*ملتقى طلاب ثالث ثانوي 2008 - 2009

المفروض مافيه طابور اصلاً
طابور الابتدائي ارفع رجلك نزل رجلك اطمر ازحف
طابور المتوسطه حكم قديمه و اخوانا الاجانب (المصاريه)هم الي يطلعون في الطابور (واسطه مع المدرسين)والسعوديين نايمين وهم واقفين
طابور الثنوي مايحضره الا ثنين دوافير والباقين يجون الساعه7:30 ويقفلون باب المدرسة لين الساعه ثمان ولا همهم الشباب احلى لطمه وسوالف وكل واحد يشغل في سيارته غنيه على الذوق ناس راب وناس اغاني مدري وشي بس عموما قديمه وصوتها مو واضح واغلبهم يكون معهم ونيت نيسان(ياوجه الله) وناس نانسي يعني معطين الدراسه وضع (بالخارج) اما بتوع الشرعي فهم ملح المدرسه مايهون على روحة المدرسه الا هم منسمين لدرجة الثماله

 

السلام عليكم ورحمة الله وبركاته
الحمد لله بالنسبة لكم احنا في نعمه
احس وقتنا مضبوط
الفجر من 4:00 - 5:15 الظهر من 11:40 الى 12:00
الليل 5:00 الى 7:00
وبالنسبه لجونا لك عليه
ماتتحمل الحر في الصيف
وتموت من البرد في الشتاء صحيح ان درجة الحراره مثلا توصل 5
لكنها ابرد من -20 برا السعوديه
(طبعا ذا كلام مبتعثين يقولون برا الحراره بالسالب والوضع عادي وهنا 8 ولا 10 وتتجمد)

احين احنا نصلي الفجر 5:15 على ماتتجهز وتصلي تستوي 5:30 اخذ لك غفوه الى 6:40
قم البس ثوبك وشل السجاده(طبعا الكتب ملفوفين وسطها) واشرب كاس حليب وجهز لك
سندويشتين ( جام - بناتبتر) علشان الفسحه وماتجي 6:50 اللا انت خالص انطلق للمدرسه

لاحد يقولي ليش تاخذ فطور وياك (لان الوصول الى المقصف في مدرستنا يعتبر جهاد )


اشكرك على تعليقك
تحياتيـ​

-----------------
montaser

لي رجعه لاعلق على ردك بس مافي وقت
عندي مشوار احين
-----------------

 

السلام عليكم ورحمة الله وبركاته
ياخي ذكرتنا بالايام الخوالي
آآآآآآآآآآآآآهههههههههه يازمن
الا ليت الشباب يعود يوما *** فأخبره بما فعل المشيب >>> عدل البيت ولا
ذكرتنا بايام
واحد اثنين ثلاث اربع
واحد اثنين ثلاث اربع
واحد اثنييين ثلاااث قف

تصدق احيانا في الثانويه اتحمس وتشوفني اسوي تمارين من عندي
والطلاب اللي في الطابور يقولون سلامات؟؟ شسالفته هالولد..
وبيني وبينك ترا الدوافير هاليومين اهم اساس الخراب <<< واحد منهم

كلمة دافور نعتبرها مسبه يعني اذا قلت لواحد يالدافور شنك تقوله يالـ ****<< طوووووووط
من باب المزح لا اكثر ولا اقل

وبالنسبه لفصول شريعه عندنا
صحيح ان فيهم بعض البعض من الطلاب العاقلين
ولا في العموم هي فصول لتعليم الفساد يعني الطلاب لك عليهم واجد

وبالنسبه لحركات التأخر الصباحي فهذا الشي طبيعي
وذا مافي تأخر تحس ان شي ناقص في هاليوم

شنك تروح دائره حكوميه وتخلص اوراقك في نفس اليوم
تروح ترجع لهم تقولهم متأكدين مابقا شي
لأن صار حلم من الخيال ان تخلص اوراق حكوميه في يوم وليله

عموما عذروني اذا طولت
لكن الواحد لازم يفضفض اللي في قلبه اشوي

تحياتيـ
سلااااااااااام​

 

