أوريا جبل -متحطم-

عليكم السلام

يمديك ترفع معدلك. توك ببداية الفرشمان.
استفيد من اخطاءك وحاول تعدلها بالسمسترات الجاية.

بالنسبة لي اشوف الكيمياء اصعب من الماث. يعني توقع ان درجة الكيمياء تكون انزل من الماث.

درجة الميجر الثاني كويسة. والماث الميجر الثاني يكون الافرج انزل من ميجر 1.

لاتقلق ولاشيء، ركز الحين على ماتبقى من السمستر والفاينلات وشد حيلك.

بالتوفيق لك.

 

ترم 142 كانت درجاتي مثلك وطلعت ب قريد كويس ...المهم شد حيلك قريدك يعتمد عالفاينل بشكل كبير حاوول ترككز عليه مع عدم اهمال الماث يمديك تعدي
بالتووفيق

 

شوف ياطويل العمر انا اخذت phy101 الترم الماضي اللي هي اصعب من الكيمستري
جا الميجر الاول وكنت مستعد مثلك وجبت درجة سيئة مع انه ميجر كان سهل جدا لدرجة الافرج كان 12 من 15
جا الميجر الثاني والثالث واستعديت لهم استعداد اكبر وحليت اولد اكزامز لين قلت امين جبت فوق الافرج بس ماكانت الدرجات اللي تستاهل هالمجهود.
قعدت مع نفسي وعرفت ان مشكلتي مرات اقعد احفظ ما افهم يعني اذا مر علي سؤال او كونسبت مافهمته احفظه.
سويت العكس مع ماتريل الفاينل قعدت افهم واذا دقر معي شي اقعد عليه لو اسبوع عشان افهمه، وبعدين قعدت اراجع الاشياء اللي ماكنت فاهمها في المياجر الاولى
وجا الفاينل ولله الحمد 24/25 وطلعت بA على الحفه
فلذلك اقعد مع نفسك وشوف وش كانت اغلاطك وحاول تعدلها وان شاءالله تمشي امورك
موفق

 

قبل ما أبدا بسالفة المياجر أشوف في شغله الشباب مانبهوك عليه

Chemist is not the same as Chemical Engineer

حسب كلامك أنت تميل للـ Chemist و بتدخل Chemical Engineer ، أنصحك بأسرع وقت تبحث كامل عن التخصصين وتشوفهم بالتفاصيل المملة لأن فيه فرق شاسع ، وتشوف أي واحد أنت يصلح لك ، غلطة التخصص راح تكون أكبر من غلطة مياجر


بالنسبة حق المياجر ، واضح أنه في شي في طريقة المذاكرة يخليك تظن أنك جاهز بس أنت لا، تحل أولد أقزامز كفاية وتخلي في بالك كل trick تمر عليها ؟ بالعادة ( خاصة الماث) يكون فيه 5 إلى 6 تركات ، جزء منهم نسخ لصق من مياجر قديمة ، وجزء منهم تريك جديدة بس مو صعبة ، ووحدة أو ثنتين ترك صعبه جدا عشان عيال الـ A+ ، إذا ممكن تقول لنا طريقة مذاكرتك عشان نحاول نشوف الاخطاء


ولا تخاف يالخوي ، توك في بداية المشوار ، لكن في نفس الوقت تدراك الوضع في أسرع وقت

 

انا بديت الفرشمن ب C في phy101&chem101, و C+ in math101, اول معدل لي 2.4
والحين انا جونيور ومعدلي فوق 3 (الحمدلله), موضوع انك ترفع المعدل مب صعبه اذا عرفت لنفسك
مافيه سبب انك تتحطم من الحين, توك بادي الجامعه

 

يا أخي العزيز خذها من واحد بدع في كل كورسات الماث "وجاب العيد في باقي المواد "

ماث 101 وماث 102 مواد تعتمد على الفهم وليس الحفظ ،اذا بتقعد تحفظ طريقة الحل بدون فهم فأنت جالس تضيع وقتك ،والفهم عندك بيزيد مع كثرة حل المسائل ،لا تبدأ بحل الاولد اقزامز قبل ما تحل شوية "odd questions+examples"من الكتاب وتكون مختارة بعناية بحيث انه مستواها يكون عالي ،مافي مشكلة انك تقرأ الاكزامبلز ولو أني أفضل انك تحلها ،لكن الodd questions حلها ولا تقراها.

