التقديم على الوظائف بعد التخرج ؟؟

قدم ع الف شركة مب خمس بس و اذا ردت عليك شركة تمام سو المقابلة و انتظر العرض الوظيفي اذا عجبك تمام او انتظر بعض الشركات يعطونك مهلة تفكر اذا في مجال انك تختار

 

قدم عليهم كلهم, ما راح يضرك شئ لأنك اصلا ما تضمن متى يتصلون عليك.


غير كذا حتى اذا توظفت مع اي شركه ممكن تقدم استقالتك وتروح للشركه اللي تبيها

 

أصلاً أنت متأخر .. توك ما قدمت على الشركات .. عادة طلاب البترول يقدمون قبل التخرج بفصل دراسي واحد على الأقل

قدم ع كل شيء .. وما أحد يقدر يجبرك تجلس عنده .. إذا ما أعجبك شغلهم

بالتوفيق

 

بدري !!

 

المفروض انك ما تحصر نفسك في خمس شركات وترى احتمال كبير جدا الخمس اللي حاطها في بالك ومقدم عليها ما احد منهم يتصل ولا تسمع لهم حس وترى بعضهم يمكن ما يتصل الا بعد سنة حتى!!.. انت تابع المنتدى هنا وتابع الجرايد وقدم على اي مكان تشوفه مناسب ولا تحصر نفسك اكرر لا تحصر نفسك لانك لو سويتها بتطول قاعد في البيت ...والله يكتب لك اللي فيه الخير

 

ما فيه مشكله يا عزيزي.


تقدر تدخل أي وقت على موقع الشركه وتحدث بياناتك, بعدين تراهم ما يدققون للهدرجه؟

ياما سألوا عن أشياء وشغل تسلييييك, لا تتوقع انه يفحصون ويمحصون كل صغيره وكبيره !!


أهم شئ بروفايلك يوصلهم وفي المقابله يبان كل شئ