إلى متى يا مدير الجامعة !!!

التوفل وما ادراك ما التوفل ..

الاستاذ البديوي هو المسؤول الاول والاخير عن هذا الموضوع وهو المسؤول عن القرارات المتخبطة والمتناقضة ..

قبل الصيفي كان يقول اذا اخذتوا التوفل وما عديتوه نعطيكم nf ولا نطالبكم بأي شئ آخر ولن نستمر بمطاردتكم نهائيا ولك الحق بإحضار شهادة توفل خارجية وسوف يتم تسجيل np قبل التخرج..

انتهي الصيفي وما حضرت للتوفل بسبب ضغط الدوام وحصلت علي nf ولكن المفاجأة هي انه ارسل رسالة بوجوب تسجيل الكورس وإلا سوف يتم
حذف إحدي الكورسات وإبداله بالتوفل ..

انا طالب هندسة كيميائية وببدأ بمواد التخصص والان انا سفمور وما زال التوفل يطاردني .. إلي متي ؟؟!

دوامي من الساعه 7 ويستمر 6 ساعات ويطلب مني ان احضر التوفل الي الساعه 5 مغرب !!

اسألك بالله يا مديري اترضي بهذا ؟؟!

كيف تريد مني ان احصل علميا وانت اتفوق وهذا وضعي يوميا !

مديري العزيز ..

نعلم ونثق بأنك مع الطالب وتقف في صفه اذا كان معه الحق انصفنا فنحن من مسؤوليتك وفي رقبتك ..

نطلب منك ان تلغي حصص التوفل فهي هدر للوقت وللمال ..
ونطلب منك إجراء اختبار للتوفل بداية السنة الدراسية فمن يجتازه يسقط عنه التوفل ومن لا يجتازه فينظر في الأمر ..

والله الموفق ..

 

اشوف الخطأ يحصل من البداية ما دام الجامعة حطت اختبار التوفل شرط لتجاوز التحضيرية مثله مثل تجاوز مقررات الماث للتحضيرية فلازم يطبق بحذافيره و ما ابي احد يزعل علي لكن الحق ينقال كيف يصدر قرار ان التوفل شرط لتجاوز الاوريا و ثم يتم التنازل عنه و تأخيره لسمسترات بعده في مسيرة الطالب الجامعية ؟!

اعيد و اقول ما ابي احد يزعل مني ابد و لكن المفروض انه اخر فرصة للحصول على درجة 500 فالتوفل تكون بثالث سمستر بالاوريا مثلها مثل شرط الماث و غيره و الله يسهل عالجميع .


وجهة نظري ...

 

هل المطلوب من الأوريا تجاوز 04 أم التوفل ؟!!

لأنه لو مطلوب يتجاوز الـ 04 فرأي الشباب صحيح أما إن كان المطلوب تجاوز التوفل فرأيك صحيح !

 

لا المطلوب الحصول على 500 و كان الكلام مكتوب فموقع التسجيل فالجامعة ايام دفعتي 2012 و كان اول مرة يطبق النظام فلما بدوا بتطبيقه صارت بعض الاشكالات لبعض الطلاب فنسبة من الطلاب حصلوا على درجات جيده في كورس 04 و درجة اقل من 500 فالتوفل مثل 497 و 480 وكذا فاستحدثوا نظام كورس 04s او كورس التوفل اللي هو ساعتين فاليوم و مدته شهرين و بنهايته تختبر توفل ( ما اخذت الكورس بس هذا اللي فهمته من الطلاب ممكن اكون مخطئ ) اذا ما حصلت على درجة 500 تعيد الكورس هذا الين تتجاوز التوفل .


ملاحظة : انا ما اقول انه في احد صح او خطأ انا بس بغيت ابدي وجهة نظري للموضوع

 

متسلق الجبل ..

يا عزيزي كان من شروط السنة التحضيرية إجتياز جميع مقررات اللغة الانجليزية ..

وكان لابد ان يحصل الطالب علي 500 او اكثر في التوفل ولكن لم يكن هذا شرط لتجاوز التحضيرية ..

انا اخذت 04 وتجاوزته من اول مرة في الترم 132 .. اي قبل اكثر من سنة ..

ومعاهم حق في اننا ناخذ كورس 04s لكن كم مره ؟؟

هل من المعقول انهم يجبرون الطالب انه ياخذه اكثر من مره ويعيد و يزيد في نفس المقرر و في نفس الكتاب ؟؟

انا عندي التزامات اكاديمية اهم من التوفل وعندي gpa وعندي خطة لازم امشي عليها عشان اتخرج ..

الاشكالية الي نحتج عليها هي ليش نعيد الكورس .. يكفي NF واحد وبنجيب لهم شهادة توفل وقت ما يفضي الشخص في الاجازات ..

اما تلزمني في اني اداوم كل يوم ساعتين متأخرة منهكه فهذا ظلم

ارجوا منك دعم الموضوع لا الوقوف ضده

 

انا مع صاحب الموضوع والدفعة الي تأثرت بهذا القرار هي 2012 لأن اصلا وقت التسجيل حتى في التعهدات و وبرنامج السنة التحضيرية ماكان فيه ايشيئ يتكلم عن الـ 500 في التوفل ..