هلا والله بعيالي طلاب الثانويه شدوا حيلكم وابشركم كلكم راسبين

مستقبلكم يا طلاب الثانويه


(اوريا = طالب سنه تحضيريه)

 

السلام عليكم ورحمة الله وبركاته

اشوف كابر راسهم طلاب الجبل ==> والدليل هالولد اللي راكب السياره^^

ماشنهم يوم من الايام كانو اوريا
وماشن الاوريا هي الي اسستهم وخلتهم يرقون فوق واخرتها ينكرون الجميل

ايه اخر ايام الدنيا

ولا حد ياخذ كلامي غلط

تحياتيــ​

 

يا شباب بتخلوني اهون عن البترول والسبب كلمة اوريا اخاف بكره امشي والناس يئشرون علي ويقولون هذا اوريا

 

السلام عليكم ورحمة الله وبركاته

شلونك اخوي

شدعوه علشان كلمة اوريا بتهون
واللي بيأشر ولا بيقول هذا اوريا فهذا مرض نفسي في بعض الطلاب
تقليد اعمى - شابف حاله فوق النجوم - منقهر ليش الطلاب كانو يعايرونه اوريا يوم كان طالب اوريا

واللي ازيد من كذا الطلاب اللي يكرهون غيرهم يقول لهم يا اوريا وبعد مايخلص الاوريا يقوم يعاير غيره

وذا انت تبي كلام الناس
ان شاء الله اذا انقبلت رح وقل لهلك ولمدرسينك في الثانويه انك انقبلت في البترول
ماتتخيل شلون فرحهم بيصير ترا البترول شي موبهين
وذا ماتبي كلامي
اسأل مجرب ولا تسأل خبير ( ومو اي مجرب -> اسأل مجرب عاقل )


تحياتيـــ

 

بصراحة سالفة عايرني واعايرك هذي حركات اطفال !!


اذا احد قام يتميلح معك عطه نظرة خله يحس انه ما له موقع في الاعراب خخ


من بكرة بمشي في الساحة واقول لطلاب اولى يا اولى يا صغار خخخ

بيقولون الله اعلم من البزر ههه

 

السلام عليكم ورحمة الله وبركاته

بالنسبه للطابور فهي قناعه ذاتيه

ناس يقولون يفيد وناس لا عموما

خلونا في الاهم متى يجي موعد صدور نتائج الاختبارات

 

السلام عليكم ورحمة الله وبركاته

بالنسبة لحركات اطفال فلا تستغرب شي هاليومين

تشوف ناس كبار ويسوون حركات حتى اللي في اول ابتدائي مايسويها

ماقول اللا الله يصلح الجميع ويهديهم

ها بشرو مافي جديد

تحياتيــ

-------------

 

ههههههههــ .. منظور له مملوح و علامة ملحه النظرة المقدرة للثقل ..

يعطيك العافية أخوي ..

على ما سمعت يا أخوي أنها في أقصى حد بعد عشرة أيام من أخر إختبار ..

و هناك أخبار غير مؤكدة أنها يوم الخميس الجاي ..

لكن يا أخوي ليش مستعجل ..

أنا صراحتاً متشاءم خيراً و متفائل شراً <<<< شكله مصخن شوي ..

متفائل لاني حليت تمام حتى وصلت الى أخر أربع فقرات في القسم الرابع ..

بعدها كبرت 7 مرات <<<<<<< يقصد أنه صلى العيد على ورقة الإختبار و بعد الصلاة عيد ..

و بعدها خرب مزاجي لاني حليتها من راسي بعد ما خلص الوقت ..

و أيضاً في الخامس أخر فقرتين من راسي ..

لكن الحمدلله بعدها تدراكت نفسي .. أما عن الحل بشكل عام الحمدلله تمااام ..

تقبلوا مروري ..

