الخوف من جامعة البترول ...

^^
شوف يااخوي اذا قبلت الجامعه فأنت قدها ان شاء الله.. وخذ تجربتي مثال
انا كنت مثلك واكثر..خايف خوف الله يعلم فيه وتخرجت من السمستر الاول بمرتبة الشرف ولله الحمد والمنه..وصدقني صدقني صدقني لولا الخوف ماجبت مرتبة الشرف
فمادام الخوف يتنابك فأبشرك امورك بالسليم ان شاء الله
طبعا الحين معدلي حول 2.5 ..لان الخوف زال...!

لو بيدي ليت كل السنوات سنه تحضيريه
الله يوفقك

 

هذه هو المرض بذاته


اسمع اخوي ... اذا تم قبولك في جامعة فهد خلاص انت قدها وقدوووود
ترى الجامعه مش بذاك الخوف والرعب اللي مسوينها عيال الثانويه ...

بس اذا كانت انقليزيتك كويسه فأمورك كلها احلى من العسل ....

والله يوفقك اخوي وتدخل الجامعه وتتخرج منها بأحلى الدرجات ...

============

اسمك فله .<<<< ما يعرف قصدي إلا اوريات 2010​

 

المواضيع اللي قريتها عن صعوبة الجامعة وتعقيدها للطلاب ،، ماهي الا ردة فعل من بعض الطلاب المهملين

" ما يمدح السوق خاسر "

الطلاب المهملين والمتهاونين يصبون غضبهم على الجامعة ويتذمرون بالصعووبة
قل ما تجد طالب يعترف باهماله وتقصيره بواجباته تجاه الجامعة

بالنسبة للطلاب المتفوقين بالثانوي ،، ترى كل الطلاب يكونون في مستوى واحد في أول يوم بالجامعة
لا فرق بين صاحب المركز الاول على المملكة بالثانوي وبين واحد قبل في الجامعة على الحافة

اغلب الطلاب المتفوقين في مرحلة الثانوي يجيهم بعض الغرور ، ويثق بقدراته الدراسية فوق اللزوم
والثقة هذي ما تفيده ابدا ، وتسبب له تعثر في الدراسة الجامعية ومن ثم الطرد
وانت عارف نظام الجامعة يختلف عن نظام الثانوي من ناحية المناهج وطرق المذاكرة والدوام والاختبارات

انت بتجي وتقول انك تعرف طلاب متميزين بالثانوي ثم طردوا من الجامعة ،
انا بأقولك / انت ماتدري ايش الظروف اللي مرت عليهم بالجامعة ، هل كانوا يذاكرون ؟ هل كانوا مهتمين ؟

اعرف طلاب من الجامعة يجي يذاكر للنهائي قبل 4 ساعات من الاختبار ، ثم يرسب ، ويحط اللوم على الدكاترة وعلى صعوبة الجامعة

اعيد وأكرر ، أكثر اصحاب المواضيع المثبطة يتعذرون بصعوبة الجامعة لتغطية اهمالهم وتقصيرهم

موفق أخوي شرقاوي 98

 

الانجليزي في السنة التحضيرية يتم تدريسه بطريقة تجعل الطالب ينمي كل مهاراته الانجليزية من استماع وقراءة وكتابة وحتى التحدث

بعد التحضيرية ، ان شاء الله تكون مستعد للتكلم مع اي مدرس أجنبي والتفاهم معه بآي موضوع

الرياضيات ، مواضيعها سهلة من مناهج أول ثانوي ويمكن من مناهج المتوسط ،، مسألة وقت وتتعود على الرياضيات بالانجليزي

صعوبة الرياضيات تواجه الطلاب اللي ما يذاكرون اول بأول ،، تتراكم المواضيع عليهم ، واذا جا وقت الاختبار تعصب المذاكرة

والاختبار يركز على مدى فهم الطالب ،، هو 20 سؤال اختيارات ،، 3 اختيارات منها غالبا ما أحد يحلها الا واحد فاااهم
الباقي في يد أي طالب مذاكر مذاكرة جادة

 

الجامعة ليست صعبة لكنها تحتاج الى جهد وجهد كبير.. خذها من خريج وما راح اقولك انها سهله وماراح اقولك صعبة.. في كل مؤسسة تعليميه اللي بيجتهد راح يحصل وهذا هو الحال في البترول.. لكن مشكلة البترول الكبرى - وهي اللي واجهتها خلال سنواتي الماضية هو التنافس الشديد بين الطلاب وهذي هي متعة الجامعة فكلها طلاب مميزين الا ما ندر

 

صراحة اللي يقولك سهلة يضحك عليك .. واللي يقول انها صعبة ومستحيلة بعد مو صحيح ...
الجامعة لو تذاكر أول بأول بتكون عادية وسهلة ..
لكن لو تراكم الأيام على بعض وتجي تذاكر .. الله يعينك وقتها .. وقتها بتقول والله كلامهم كان صح إن الجامعة صعبة ..
إذا بتدخلها لازم تذاكر اول بأول .. وفالك التوفيق ^^

 

زي ماسمعت عن طلاب انطردو من الجامعه او سحبو

ليه ماسمعت عن الاف الطلاب اتخرجو وبمراتب شرف

عاد راج نفسك شوف وش اللي يمنعك انك تكون مثلهم ... كلهم الله عطاهم عقل واحد بس

والله يوفقك لما فيه الخير لك

 

شوف السنة التحضيريه من وجهة نظري 50 %اجتهادك + 50 %حظك
اما السنوات اللي بعدها فانت واجتهادك 100%

 

