موظف الإسكان دخل علي وأنا شبه عاري بدون استئذان!!

انا اقول لا يردك الا ســـبــــق

 

لا يردك إلا صحيفة

سبق

 

اجل لا يردك الا سبق الا والله لا يردك الا صابره دق خشمه الين يلعن الشيطان قال ايش قال سبق هذا اعتبره ضعف ولو انا مكانك ما يبرد حرتي الا صااااااااااااااااااااااااااااااااابره (وجهه)

 

يا اخوان اعطوا سداح فرصة

اخوي اقترح عليك تستخدم هذا القسم قسم الشكاوى والملاحظات الشخصية .. وتشرح المشكلة بالتفصيل لمدير الجامعة وتنتظر الرد .. واضعف الايمان المدير يعطيك موعد حتى تقابله .. (احسن من انك تروح وتتعب نفسك على الفاضي )


ومنها يكون اختبار حقيقي لجدوى هذا القسم .. بلغنا باللي يصير معك لو بطرق غير مباشرة

 

اسمعني ياخووي تراني جمعت لك تسعة من الشباب
اذا ما قدرت تاخذ حقك كلمني ع الخاص بس وما عليك

 

مع احترامي لك صاحب الموضوع يوم وعدوك السبت ...
الغالب انها جرجره مواعيد الين تهدى ,,

 

كفو والله... وانا معاهم العاشر... اي فزعة حاضر...

 

ديرتكم مخيسه طبيعي جدا يصير لك كذا ..

 

الله يكتب لك اللي فيه الخير ..

بس لا تسكت لين تآخذ رد اعتبار .. من جد فيه واحد من موظفين الاسكان شين وقوي عين ..

لازم يحترمون أصحاب الغرف .. أقلها يستأذن ويدخل بعدها لا الغرفة ولا اللي بداخلها بيطيرون ..

 

لا تسكت عن حقك
يا اخي مدري من وين ذولي جايبين هل بجاحة مره واحد طق علي الباب قلتله لحظة عشان البس الثوب
المهم يوم فتحت قال بكل احتقار ماشاء الله بيتك هو تقول لحظة

 

أستغرب حقيقة منكم كطلاب جامعيين في جامعة يقال انها جامعة راقية جداً نظرا الى المحيط بها
هذا الكلام السوقي

تصرف الموظف لايرضاه أي انسان حر ولا أظن ان اصغر مسؤول في الجامعة يرضاه على عامل سراكو فما بالك بطالب في الجامعة وهو أخطأ أنا متأكد << وتذكر كلمتي هذي] أنك ستأخذ حقك وأكثر من هذا الموظف


شباب هدوا اللعب الله يرضى عليكم

 

يفتح الله أقول

ما هيب أول مرة نتعامل مع إدارات الجامعة
والشغلة معروفة يماطلوا ويمددوا إلين تنسى الموضوع أو تتملل




قال تآخذ حقك قال

 

^^^^^^^^^^
هذي تبعات القرار العقيم بمنع فصل الموظف السعودي

 

أنا مع التشهيييير
طبعا بعد ما تقعد قعدة مع سعادة المدير مع اللعب على وتر الإعلام,,
حل آخر أعتقد الشباب العشرة موجودين,,

من غير فلسفة وفصلة مخ وتعامل راقي قال
جربوا شوي ألوان العين تحت الحمراء وفوق البنفسجية

 

سجلت دخول فقط عشان اقولك يا طوووووول صبرررك ..
مايحق لاي احد يدخل عليك بدون استأذان .,,
مدري كيف مسكت نفسك ..
اهنيك على الصبر هذا

 

فيه شي حبيت أقوله لصاحب الموضوع ...

لا تتنازل عن حقك و لو قالوا لك اللي يقولوا ، تدري ليش ؟
نفرض ان مدير الأمن أو نفس اللي دخل عليك قال سامحني و خلاص و سامحته تدري ايش بيصير ؟

راح تتكرر الحالة ، حلو ، لو قلنا إنك طالبت بعقابه ، راح يعاقبونه و بتنتشر السالفة ذي عند الأمن و الطلاب على حدٍ سواء

و النتيجة :

الطلاب راح يصيرون أشجع إذا صار استهبال من الأمن و راح يطالب بحقّه
الأمن راح يحسب ألف حساب قبل ما يحاول يتمنذل أ،و شي من هالقبيل


همسة أخيرة : شوف لما ما صرنا نطبق حد السرقة ، صارت السرقات على ريال

 

يجي منك يا طلاب جامعتنا
الله يبيض وجوهكم
كلكم فزعة على الرجال
إنتوا فخر لنا

صراحة ما توقعت هذا التفاعل مع الرجال

 

التصرف الامثل من الموظف... على ان الغرفه فاضيه كالتالي
يطق الباب ( فيه نعول اكرمكم الله عند الباب ) .. ما احد فتح يفتح الباب ( على ان الغرفه فاضيه مو مسجله باسم احد )... بيلقى اخينا نايم وفي وضح لازم يعطيه بعض الخصوصيه ... الموظف ينتظر عند الباب الين ما يجيه صاحبنا.. ويعطيه الاي دي ويفهمه انه مخطي .. وتنتهي المشكله ...
بالنسبه لتصرف الموظف ما يطلع عن شيئين ..
1- يا انه ابله وغبي ما يفهم.. دلخ جحا ما يعرف يتصرف.. مدرعم على وجهه .. فاهم غلط
2- يا انه يستخف فينا كـ طلاب .. يعني طالب = ما عندك احد .. وهنا تكمن المشكله العظمى ( من امن العقوبه اساء الادب )

بالنسبه لتصرفك اخوي ... اذكرك بالحديث الشريف (( ليس الشديد بالصرعه... الخ )).. اترك اللي يقول اضربه وما ادري ايش ..
انت تعاملت مع الموقف بعقلانيه .. تفاديا للمشاكل والمتاهات..
الموظف اخطأ عليك.. وان شاء الله بتأخذ حقك
فيه لوائح وعقوبات تطرح علينا كـ طلاب اذا اخطئنا ... لكن ... الموظفين هل فيه لوائح وعقوبات اذا اخطئوا مثل هذا الخطأ..

 

ما ضاع حق وراه مطالب
و انت صاحب حق
خليك وراه الين يجيك
و كلنا معك