الوظائف الحكومية للمهندسين؟!

والله ياخوي انا اللي اعرف ان الوظائف الحكومية تقدر تقدم لها عن طريق الديوان وتوظيفهم مبااااااااشره

خصوصا للمهندسين والاطباء هذولا توظيفهم مباشر

وبالتوفيق ..

 

كلام غير صحيح و نقطة علي السطر

الكلام الصحيح :
هناك طرق كثيرة للتوظيف في الحكومة مو زي اول كل واحد يجيب عائلته كلها يوظفها في قسم من الاقسام و في دائرة من الدوائر(شفتها بعيني في مستشفي في الرياض)
سوف اذكر ثلاثة منها:
* هناك النظام القديم و هو الموقع و هذا النوع تبع الخدمة المدنية :
ميزاتها :
1- الراتب ضعيف نوعا ما -يعتمد علي المرتبة و عادة الحاسب باكالوريوس يحطوه المرتبة السابعة و ماجستير المرتبة التاسعة- (تقدر تقول الراتب استاندر بتحصل متوسط الرواتب في السعودية للمهندسين)
2- ما تدري وين يحطوك؟!
3 - اهم نقطة المدة الطويلة و امتحانات و مقابلات !!! مطولة واجدة ... لا تستغرب يطلع اسمك 10 مرات في الجريدة!!
4- وقت الدوام و هنا النكته ... يعتمد علي وين بيحطوك.

* النظام الجديد و هو ايضا تبع الخدمة المدنية ولكن يختلف انك تقدم مباشرة علي الجهة و هي الجهة بعد ما تقبلك توظفك تتفاهم مع الخدمة المدنية.
ميزاتها :
1- الراتب نفس الخدمة المدنية usually
2- تعرف وين يحطوك لانك انت اللي تروح تقدم علي مكان واحد وهي الجهة.
3 - ما تطول كثير ...لكن الجريدة لازم يطلع اسمك بس اقل من النظام القديم (محدثك طلع اسمه في الجريدة ثلاث مرات لين انقبل و بعدين ما راح )
4- وقت الدوام :علي الجهة !

* هناك النظام الجديد الجديد و هو العقود وهو لا يمت للخدمة المدنية باي صله :
فكرت النظام ان الجهات نفسها تكون مسؤولة عن التوظيف و ايضا الراتب و كل شيء...
قبل 3 سنوات تقريبا كان الوضع سائب فوضعوا نظام لانه استغل الوضع حيث اصبح هناك اناس بشهادة ابتدائي او متوسط برواتب فلكية وهو نايم في البيت. هذا النوع غير مطبق في كل مكان ولكن يكثر في الجهات الصحية ومتواجد في الجهات التعليمية.

الفكرة ممتازة جدا و لها مردود اجابي في استقطاب عناصر مميزة و ممتازة حيث ستحصل علي ميزات افضل من الخدمة المدنية علي الاقل الراتب يصير مقبول و على قد عملك بتحصل مو زي الخدمة المدنية اشتغل ما اشتغل ما في فرق و هذا سبب تاخر الخدمة المدنية.

رايي الشخصي : تبقي ميزات الحكومة اقل من ميزات القطاع الخاص خصوصا اذا ما تفكر في شغل الامد الطول(عادتا جماعة البترول ما يجلسوا في شركة في القطاع الخاص اكثر من سنتين الا اذا كان مرتاح طبعا )و لهذا تركهم محدثكم رغم انه حصل علي عرضين عرض على النظام الثاني و اخر على النظام الثالث!

اي سؤال اقد اجاوب عليه انا حاضر

 

اكيد ... بدون مبالغة 10 شهور قدمت في اكثر 500 شركة اكيد بيصير عندك خبرة ولو بسيطة و ما نبخل نوصلها لغيرنا.

هنا النصائح اولا قبل ما اجاوب و بحاول اختصر:
اولا: الوقت اللي تقدم فيه له النسبة الاكثر بعد شهادتك... فهو لا يحدد فقط انت تتوظف ولا لا, بل حتي يحدد راتب.. وياسفي ان ابلغك ان في 2006-2008 كان متوسط الراتب للبكالوريوس حاسب 12000 ريال في القطاع الخاص نزل بشكل رهيب الي 8500 ريال في النصف الثاني من 2008 و الى الان ... (في الاونة الاخيرة بدا يتعدل الوضع اشوي بس لسه ما رجع زي ما كان)..وقد تكون انت ايضا من من حس بذلك ايضا.

ثانيا: اول عرض تحصل عليه روح له بعدين شوف الخيارات الاخرى ... لا تترك امل علي شركة ثانية حتي لو قالولك تعال بعد شهر وقع العقد.. وقع مع اول واحد.

