الإنسحاب من برنامج الإبتعاث الداخلي لسابك

ما عندي تجربة ,, لكن على ما اعتقد انك تسدد لسابك جميع المبالغ الي عطوك اياها ..

 

^^^
اي هذا المتعارف عليه

بس اللي اعرفه ان برنامج سابك هو الافضل؟؟

 

اختر اللي يناسبك الظاهر تتصل على المنسق معك من الشركة من الإدارة التعليمية ويعلمك ..لأن ترانا حنا انتظار ويارب توفيقك

 

انصحك انك ما تستعجل
بيئة العمل في سابك ممتازة جدا

 

اذا صملت بعد الاستخارة والاستشارة تواصل مع الاستاذ سعد الدوسري وهو بيعطيك العلم الاكيد..

واذا ما تعرف رقمه عطيتك اياه..

 

الله يا بريلينت اكاونتر . انا اعرفك شخصيا واذكر لما قابلتك باليوم الي كانت فيه مقابلة سابك

المهم .. اذا كانت الشركه ارامكو او ال CCP انا انصحك تفكر اكثر انا معاهم والوضع اممم كويس
بس من جد اتمنى لو ارجع وتقبلني ساابك .. المهم هو بالنهايه قرارك لكن لا تفكر ابدا بالعرض اكثر مما تفكر بمستقبل الشركه ومكانتها وسابك ممتازه واليه الترقيات فيها ميسره وممكن تكمل دراستك معاهم على ما اضن اقصد لو تبي تكمل

الله يوفقك يا رب فكر كويس قبل ما تستعجل

 

على الي سمعته اتفق بشدة مع ابوفيصل

 

سابك كويسه يا اكونتنت ,,,,,,, بالنسبة لي كنت بسابك مبتعث برا وحولت داخليا,,,, في التحضيرية كانت محسوبة مع سابك وما دريت وما حصلت المعدل المطلوب منهم!!؟ ففصلوني بدون ما أرد لهم شي,, هذه الحالة الوحيده اللي ما يطلبون منك المستحقات, أما الانسحاب يطلبون عليه مثل ما هو مشروط بالعقد,,,,,

وبالمناسبة سابك ترا حلوه,,, وأتوقع الشركة الأخرى هي أرامكوا اذا ماني غلطان أعطوك العرض!!!
عالعموم سابك أفضل ومنافسة ورواتبهم كويسة,,, غير كذا تراها شركة مساهمات, أقصد اذا أرباحها فاضة وأتت كثيرة يقسمون على الموظفين من الارباح,,, زي قبل سنة أعطوا الموظفين رواتب ٣ شهور من الأرباح بلوووشي,,, ما قد سمعت عن ارامكوا تسوي هذا الشي؟؟؟ لأنها شركة آخرى,,,
أيضا,,, هناك برامج للتطوير الوظيفي في سابك جيدة, وكذلك أرامكوا ,,,,,, لكن اذا رايح شركة غيرها انتبه لا يكون فقط كونك موظف بدون برامج تطوير!!!

شي أخير ,هذه ثالث مره أشوف موضوعك وقلت أبحط رد لك,,,, آسف ياليت تبين هل هو على العرض وظيفي أو أنت طالب مبتعث بالتحديد بكلوريوس أو ماستر وبعدها تتوظف, و أيش العرض الأخر, حتى نعرف نشاركك أراءنا

عالعموم سابك خيار ممتاز وابدا لا تندم,,,,,,, و أنت شوف على العرض الآخر اللي أنت تعرفه ايش يعجبك!
والعمر طويل اذا توك لسه بكالوريوس,,,, يمداك تروح مع سابك كم سنة تكسب خبره وبرامج وتحصل شهادات الأكونتج, بعدها قدم على غيرها وشوف ,,,, راح تكون الفرص أفضل والمنافسة أقوى مع الخبرة والبرامج والشهادات,, وربما سابك تعرض عليك أكثر ذلك الوقت!!؟

 

للمعلوميه فقط
ارامكو تعطي راتب رمضان + وراتب اضافي +وتقريبا راتب على حسب التقييم ( ممكن 050% من الراتب او حتى 120%)+60% زياده عند اخذك اجازه
يعني بالقليله 3 رواتب وليس له علاقه بالارباح

بالنسبه لصاحب الموضوع .. انا اسمع تقريبا كثير من الموظفين مرتاحين في سابك
اما اذا كانت ارامكو فهنالك جزء كبير متذمر وجزء كبير مرتاح وهذا يعتمد على القسم وعلى طبيعة الشخص نفسه.....الناس الشغيله اغلبهم مبسوطين
ومن الناحيه الماليه فارامكو اكثر ارضاء خاصه بعد الزياده الاخيره

 

ليش فصلوك؟؟؟

اذكر انهم قالوا أنهم يعطون وورنغ 1 و وورنغ 2 وبعدها فصل!

 

^^^^^^^^^^

الله يوفقك ويكتب لك اللي فيه الخير

بس ما يطلبون فلوس التأمين الطبي؟

 

الله يوفقك أكونتنت ,,,,,, روح لأرامكوا وخلي سابك أبو كلب,,,, هههههههههه
عالعموم فعلا ترد المستحقات الي هي المكافآت,,,, أما اللي قلك قيمة الكورسات بالجامعة فجامعتنا هنا بالسعودية بلاااشي,,,,, اما اذا كنت برا راح تدفع جميع المستحقات.
مزايا سابك للمهندس قريبة من أرامكوا,, فقط الفرق ان القريد ارامكوا ينحسب من أيام الدراسة,,,,
لكن اكونتج ظلم ومهزلة كذا,,,

بالنسبة للي قالي ايش فصلك؟,,,, طبعا حولت من برا لهنا,,, أول ما دخلت التحضيرية قالوا لي بااااس فقط الجامعة وكل شي فأخذتها مشي حالك,,,,, عدا سابك قابلني الادفايزر قبل نهاية الترم الثاني وقلي ان التحضيرية محسوبة وجابلي الوارننق الأول, والثاني اسبوعين و أخذته!؟ ,,,, قد الفاس وقع بالراس!!! بصراحة سابك من تعاملي معاها ,,,, أخلاق موظفينها زفت خاصة الادفايزر اللي هنا يجي,,,,, شي ثاني ما تمشي على النظام بجد ولكن بالمزاج,,,, مثل تحويلي من أمريكا الى هنا. كان بامكاني محاكمتها حسب العقد والشروط به, ولكن ايش يوديني المحاكم أنا طالب العلم.!!!؟؟؟ وبعد ما أرسلوا لي قرار الفصل بصراحة أرتحت يوم تركتها بسلاااام,,,,,,,

 

اوكي اذا كذا فتفكيرك بنظري منطقي ..

والله يعينك على الاتزام بالدفع لسابك بس انت اكاونتر صح يعني ما يحتاج بتحسبها بمعرفتك

الله يوفقك يا بريلينت اكاونتر يارب
للامام انشاء الله

 

الله يوفقك يا صديقي المحاسب اللامع