 

ننتظر نتايج القياس

يالله عساها مثل ما نتأمل

<<لو جت نتيجتي ممتازة بتزيد ثقتك في نفسك في الاختبارات

تحس انك مرتاح اكثر وعندك شي بيفيدك

الله يوفقنا واياكم

بديتوا تراجعون؟؟

النفسية يبي لها تعديل بس

والله ضياع الوقت شي اشتكي منه

 

السلام عليكم ورحمة الله وبركاته

الصراحه ياخوك انا اكره شي عندي شي اسمه "" لفظي""
ياخي بهدلونا في وجاوونا 3 قطع وكل وحده اسئلتها اطول منها
انا خلاص مخي تسكر
لانه يايجيك سؤال والاجوبه كلهم يصلحون
او سؤال والاجوبه ولا واحد يصلح

ومن ذاك اليوم انا حاقد على كمن سؤال

في سؤال جا على معنى كلمة ""استهلاك""
الاجوبه غير صريحه يعني تشوف الجواب اللي يتعلق 1% وتختاره

ومثلا هالسؤال احس الاجوبه تصلح
صيدلية : أدوية
أ ) ب) بحر : امواج
ج) ليل : نجوم د) معجم : ألفاظ

طبعا انا والشباب اغلبنا اخترنا ""د""
لكن نفترض لو "د" مو موجوده على طول بنختار "ب" مثلا
عذروني أ نسيتها

ونفس الشي هالسؤال

يَلّذُّ : الطعام
أ) ب) يطيب : المقام
ج) يسوغ : الشراب د ) يحلو : الحديث
طبعا الحيره الكبيره بين "ب" و "د"
لان يلذ يدل على انه يؤكل لكن اصبح لذيذا اكثر ( الزياده في الشيء)
ويسوغ اي انه غير قابل للشرب ومن ثم اصبح قابلا للشرب
فنستبعد هذه الكلمه ( تحول الشيء من النفي الى الاثبات او القبول)

ونفس الشي عذروني ناسي "أ"

---------

عموما ننتظر النتايج على خير
ومو قضية مستعجل لكن شقولك
مافي شي جديد هاليومين اللا انتظار القدرات

---

اشكرك على التعليق

تحياتيـ

سلاااااااام

 

السلام عليكم ورحمة الله وبركاته

إن شاء الله الكل فوق ال 95 خلوكم متفائليين بالخير

والله يوفقنا وإياكم

بيني وبينك انا مافتحت شي
ومالي خلق افتح شي خلاص تعلمنا على اللعب والفراغه وصرنا
من اطلع من المدرسه اقعد على النت الى ماشاء الله
ولاجات 8:30 بديت اذاكر اذا علينا اختبار

النفسيه تعبانه هاليومين عند كل الناس

وضياع الوقت صار شي طبيعي مامداك ترمش بعينك اللا مر أسبوع

بس يلا كل واحد يشد حيله في الاختبارات
وعلى طاري الاختبارات اليوم جابو لنا الجدول وتعرف
ياخذون الدوافير ويخلونهم يطلعون عليه
طبعا لاحظنا ان مثلا
يوم السبت الأول الفتره الاولى فقه والفتره الثانيه رياضيات
ويوم السبت الثاني الفتره الاولى حديث والفتره الثانيه فيزياء
وهكذا الحال على كل يوم فيه ماده علميه مع غيرها
وتدرون لازم العلمي الفتره الاولى علشان مخك متفتح
ونفس الشي تستفيد الوقت الزايد بين الفترتين تذاكر المواد الثانيه
مواد (( بو نقطه)) تدرون لان الاولويه للمواد ((بو 4و6 نقاط))

كنا يم المرشد وقلنا له مايصلح هالكلام قال روحو قولو للمدير
ونروح ونجادل ومنا ومناك الى ان رفعت الجلسه الى غدا الاربعاء الحصه الثانيه او الثالثة
ومانقول اللا الله يعين

عذروني على الاطاله
اللي يشوفني يقول قاعد يكتب يومياته


اشكرك على التعقيب

تحياتيــ للجميع

سلاام

 

السلام عليكم و رحمة الله و بركاااااااااااااااااته ..

يا أخوان ما تحسون أنه بدري الجدول ..