خخخخخخخخخخخخخخخخ

ياخي بقلك شي حطو حلقه في اذنك

في اي مكان في العالم اي مكان في العالم لو اقوى جامعه في العالم .. تجتهد !!! تمشي

افهم يا فهيم وما يحتاج اكلمك اكثر من كذا

سلام

 

تبي تصنع إنجاز لنفسك
قاوم التحديات وواجه العراقيل
ولا تتراجع في التقدم وتثني قرارك بسبتهم

لا تحسبن المجد تمرا أنت آكله
لن تبلغ المجد حتى تلعق الصبرا

 

أخوي شرقآوي ترى هذا الخوف اللي يجيك شي طبيعـي \ وانا كنت مثلـك " كان عندي تساؤل ببالي دايم : شلون بفهم انقليزي !!؟ " كنت احسه شي شبه مستحيل إني اتعلم هاللغـة وافهممها ! لأني تخرجت من الثانويـة وانا ماعرف أركب جملـة على بعضضضهآ !
ولكن شديت حيلي بالسنة التحضيرية + شوية جرأة يبيلك واعتقد السنة التحضيرين كل الطلاب فلـة وروحهم واخلاقهم عآليـة من ناحية الكلاسات " يعني بالذات كلاس الإنقلش تحسه نقآهـة " تجي تسولف مع المدرسسين وتضضحك ويشرحون لك شوي وهكذا راح تكتسب اللغة بطريقة حححلوه

وانا الحين قريب اتخرج من الجامعة بمرتبـة شـرررف مع العلم بدايتي بالجامعـة كان فيها شوي خخخوف ورهبة يعني مممثل حالتـك تقريبأ

اما بالنسبة للماث فالصعوبة تكمممن في الوقـت في الإختبار " دائما يكون الوقت ضضضيق " يبيلك تكون سريع في حلـك وبالذات إن الأسئلـة ماتجيك مباشرة مثل اللي بالكتآب " تجيك فيها لفـة ودورة بسسيطة "

بالنهاية هي تعتمد عليـك صدقني " على قد ماتجتهد على قد ماتاخذ " مافيه ذذذكي وغبي بالجامعة تقريبا مستوياتنا متقاربـة إلى حد مآ ، والفرق يبقى فـي الإجتهاد

بالتوفيق وإن شاء الله إني أفدتـك

 

شوف يا أخوي أنا عارف حالتك زين ومار فيها من قبل
أنا عندي أربعه من أقربائي دخلوا الجامعه قبلي واللي تخرج منهم بس واحد..أما الثلاثه اثنين منهم ماعدوا التحضيريه وواحد منهم الحين خريج بكلوريوس هندسه من كلية الجبيل والثالث عدا التحضيريه ولا تحمل الجبل وطلع وراح أرامكوا...طبعا هذا كله عرفته قبل لا ادخل الجامعه والناس كلها تكلمني عن الجامعه وصعوبتها وفي ناس واجد تنطرد منها والى اخره....
نرجع لموضوعنا
طبعا هاذا الشي خوفني من الجامعه أكثر بس زاد حرصي على اني أعطي الجامعه وقتي وأهتم بدراستي فيها..بس الحين بعد سنتين من الدراسه في الجامعه أقول لك وبكل صراحه الجامعه والله ماهي بنص الصعوبه اللي الناس مصورتنها لك كل اللي تحتاجه الجامعه هي اللغه اللي ما تجي الا من الممارسه لها...وأما المواد العلميه كل اللي تحتاجه انها تذاكر لها أول بأول وراح تمشيها وتجيب فيها قريدات مثل الحلاوه..
تقبل مروري والله يوفقك ونشوفك معانا

 

اذا انت تتحمل الكرف والتعب واهم شي تكووون انسااان صبوووور ولا تياس


توكل على الله

 

باختصار

في الجامعة قد ما تعطي قد ما تاخذ

وأغلب اللي يسبون الجامعة في نظري انهم من الطلاب اللي ما تعودوا انهم يذاكرون ويكرفون

وما يعطون الدروس حقها..

فتلقا اللي يسرب منهم في مادة يقول الدكتور رسبني..ما يقول انا ما ذاكرت ولا استعديت صح..

استخير ربك..وبالتوفيق

 

شوف انا ما راح اقولك أن الجامعه سهله و أحسن جامعه في العالم هي فيها بعض الأستقعاد و الصعوبه القليله أ بس مع كل عيوبها أحمد ربي أني أنقبلت فيها لأن تحس جامعتنا فيها شي غير تخليك تحبها

و بالنسبه للمواد أنا أقولك ترى هي مو صعبه و مثل ما قالولك الشباب لا تكون من اللي ما يذاكرون و يقولون الماده صعبه و لا الدكتور رسبني و يمكن تكون المواد غثيثه شوي في الفريشمن بس من تبدأ مواد التخصص راح تكون سهالات و أهم شي أنك تكون قدها و تبدأ صح و الله يوفقك و نشوفك تطامر من مبنى إلى مبنى

 

أغلب كلاآآم الشبآآب صحيح ...

الجآآمعة زي مآآ قآآل أبو سعود ... قد مآآ تعطيهآآ .. قد مآآ تعطيك

بالتوفيق

 

بعطيك تجربتي الشخصية

لاتسمع كلام احد

كل شخص له طريقة معينة بالمذاكرة

ناس تقولك هالكورس سهل وهو العكس

وناس تقول صعب وهو العكس

انت شد حيلك قد ماتقدر

وصدقني لو تراجع باستمرار وتحل الهومروك والاولد اكزام

مابتنزل عن b+

لكن مشكلتنا نتخوف من الشيء قبل مانبدأ

ولذلك القلق الزائد مشكلة من مشاكل الطلاب اللي ادت لهبوط مستواهم