنك لاتفوت إختبارات القدرات الباقيه لك
أما عن الثانويه فتقدر ترفعها حتى أكثر من 95 بس توكل على ربك وشد حيلك
التحصيلي ما سمعت عن أحد أختبرها في ثانيه لأنه تجي فيه أسئله كثير من ثالث ... الله يوفقك

 

ونصيحتي اسمع كلامي في إعادة القدرات مرة ثالثة

 

بالنسبهـ للثانوي بالراااااحه وبين يدينك زي ماقالوا الشباب

القدرات أنا أقولك بالنسبه لي إختبرت 4 مرات ( الأولى 81 واختبرت ثاني وجبت 76 طبعا تحطمت والناس شعللوا علي واختبرت في ثالث ثانوي مرره ثالثه وكانت 85 واختبرت مرره رابعه وكانت 88 ) يعني حاوول تختبر أكثر

والتحصيلي أنا جايب 73 بس ماادري كيف جبتها لهذا أقول ( لاتعليق )

والتوفيق بيد الله والله يوفقك أخوي

 

السلام عليكم ورحمة الله وبركاته


أنا متخرج من الثانوية العامة هذي السنة وانقبلت في جامعة الملك فهد والملك سعود هندسة


جبت في الثانوية العامة 94 (حكومي) : بصراحة الثانوي كل سنة أسهل من اللي بعدها .

بالنسبة للمعدل التراكمي يجمعون ثاني مع ثالث ويقسمونها على 2 مع ( حذف الوطنية )

أما بالنسبة للقياس دخلته في ثاني مرة وحده وتمنيت اني دخلت كل الإختبارات

جبت في الأول 83 والثاني 85 والثالث 93 ( يعني نصيحة لوجه الله ادخل جميع الإختبارات

أنا جميع اختباراتي يوم الخميس الصبح آكل أكل خفيف مع حلى وآخذ معي علبة مويه وأتوكل على الله )

أما التحصيلي أخذت نسبة 76 أما أسئلته تميل إلى السهولة ما عدا الإنجليزي لأني ماأعرف فيه شئ

وأنصحك بمذاكرة مذكرة رائز لكن الإنجليزي مايفيدك فيه رائز ( مع العلم اني داخل دورة رائز )



وأي سؤال أنا حاضر


أخوك / فهد - الرياض

 

جيب بثـالث 98% وبعد حساب التراكمي بتكون 95% ـأن شاء الله ..

بالنسبـه للقدرات ـاكيد ـادخلـه ثآنيـه مـأراح ينقصك شئ ـأذا جبت ـاقل مـا راح يأخذونـه ..

اما بالنسبـه للتحصيلي مرهـ وحدهـ بس ..

وبالتوفيــق

 

أنا دخلت القدرات 3 مرات

الـ3 مرات جبت فيها 87

آخر نتيجة يوم شفتها مع القهر أتصلت عليهم قلتلهم طلعوها درجة نزلوها 10 درجات لا تخلوها 87 87 87 كأني دافع 100 ريال على اختبار محدده درجتو من قبل لا أدخلو , و الله عن جد اتحطمت وقتها ,,,