عندنا في مدارس جدة ما يسلمونا الجدول الا في أخر أثنين قبل الإختبارات ..

ههههههههههههههـ .. ما سمعتها الا عندكم المتعارف عليه

أن الفترة ألاولى تكون المادة الأصعب ..

أنا ما يخوفني الا نذالة بعض المدرسين في الأسئلة ..

مدرستنا لو جبت فيها 95 كانكـ جبت 100 يعني جهاد ..

طبعاً هذا يعود الى عدة عوامل خارجة عن إرادتي ..

لكن الله يعين و أحطم الأرقام القياسية فوقها بكثير ..

تقبلوا مروري ..

 

السلام عليكم .........,....’’’’’’’’’’

آسف عــــــــــــــلى الغيبة الطويلة بس وش نسوي الظروف (( حرارة , انفلونزا , وسواس من الاختبارات etc ....... )

على العمــــــــــــــــــــــوم/:/

حطينا جدول الاختبارات قولولي وش رايكم فيـــه:
اول سبت ::: رياضيات + انجليزي << علشان قبلها أيام يمديك للمذاكرة
ثاني سبت ::: كيمياء + نحو << النحو سهل (ثاني ثانوي) بس البلى والله بالكيمياء؟؟؟.!.؟؟؟

وش رايكم ؟؟ من وجهة نظري انه مقبول ومناسب ..,

بس الطلاب اول ماشافوا الجدول معلق....,

ياكثر الدعوات على اللي حط الجدول ((وأنا منهم)) بس هذا الجدول قابل للتغيير وش قلتوا؟؟؟

 

للأسفــ ماتوقعتها منه ـــــــــفففف ؟؟؟؟؟؟؟؟؟

ياشباب انا بقولكم وش صار وقولولي راااايكم مع أعز صديقــ عنديــــــــــــــــــــ ...!...


الســـالفة وما فيها:

سجلت القدرات والحمد لله اختبرت وقدمتـــ فوقــ الممتـــاز ......

صديقي اللي كنت أعتقد انه صديقي والى الحين ماني ماصدق انه سوى الحركة هذي

عطيته سجلي المدني ورقم الاشتراك وقلت شف شيك انت وانا بـشيك من يوم الى يوم اوإذا طلعت النتيجة بشرني وانا بعد اذا طلعت بقولك نتيجتكــ طبعا هو بعد عطاني السجل المدني حقه

وقبل شوي شفت ملفي في قيــــــاس طلع محذووووووووف التسجيل في الاختبار استغربت ولا احد يعرف السجل حقي ورقم الاشتراك الا انا وهو ...

دقيت عليه ابي استفسر بس ..............

والصدمــة الكبرى قاللي بقوة عييييييييين ايه انا حذفت اختبارك ومابيك تاخذ نتيجتك

ان شاء الله تعوض المرة الجايه ضحكت انا احسبه ((يمزح )) قال لا والله من جــد ودبر عمركـــ
ولا عاد تدق على الرقم هذا.......................... وخل ذاك ينفعك : قصده واحد من الشلة .,

وقفل الخط .............. ادق عليه يعطيني مشغووووول

واللي يقهرني اكثر
إن اختبار القدرات كاان سهل واعتقد اني بجيب فوق 90%

ومدري هذا الموضوع مكانه هنا اولا بس والله من القهر ماعرفت وين احطـــه؟؟

فهل هذا يعتبر افضل صدبق للأسف................... وأفيدوني وش اسوي معه؟؟

<<<<<<<<<<<<<
لاتقولون ليه عطيته رقم السجل والاشتراك
بالنسبة لي:/
أعتبره شيء عااااااادي بين وااحد وخويه ومو غلط

 

انت من جدك ولا تستهبل

وبعدين هذا وشو والله لو انه يهودي مايسوي كذا

اقول مالك الا تروح للمرشد وتقوله السالفة او ادخل على الموقع واكتب رسالة للمسؤولين بعدين ترا نظامكم الجديد هذا ما ادري عنه المفروض انهم يعلموني عنه بس ماادري وش سالفتهم <<<< مفكر نفسه مهم >>