استفسار بخصوص اختبار Icdl

سم

http://icdl.kfupm.edu.sa/pages/laptop.htm

 

هلا اخوي

انا اختبرته ايام الأوريا .. كان فيه مادة حاسب عندنا وغياباتي بغت تطق ال Dn قمت نقزت واختبرت وعديت واخذت في الكورس A+ على طول (كورس تاخذه إذا مامعك الشهادة واذا معك يعطوك A+)

بالنسبة للإختبار .. مستحيل تخلصه بيوم .. وقتها كان الوقت المسموح ساعتين بس .. اذكر اني خلصت بأول يوم 4 او خمس إختبارات واليوم الثاني اختبارين ومشيت ..

كل اختبار يعطونك وقت محدد من نص ساعة إلى ساعة ..

انت تحدد الإختبار اللي تبي تختبر فيه ..

التسجيل عن طريق موقع ال Icdl ويعطونك رقم Ksa مهم .. عن طريقه تروح للاب اللي بمبنى 17 اتوقع بالدور الثالث وتعطيه ارقامك وكذا ويفتح لك الإختبار

الاوفيس كان 2003 .. بس برنامج الإختبار غبي جداً !!

الوورد جاني اسهل شي وفوق ذا انصدمت اني جبت عالحافة 75 !! (اذا جبت اقل من 75 ترسب)

والباوربوينت كان صعب لكن جبت فوق التسعين

فيها نجاح ورسوب فقط يعني لو جبت 100% هي نفسها لو جبت 75% اهم شي تعدي ومثل ماقلت الرسوب اقل من 75 ..

اذا ماني غلطان فيه اختبار عن الكمبيوتر .. انشاء مجلد حذف ملف وانشاء ملف نصي واشياء تافهة

فيه اختبار يمكن يكون اصعب واحد كله انقلش عن النت .. البروتوكولات وتعريف الفايروس والإيميل وال IP وال HTTP وإختصاراتها وكذا (طبعاً إختيار متعدد)

الإختبار اشوفه اقل من المتوسط .. احلى شي فيه لو رسبت اتوقع انك تدفع عشر ريال بس وتعيده .. يعني جرب منت خسران شي

اتوقع ان ال Icdl صار الزامي للمتخرج .. وحتى لو ماهو الزامي احسن لك تاخذه لأن المعاهد برا تختبره لك بمبالغ خيالية ! (سمعت انها توصل ل خمس آلاف ريال !) وعاد اكيد بتفيدك شهادتها بالسيرة الذاتية ..

عالعموم الإختبار كله اساسيات .. الوورد ترقيم صفحات ادراج صورة هيدر وفوتر وجدول وكذا

الأكسل جداول وتنسيق جداول دمج وتقسيم الخلايا واهم شي فيه الدوال !! دالة الجمع والطرح والضرب حاول تعرف لها زين ..

الأكسس المفتاح الأساسي .. انشاء تقرير جاهز تعديل على تقرير انشاء جداول وتعريف انواع المتغيرات نص رقم وكذا

اصعب شي بالأكسس الفلترة ! يعني مثلاً يقول لك سو بحث وفلتر للي أرقامهم اعلى من كذا او للذكور مثلاً ..

الباوربوينت اذكر اني حست فيه لأني ماستخدمه كثير .. التنقل بين السلايدات والعروض والأشكال والأصوات

باقي اختبار صراحة ناسي وشهو مدري هو عن النت بعد او عن الكمبيوتر .. المهم انه فيه خمسة عملية (وورد اكسس اكسل باوربوينت وجهاز الكمبيوتر ) واثنين نظرية اذكر حقت النت بس السابعة مدري كانت عن ايش

نعتذر عن القصور يالغلا ومعليش لو الرد مو منسق وراي ميجور بعد شوي ولا خلصت

تحياتي لك

 

الاختبار في اللاب اللي في مبنى 9 ..