تعويض أيام الاجازة

​

 

روحو للمدير كلموه ،، يقولو بكرة عندو اوفيس اور ،،

انا المشكلة دوامي فل بكرة ،،

ياليت الشباب اللي مو مشغولين يروحوله ويفهموه انو عندنا حجووووووزات

 

لا حول ولا قوة الا باللللله

المشكلة اني حاجز ومشتري التكت من زماااان

وغير كدا عندي سفر للخارج

 

مع ترم 102 ... مش حتقدر تغمض عينيك

 

وصلوا الخبر لاعلامي في حدا هالجرايد كودهم يخرشونهم .. مصخوها ترى ..

المفروض جريدة الجامعه تكتب تحقيق طويل عريض عن هالسالفه بدال ترزيز صور السلطان في كل صفحه !!

 

^^عندك سبق


لو فيه احد بيروح للمدير يحاول يقنعه إن الدوام في هاليومين ماله داعي

لأن المناهج بتصير مخلصة..

لأن الدكاترة ضغطونا..


واللابات بتصير فايدتها شوية..

لأن أكيد ما فيه تسليم ريبورتات..ما يمدي يصححونها

ولعل الله يفرجها

 

الصراحة كنت متردد أرد..


جميعنا نفتخر بتميز الجامعة من ناحية المستوى الأكاديمي على مستوى العالم العربي على الأقل..

و كلنا فرحنا لما أخذت الجامعة شهادة abet

لكن هل الأشياء هذي كلها جت من فراغ؟ أكيد لا..

والالتزام بالجدول الأكاديمي هو واحد منها..


عتبي على الجامعة شي واحد وهي انها خلت التعويض على حساب تأخير الاختبارات النهائية

ضاربة بعرض الحائط الطلاب وظروف حجوزهم وماشابه

بالرغم من انه كان يمديهم يعوضونها بيومين خميس

واتوقع لو الجامعة فكرت = ولو لمرة وحدة = تاخذ راي الطلاب عن طريق استبيان

لاجمع نسبة كبيرة على دوام خميسين بدل التأخير وهذا الواضح من الردود هنا..

والصراحة ما أتوقع اخر يومين بيصي فيها شي زي ماتعودنا الصراحة..


بالمناسبة:

أنا تأخر تخرجي الرسمي يومين بسبب هالقرار..
ولكن فيه أشياء مالنا فيها حول ولا قوة..

 

شباب فيه أحد راح كلم المدير؟؟
إذا ايه يا ليت يقول لنا ،، وإذا لا لازم نكلمه ونحاول نقنعه لأن الأمر هذا فيه إضرار لنا...

إلغاء الحجوزات وتأخير السفر وتقصير الإجازة اللي قبل الصيف كلها تضرنا..
هذا غير الاختبارات اللي يوم الجمعة...

طيب ما دامك حطيت اختبارات خميس وجمعة يا اخي خلها دوام يومين خميس وجمعة وخل الاختبارات مثل ما هي
لازم تسبب لنا زحمة وقلق

عادي أداوم الجمعة وتصير الكلاسات من 7 إلى 11 الصبح ومن 2 بعد الظهر إلى الساعة 7 المساء
بدلا من 7 إلى 12 ومن 1 إلى 5 ،، وبعدين يا ليتهم شاوروا وإلا سووا استبانة ،، الله يهديهم بس

شباب تكفون خلوا كلمتنا وحدة لازم يتغير هذا القرار ،، وإذا أصروا على طول كل واحد يراسل جريدة وينقل لهم اللي صار هنا ،، وإلا نرفع برقية للديوان الملكي نقول لهم إن هذا التفاف على الأمر الملكي....

 

^^^
قابلني لو احد داوم
كل مدرس بيقولك هي انا بكون موجود للي عنده اي سؤال
يجي المدرس عشر دقايق مافي ولا طالب كلن يرجع غرفته ولا احد خالف شي

السيناريو نفسه آخر يومين داوم كل ترم

 

^^

ما يخالف وأصلا سوينا ميك أب من قبل الإجازة وداومنا في بريك الغداء وداومنا بالمساء

ومع هذا كله ،، إلا نتأخر يومين ونعدل حجوزاتنا وتقل أيام إجازتنا

 

بس بدع الي خلى اختبار الإسلامي يوم الجمعة الساعة 5
هل يبينا نراجع في خطبة الجمعة مثلا

 

فيه ناس يطلعون من اختبار العربي 10 إلا ربع الصباح يعني على الجامع على طوووول

وفيه ناس يبدا اختبارهم الاسلامي 3 و 45 دقيقة العصر !!

 

و كالعاده ,, نجلس نجتمع نتكلم هنا بدون فائدة

شباب , الوضع صراحه غير مقبول و الجامعه تأخّرت ,, يا ليت نتّفق على حلّ نكلم فيه الجامعه !! لسا باقي وقت تعدل كلش زي زمان !

فيه ناس مخططين للإجازة الصيفيه من أول يوم , لأن وراهم سفر و ترم صيف ! مو مقبول هالحكي أبداً !

 

الحل الوحيد يآجمآعة الخير سهل جدآ ..

نسوي خطآب موجه منآ نحن الطلآب إلى الدكتور خآلد السلطآن وبأذن الله مآنرجع خآئبين

وأرشح مديرنآ مهندس صنآعي يقوم بـ مقآبلة المدير نظرا لحنكته وكبر سنه وتسذآ

 

المسؤول عن الاختبارات يوم فكر بهالتعديل مافكر قبلها بالطلاب وحجوزات الطلاب وارتباطاتهم
يعني مايدري ان الانسان المنظم او المجتمع او الجامعه المنظمه " على قولهم" المفروض يكون لها جدول زمني يتحدد من شهور
حتى لو صار تعديل او خلل المفروض يعلن قبل وقت كافي
فيه ناس حاجزين من شهرين وثلاث شهور وبالقوه يلقون حجز
تجي الجامعه بيوم وليله وتغير كل ترتيب الاختبارات
ودي اتناقش مع الشخص " الذكي" اللي فكر بهالقرار, هل حط في باله انه يمكن يضر الطلاب ؟
ولا الجامعه مافكرت بمصلحة اهم جزء في تركيبها وكيانها اللي هم الطلاب
اذا قرارات مثل هل ضد مصلحة الطالب وتخليه يكره اليوم اللي دخل فيه الجامعه
هل كل هذا مايهم الجامعه او اكبر هم للجامعه ان يصير ترتيبنا احسن من جامعه الملك سعود ؟
المشكله حتى سالفه ان جامعتنا افضل واللي مفتخرين فيها وتطلع قرارت ضدنا لهذا السبب ماصارت تنفع
والدليل اكبر الشركات صارت تهتم بالمعدل اكثر من اسم الجامعه
طيب كيف يرتفع المعدل وانافس طلاب الجامعات الثانيه اذا كانت كل قرارتكم ياطويلين العمر ضدنا !

 

والله كلنا مقهورين ،، بس ايش نسوي ..