إلى المسؤولين عن الصحة والسلامة بالجامعة أنقذونا من المدخنين

تراكم اشغلتووووووووونا

المدخنين والمدخنين

ترا المدخنين كائنات اليفه ولا تاكل احد !

هذي اسمها حريه شخصيه وكل واحد حر بتصرفه ومسؤول عنه ...

خلكـ بعمركـ وشوف ايش فيه اخطاء وعادات سيئه بحياتكـ وحاول تعدلها ...

والله تحسسوني ان الدخان هذا اكبر خطيئه و خطر كبير يداهم الجامعه ... وان غير المدخنين ناس معصومين ولا يخطون ابد !

 

..... مستر " سعيد موسى " تبغى تدخن ..؟؟ .... شي راجعلك ....

... المسألة هيا الدخان .... " كتمنا " ... ليس إلا .......

..... فياليت لو تراعوا " اخشامنا " .....

* ملاحظة / تراعوا : المدخنين .
_اخشامنا : غير المدخنين .

 

لا تعليق !! لهالدرجة متضررين من الدخان ؟

 

إي والله ياليت المسؤولين يشوفون لنا حل خاصه في السكن

لان الغرف قريبه من بعض والعماره مكتومه .. يعني أي واحد يدخن راح "يعفن" السيب كامل

و اليوم تطور الوضع و صرت أشم ريحة شيشه

أكيد أخوي هذه حريه شخصيه و كل واحد مسؤول عن نفسه .. لكن لا تؤذي غيرك

 

اخوي مهندس ترا هذا الموضوع الالف يلي انطرح
و بعدين لو بغيت تنصح مو كذا " بسرعة الانقاذ لنا من المدخنين "" حشا هم وحوش مو بني آدم
"الطلاب المدخنين ما يستحون ولا يحترمون"
و بعدين اصلا اغلبهم لما يبغون يدخنون يطلعون برا و عمري ما شفت احد قاعد يدخن داخل المباني الاكادميه الا دكتور واحد الله يستر عليه يدخن في مكتبه.

ترا اغلب المدخنين عارفين انهم زاعجينكم بس صدقني مو عن قصد
اما هذولا يلي يدخن ولا معتبر احد فهم حالة شاذه يبغالهم يشوفون لهم حل

 

إذا كان التدخين من حقك فمن حقي ان استنشق هواء نقي

 

بالاضافة : التعميم مو حلو أخوي مهندس ، انت حالياً عممت على كل المدخنين وتحتاج الإنقاذ من الجميـع ؟

 

من حدود الحريه عدم التعدي على الآخرين ..
إذا كنت بدخل مبنى أو طالع من مبنى فما أشوف إنه من حق أي إنسان إنه يزعجني بريحة دخانه وتعلق الريحه بملابسي ..
مشكلتكم تسمعون بالحريه وكل شي تعتبرونه من الحريه !!
الانسان حر بتصرفاته اللي ما تأثر على شخص ثاني .. أما إذا كان لها أي تأثير ولو بسيط فما له حق بالتصرف ..
فيه قيود للحريه اللي تسمعون فيها .. ولازم تعرفونها مثل ما تزعجوننا بالحريه ..



​

 

أؤيد موقف جامعة الملك سعود

وان شاء الله ما نشوف ولا مدخن بالجامعة وكلهم يتركونه

:.:

saleh ali ,, تراك مقروع هع

 

يا اخوي دخن لين تحترق بس لا تدخن ع درج 59

ولا عند ابواب المباني

يعني فيه ناس محترمين تشوفه يطلع بعيد ويدخن ويرجع بعضهم اعوذ بالله

الله لا يساامح من استنشقت دخاانه والله يا شباااب مؤذي بشكل مو طبيعي خصوصا اللي يعانون من امراض صدريه

 

حبايبنا المدخنين من حقكم تدخنون
لكن فضلا ورجاءا لا تدخنون عند ابواب المباني الاكاديمية ولا جوا العماير
فيه ناس تجيها صداع يروح يومه كله ضايع منسدح على السرير من الصداع مثلي
وفيه ناس فيها ربو ( انا ما فيني ربو بس يجيني ضيق بالتنفس اذا شميت الدخان )

طبعا اناقش العاقلين

لكن فيه ناس ما تستحي ويجي يدخل الحمام الله يكرمكم بالعماير ومعاه ببسي ويدخن واعتقد معاه جريدة ويروق بالحمام !
ولا وهو يتروش يدخن ويرمي باقي الدخان على الارض
والحمدلله مدري منهو هالشخص ما جا الا مرتين او ثلاث بس الحين اختفى وافتكينا من شره

 

ما اقول الا الله يهدي عباده .. مدخن و غير مدخن ..


و للمدخنين هل ترضى بأن يضايقك احد بأي رائحه سيئه ...؟

 

هذا كله كوم و اللي يدخن و يقضي حاجته في الحمام كوم ثاني


قمة البجاحة و الحقارة في اللي يدخن في دورة المياه

و فوق كذا ينثر رماده في دورة المياه


أقسم بالله الحيوانات أنظف منهم

الله يهديهم بس ...

 

لا أسمح بالتدخين في غرفتي ولكن اعلم ان المدخنين ليس لديهم كامل الخيار بالتدخين او عدمه ...
لذالك اتفهم وضع المدخنين في حين ينقطع نفسي عندما اكون مع مدخن

(^_^) No No No !!!

 

ياخوي طيب اللي يدخن بعيد عن ابواب المباني الاكاديمية ومحترم نفسه ولا يضايق احد وش ذنبه ينقفط ويغرم ويلعن ابو جدفه .. يعني لو بدخن لازم اطلع الحرم الجامعي عشان ادخن ثم ارجع .. هاذي ظلم وماعندي الا عشر دقايق بين الكلاسات وما اقدر اتحمل الين اخلص دوامي عشان ادخن وباكثر الايام راح يزيد الضغط النفسي عندي ويضيق خلقي واسحب على بعض الكلاسات واتدهور وراح يتدنى مستوى كثير من الطلبة المدخنين مهو بس انا وراح يقل ترتيب الجامعة العالمي بسبب تدني الدرجات ..كله عشان تستنشق هواء لمسافة لا تتجاوز عشرة امتار امام المباني الاكاديمية .. ياخي الله لايهينك سد خشمك بشماغك الين تدخل المبنى بعدها أطلق لخشمك العنان باستنشاق كميات وفيرة من الهواء المصفى من الدخان .. ترا الدين يسر .. واذا بغيت تقطع عادة سيئة من المجتمع المحيط بك لازم بالتدريج مهو دغري .. بعدين يصير عليك اضراب عن الطعام ويتطور الى انقلاب واعمال شغب ههههههه تندد بالاطاحة بك ..

اما اللي بالعماير عاد بكيفهم .. لو تبي تطالب طالب بانهم يمنعونه عن السكن مو المباني الاكاديمية << ساكن برا خ خ خ


هاذي وجهة نظري .. وتحياتي للجميع