استفسار عن الحذف +طلب النصيحة من اهل الخبرة

أنا حالتي من حالتك يا عزيزي ..
وقيد حذفت ترم 072 وكان من أفضل القرارات اللي أتخذتها في حياتي ..
على الرغم من إنو أحس بالذنب كل ما أتذكر إني متأخر ..
ولكن الحمدلله مستوايا الدراسي في صعود ..

عادة والله أعلم إنو ما عندك مشاكل في إعادة القبول ..
والطالب حسب علمي له الأحقية يحذف سمستر بدون قيود أو شروط ..
ومستواك الدراسي ولله الحمد كويس طالما فوق 2 ..
طبعا بالنسبة على متى يردوا عليك ..
اييييييييييييه لا تذكرني !! نشفوا رقي والله العظيم !!
السمستر الصيفي كان حيبدأ وهما ما ردوا عليا ..
بس الحمدلله رجعوا قبلوني ..
بالنسبة للتسجيل ..
في الغالب ما راح يمديك تسجل في فترة التسجيل الأولى ..
والسبب إنهم يتأخروا في إعادة القبول ..
فغالبا راح تسجل في فترة التسجيل الثانية ..
بالنسبة لإعادة القبول .. أنا رجعوا قبلوني قبل الترم الصيفي ..
والحمدلله الترم الصيفي هذاك كان بالنسبة ليا جدا إنجاز ..

وبالتوفيق لك في قرارك ..

 

شوف يا حبيبي
اول شي شيل فكرة التسجيل المبكر من راسك
اذا بتسجل " وكنت محظوظ واعادوا قبولك بدري" بيكون التسجيل المتأخر
واذا اعادوا قبولك بداية السمستر تسجل في اول يوم في السمستر وكل السكاشن بتكون مقفلة وانواع المرمطة

اذا بتجيب في مادة وحدة f وباقي المواد تعدي فيها بقريدات زينة
لا تحذف
انت طلبت نصيحة من اهل الخبرة وانا والاخ اللي فوق قد حذفنا ترم

نصيحة لوجه الله لا تحذف ترا موب لعبة الحذف وبياخذون السكن وبطاقتك و ستكر السيارة وتحس انك متلحط
لا تستسهل الحذف ابدا
شل الحذف من راسك وشد حيلك وان شاء الله بتعدي في كل المواد
انتبه تلعب على عمرك تقول احسن من اني اصفها ديات احذف عشان ما ينزل معدلي
غلط غلط غلط

الله يوفقك

 

التفكير في حذف السمستر اعتماد على درجات ميجر1
((((((جنــــــــــــــــــــــــــــــون)))))))))))))))))

أما إذا تقصد بالتسجيل المبكر الي بكون الأسوع الجاي فأعتقد أن ما يجيك قبول قبل نهاية السمستر

و نصيحتي لك فكر ثم فكر
و حاول تطلع بأقل الخساير هذا السمستر أفضل من الحذف بكثير
و الأمر أولا و أخرا يرجعلك