 

حبيبي ما في مشكلة بنتحمل الظلم ..

لكن ما توصل اني اعيد الكورس اكثر من مره ..

الي نبيه هو اتاحة اختبار في اول اسبوع والي يتجاوزه فخير وبركة
والي ما يتجاوزه يعطوه فرصة يجيب شهادة معتمدة ومصدقه من بري في الوقت الي يناسبه..

الاشكالية في اخذ الكورس انه منهك من ناحية تضييع الوقت وبينعكس سلبا علي التحصيل العلمي والحالة الاكاديمية ..

بارك الله فيك

 

انا اقصد يا اخوي ان المشكلة في سنّ النظام من البداية بحيث ان الجامعة ما وضحت وش يترتب على الطالب اذا عدى 04 بس ما جاب 500 و هنا بدأت المشكلة

و اللي كنت اقصده و ادعمه بقوة انه ما يخلون الطلاب متذبذبين ياخذون كورس التوفل في كل سمستر بعد التحضيرية و يزاحمون جداولهم


الحل : يخلون كورس التوفل اختياري للطالب اللي باقي له كورس توفل و اختبار التوفل اجباري بنهاية كل لفل 04s وبكذا اللي يحس انه ما عدى التوفل بسبب ضعف لغته يحضر كلاسات التوفل و يسد حيله عشان يجيب الدرجة المطلوبة و اللي يحس انه ما جاب الدرجة لأنه ما كان مستعد للاختبار او ما حالفه الحظ يعيد الاختبار فقط و بكذا تنحل المشكلة

اتمنى اذا في احد بيقابل الدكتور خالد السلطان او البديوي يطرح المقترح ذا


لحد يفهمني غلط , الله يوفقنا جميعا و يسهلها

 

معليش اخوي انا من قبل ما ادخل الجامعة كنت خايف من سالفة درجة التوفل و يشهد الله علي اني ما اقول الكلام هذا و انا غير متأكد , نعم حنا وقعنا على اوراق القبول و ما كان فيها شي عن درجة 500 فالتوفل لكنهم اعلنوا قبل دخلونا للجامعة في موقعهم عن هذا الشرط

الله يوفقنا وياك

 

الحين ودي اعرف، مادام أغلب طلاب الجبل جايبين 500 وفوق بالتوفل ليش يجيك افرج

eng 101 - eng 102

حول D+ - C

،،، الي افهمه من الي يصير، ان 500 بالتوفل زي عدمها، خصوصاً اذا انهى الطالب مقرارات اللغة الإنجليزية في التحضيرية

 

القرارات التعقيدية اموت و اعرف من فين يطلعوها ؟

 

متسلق الجبل نشكرك على المشاركه بس الطلاب الان في وسط المشكله ولا عاد ينفع وجهات نظر فيها.

نطالب من مدير الجامعه التدخل وحل الموضوع لان العساف والبديوي ماوراهم دبره ولا يعرفون شي عن القرارات الاكادميه كل من لقاله شهاده قال انا الفاهم وقراراتي صح كادر اكاديمي متخبط و3 سنين ماعرفو حل للمشكله اما آن وقت إعفائهم من مناصبهم لان وجودهم يضر الطالب ولا ينفعه والله يجعلها في ذممهم الى يوم الدين

 

انشهد ان موضوع التوفل هو اسوء قرار سوته ادارة الاوريا
قرار متخبط واراء على كيفهم ونظام غريب جدن


الله يعينكم ي اوريات السنه ،،،، وشدوا حيلكم علشان ما تطيحوا في ذي الحفره

 

لانها كورسات التوفل ما رح يفرق معم كثير فيها.. التوفل متعلق بالمعرفة اللغوية، انا هاي الكورسات فهي تعدت مسالة تعلم اللغة الى كيفية توظيفها في أمورك الأكاديمية و المهنية.

 

ليس من شروط السنة التحضيرية اجتياز اختبار التوفل ( 2012 )

 

الوضع الآن كالتالي: استمرار اجبار طلاب دفعة 2012 على شرط لم يوقعوا عليه لمدة تزيد عن سنتين! الاجراء المنطقي الوحيد هو تنازل الجامعة عن موضوع 500 التوفل لطلاب 2012، ببساطة هذا شرط باطل لأنه أضيف بعد بداية الدراسة دون موافقة الطلاب

 

^

الشرط كان موجود على الموقع قبل ما نبدأ الدراسه و أذكر انه كان بالخط الاحمر العريض ايضا

 

الجامعة أخطأت في البداية في عدم توضيح الحالة الأكاديمية للطالب حال عدم اجتيازه للتوفل!!!

الجامعة أخطأت والمفروض هي تصلّح خطأها ... المفروض الطالب ما يتحمّل خطأ اللي وضع نظام التوفل!!!


أنا أقترح عليهم أنهم يلزمون الطالب بأنه يجيب توفل من بره حتى وقت التخرج