ثالثا: و هنا القضية القطاع الحكومة.
نظرتي الشخصية: القطاع الحكومي هو الاستاندر! يعني حاسب بكالوريس بتحصل 7000-7500 ريال .
الشغل ريح و طبعا راح تكون فاضي تقدر تشتغل شغل ثاني خارجي و لكن هذا يختلف من شخص لاخر..
اناا اقول عادتا طلاب الجامعة لامكاناتهم العالية يستطيع ان يفعل الكثير و ليس فقط يجلس يشتغل علي شيء يستفيد منه بضع مئات بل يعمل في شيء يستفيد منه عشرات الاف بل بضع ملايين من الناس ...وقد يكون مليارات من الناس تستفيد من شيء يعمل عليه مثل حالتي و مشروعي اللي عاكف عليه الان :D.
من هنا اقول : انت اللي تحدد اروح لو ما اروح ...نعم اذا كان عندك شغل خاص الحكومة افضل لان طلباتها علي قد راتبها ولكن انا شخصيا افضل ان اعمل لغيري في السنوات العشر القادمة ثم سوف ارى وضعي ولهذا تركت الحكومة رغم انه عروضهم افضل من ما كنت اتوقع!

رابعا : لا احتاج اذكرك ... امسك شغل مو بس شغل خاص... انت مو قليل تقدر تسوي شيئين في واحد.

خامسا : يؤسفني ان ابلغك حقيقة... انا كنت افكر اروح ماجستير و الحمدلله كان كل شيء مهيىء و كنت في الطريق الي الخارج ولكن اوقفتني و عدلت عن امري لحقيقة لا يراها الكثيرين و هي:
لماذا سوف تذهب الي الماجستير؟ جوابك هو اللي يحدد تروح لو لا.

مثلا اذا كنت بتروح في نفس التخصص و خصوصا في الحاسب .... اذا رجعت ما عندك ترا وضائف واجد ... عندك وضيفتين : القطاع التعليمي و الحكومة بس..
نعم بس ... لا تصدق كل ما يقال.. كل من يحمل شهادة ماجستير هو يعمل في القطاع الخاص في الحقيقة انه يعمل بشهادة البكالوريوس و راتب العالي ليس لانه عنده شهادة ماجستير او دكتوراء بل لامكاناته... هل تحتاج للماجستير لابراز امكاناتك؟

هنالك اجوبة كثيرة لهذا السؤال(لماذا سوف تذهب الي الماجستير؟) و كل جواب قصة !
ملاحظة: انا لا اثبط الهمم: بتصير استاذ في الجامعة لا تجلس ولا دقيقة ادخل الموقع هذا

الهدف هو اللي يحدد تروح لو لا

الاجوبة علي اسئلتك:
وين أفضل مكان في الشرقية لوظيفة في مجال هندسي او مجال حاسب آلي <<< I have two master degrees

ج: قوية هذي .. تصدق من كثرة المكانات ما اقدر اجاوبك! :D ... اقدر اقول انك ما تقدر تقول افضل مكان بقدر ما تبي تقول شغله زينة. الشركات مالية الدمام و الخبر في كل زاوية شركة!

كم الراتب المتوقع على المرتبة التاسعة ... و هل تتوقع أني ممكن أخذ أعلى من المرتبة التاسعة لأن عندي شهدات ماجستير؟
ج: اكيد بتحصل اذا احتاجوها. بالنسبة للراتب ترا في الحكومة في نظام معقد! مرتبة و درجات ! يعني نظام معقد اشوي ... بس اكيد الراتب في الرينج 9000-110000 للماجستير...يوم كنت مقدم في الحكومة سمعت واحد يقول انه عنده ماجستير قالوله : 9750 ماجستير حاسب هذا علي نظام العقول..

اول-و حتي الان ينطبق علي الخدمة المدنية النوع الاول- كان اهمشي عندك شهادة بقدر شهادتك يعطوك... يقولك بكالوريوس حاسب 7 ماجستير 8 بدون ان يسالك كيف و ليش.
الانظمة الجديدة وهي التظامين الثانيين هم الانضمة الحديثة للحكومة و هي ممتازة... و افضل شيء العقول ...علي قد اللي تقدر تسويه تحصل ...النظام معقد بعض الاشياء اللي فيه:
1- الراتب يحدد بعد المقابلة
2- الشهادات و عددها يؤثر في الراتب
3- الانجازات اللي سويتها سابقا تؤثر
4- الشغل في العمل يؤشر
5- العروض اللي انت حالية معروضة عليك تؤثر.
6- في مناقضة و تراضي ... ما عجبك الراتب يغيروه لك لكن في النظام الاول ما عجبك يقولك اياها في وجهك: ليش مقدم :D
7- العمل السابق و كم تستلم فيه و يبون بعد رقم التامينات الاجتماعية
8- بدلات..
و غيرها الكثير.... بالعربي انت مو شغال في الحكومة بل في شركة و الراتب من الحكومة.

 

الان فهمت سؤالك الاول... انا انصحك في القطاع الصحي على نظام العقود...
انا رحت و شفت انهم يحتاجون برامج لها علاقة في الطب... انا كنت افكر -ولا اخفيك اني لسه افكر- في اني اخدم القطاع الطبي و اسوي برامج تخدم المرضي ولكني استصعبتها لاني ما عندي اي معلومات طبيه لكني الجامعة ما قصرت عطنتنا معلومات في البترول و الكميكال و الغاز و هذا مشروعي الان...لاكون دقيق مشروعي في مكان رابط بين البترول و الكمبيكال و الغاز و بين الناس اللي تستخدمة ..يعني برنامجي بيخدم المستخدم بشكل غير مباشر و المنتج بشكل مباشر!
اهمشي اخلص هالمشروع مو اهوني لانه صحيح مشروع عملاق!