بعدها ابدأ في الاولد اقزامز على الأقل ثلاثة ،وانتبه ثم انتبه انك تقراه قراية ،لا تشوف الحل وحاول قد ما تستطيع انك تحله،يعني تخيل انك في امتحان وغصبا عليك بتحله ومافي احد يعلمك ايش تسوي ،اذا استسلمت بسرعة وقريته من البداية فاسمح لي انت تضيع وقتك ولا تذكر اولد اقزامز من الاساس.

ودي انصحك بالكيمياء ،بس كنت جايب فيها العيد اكثر منك ،فالشباب يفيدونك .

 

موضوع انك مخبص في الكيمياء وزعلان لأنك بتخصص هندسة كيميائية يضحكني شوي لأني كنت زيك هههههههههههه، انا خلصت 4 مواد كيمياء وحاليا اخذ الخامسة وكلهم بلا استثناء ما أديت بشكل ممتاز فيهم بالعكس حسابيا نزلوا معدلي ومع هذا ما أثروا على فهم التخصص أو درجاتي فيه مطلقا

 

السلام عليكم
يعلم الله اني ما سجلت في المنتدى الا عشان ارد على موضوعك
لاني حسيت انك فاهم بعض الامور بشكل خاطئ
بأوضح لك شغلة بخصوص المعدل
مثل ما هو واضح انك اوريا وهذا يعني انك ماخذ كميستري فقط
لو تجيب اي قريد بالكميستري سواء كان قريد عالي او نازل بالنهاية
المادة عليها 4 ساعات و الباقي اكثر من 100 ساعة
انت متوقع بعد ما تاخذ قريد متدني بالكميستري راح تتعب برفع المعدل ؟!!
اكيد لا

أما بالنسبة للموضوع الاهم وهو انك خايف من انك تجيب d+
فأعتقد من درجاتك انك بنسبة 90 % فوق ال d+
نجي للـc ممكن تاخذها اذا خبصت بالفاينل

للكن تخيل معي انك شديت حيلك وبدعت بالفاينل
ما اقول لك بدع لدرجة الفل مارك لا
قل مثلا لو تجيب 70 راح تطلع بـb بإذن لله

نجي للغة الارقام
توزيع درجات الكميستري كالتاالي :
الميجر الاول : 60 نقطة
الميجر الثاني 60 نقطة
اللاب 100
الفاينل 100
الكوزات 60
الحضور 10
الهومورك 10

لو قلنا انك بالفاينل جبت 70
واللاب 73 و الكوزات 42

راح تكون جمعت 270.5


تقريبا b بالسمسترات الماضية

يعنبي اول معدل لك بيكون 3 من 4

الخلاصة :
درجاتك ما هي سيئة بالسوء اللي انت تتوقعة
+ لو تشد حيلك بالفاينل صدقني بتطلع بb بإذن الله

كلامي هذا اتمنى انه يكون دافع لك انك تشد حيلك

الله يوفقك ويسعدك

اسف جدا على الاطالة

 

لا تستعجل وتحذف الترم
انا اخذ الكميستري الترم اللي راح وسبب لي اكتئاب وجعل كل درجاتي تنقص لانه احبط عزيمتي
انا جبت في الميجر الاول 55*
اما الميجر الثاني فكانت المصيبة العظمى جبت 25
كنت اقل درجة في السكشن اللي فيه ويمكن اللي في الكورس كامل
كنت ناوي احذف المادة لاني قلت ما في فايدة وعشان اركز على باقي المواد لكن استمر على الرغم اني مؤمن اني ما بنجح
واستمريت وبعدها اخذت في الفاينل يمكن 50 والحمد لله طلعت ب c
فلا تستسلم ابدا واذا بدعت في الفاينل عادي بسهولة تجيب bاو يمكن b+

 

يا غالي

انا في ترم 141 نزلت كيمستري و جبت في الميجر الاول 35 و الميجر الثاني 45 و الفاينل جبت العيييييييييييد

طلعت بـc ولله الحمد

يعني شوف انت افضل بكثيييير مني يمديك تطلع بـc+ او b

استمر وفالك الاونر ان شاء الله