اسم في السكن للبيع ،، للي يبون يسكنون لحالهم

صبحهم\مسهم بالخير ،،،


انا خريج السمستر هذا ،،، يعني هذا اخر سمستر لي في الجامعة

وبحكم وجود اكثر من موضوع لناس يبون يسكنون لحالهم،، ماعندي وقت اتفاهم مع كل واحد لحاله عالخاص ،، فقررت اني انزل الموضوع هنا عشان نبدا المزاد

ولولا وجود ظروف حدتني على البيع مابعت اسمي واعطيته اطرف واحد الاقيه في وجهي ،، لكن ظروف مرت لخوي لي وقلت ادبر اكبر مبلغ اقدر ادبره باسرع وقت

يقول الشاعر

مدري ايش مدري ايش مدري ايش ،،،،، ولولا ظروف الوقت ماقلت تكفى

نعن ابو ظرفن يخليك تبيع اسمك وفيه ناس محتاجين ،،،،،، مدري ايش مدري ايش

(اذا بتقول ابياتي ماهي موزونه ،، فهذي مشكلتك لأنك ماتعررف تقرا الشعر وتتذوقه)

صح لساني ،،، صح بدنكم

المهم ،،، الرسايل عالخاص او هنا ماتفرق معي ،، عشان اللي يبون شفافية في الموضوع،، ويابحذا اللي بيراسلون عالخاص يكتبلي اسمه الاول والاخير ،، عشان اذا طلع واحد اعرف نسويله تخفيض

والله ياني راعي هذرة ،، المهم تمسون على خير وجمعة مباركة

 

المهم

الاسم انباع الليلة وراح لواحد يستاهل ،،، ونعتذر لكل الذين اعطيناهم امل في الحياة انهم ينامون ويتمشون مفصخين في الغرفة

ومذ هذه اللحظة نقفل المزاد اللي ماهو علني،، ونتمنى للمزايدين اللي مازايدوا بشكل غير علني الحصول على الاسماء الطيبة اللي تخليهم ينامون مفصخين قريروا الأعين ،، ونتمنى لهم الحياة السعيدة المليئة بمدري ايش


المهم ،، تصبحون على خير