 

نعم صحيح
ادخل موقع الديوات وجتحصل توظيف مباشر للهندسة والعلوم الطبية

 

http://www.mcs.gov.sa/McsImages/133028_byan.pdf

هذيلا الوظيفتين اللي تقولون ان في وظائف . اذا عندكم هذا توظيف مباشر اوكي خلاص مباشر

 

اقولك الصراحة .. اذا تبي حتي في الحكومة تقدر تقفز فوق!!
انا لا اخفيك سرا اني افكر في الالتحاق بالقطاع الحكومة و من ثم السيطرة و القفز الي اعلى بكل سهولة...انت في القطاع الحكومي سوف تكون مميز و يمكنك ان تقترح اقتراحات هندسية تفيد و تستفيد... و ترا الماجستير ليها مميزه علي البكالوريوس و هي انك بتكون في مكانات لها علاقة بالطب..يعني يمكن يخلوك تسوي برنامج لحسابات علمية لتحديد مرض او شيء من هذا القبيل... طبعا هذا راح يفيدك انك يمكن تصير في منزلة باحث في الطب التكنلوجي و هذا ما فكرت فيه انا شخصيا.. لان حتي البكالوريس يمكن يكون في قسم البحوث العلمية الطبية و لو كان هذا النوع من التقدم موجود فقط في الرياض في مركز الملك عبدالله العالمي للأبحاث الطبية و لا اخفيك انني كنت عازم علي الالتحاق بهذا المركز ايضا.
لو تلاحظ انني اتكلم دائما عن القطاع الطبي لان صراحة فيه نقص كبير خصوصا في الاشياء اللي فيها بحوث و تكنلوجيا و للاسف في هذه البلد لا يوجد اناس يستغلوننا ... عيد يبيني اسوي برنامج يسويه واحد في الثانوية..سلامات ليش اسويه...
مشكلتنا اننا ارفع من مستوى القطاع الحكومة و اذا حاولت ان تبدع تحصل علي انواع التحطيم و التطنيش و بعض الاحيان الاستهزاء و ايجاد العقبات و لهذا المفترض ان واحد منا يبدا زمام المبادرة و لكن لن اكون انا

 

اخوي دبل ميجر
اللي فهمته من كلامك انك تبي وظيفة وبنفس الوقت تبي توفر وقت اضافي لمشروعك الخاص (صححني اذا كنت غلطان)
اتفق معك ان القطاع الخاص يصعب معه التوفيق بين الاعمال الحرة والوظيفة خصوصا اذا كانت الدوام الى 5 العصر واحيانا توصل بيتكم 6 المغرب

انصحك بالهيئات الحكومية وبعض الجهات التي لديها بدلات اضافية لراتب الحكومة مثل مؤسسة النقد ومدينة الملك عبدالعزيز للعلوم والتقنية وهيئة سوق المال وصندوق تنمية الموارد البشرية وعدد من الجهات لايحضرني اسمها حاليا

هالجهات راح تعطيك راتب مجزي وبنفس الوقت المجهود المطلوب منك اقل من القطاع الخاص وبيكون معاك وقت اضافي لادارة مشروعك الخاص

وجهة نظر

 

أخوي دبل ميجر ، أحب أخبرك ان الهيئات الحكومية جميعها تعطي رواتب عالية + دورات وبدلات وراح تكون مرتاح والشغل ماهو مضغوط مثل القطاع الخاص.

وللاستزادة راسلني على الخاص بخصوص هيئة من الهيئات اقدر افيدك بمعلومات عنها ، وودي اكتب المعلومات هنا ولكني مشغول حالياً .

 

اخوي 242424 وش اللي كلامي مو صح

ادخل الموقع وتعرف وانا اعرف واحد توه متوظف عن طريقهم خيروه بالمكان وتوظيف مباشر

وبالنسبة لي بصراحه الحكومي اريح بدال هالكرف اللي عايشين فيه واذا على المال الراحه عندي بمال الدنيا كلها وشوفة اهلي والجلسة مع عيالي وزوحتي مستقبلا ان شاء الله والواحد يقدر يطور نفسه في اي مجال بيكون فيه

هذا رائي الشخصي

 

كم راتب المهندس الكهربائي بالحكومه طبعا حديث التخرج الاجمالي وعلى اي مرتبة ؟؟

 

المهندس في الحكومي يتعين راتب 6800

وعلى حسب مكانك اذا فيه بدلات

زي الداخلية فيها بدلات توصل ل 50 %

وهكذا

 

حررررررررررام كذاااااااااااااااا

ظلم اجل ليه ادرس اتوظف جندي بالحرس الوطني او الحدود واخذ 6500 على بال ما تتخرج يا باش مهندس يمديني وصلت 9000