تجربتي في مجال البحث العلمي

السلام عليكم، حبيت اشارك خبرتي المتواضعة جدا في مجال البحث العلمي على امل انها تفيد اي طالب هندسة او علوم يفكر يقضي حياته في دفع المعرفة البشرية خطوة للأمام وتطوير التكنولوجيا. (أرجو التثبيت )

نبذة سريعة عني؛ انا عبدالكريم طالب فيزياء ورياضيات (دبل ميجر) بجامعة الملك فهد للبترول والمعادن، دفعة ٢٠١٢. بالنسبة لطلاب العلوم، مجالات العمل بعد التخرج محدودة (غالبا بالاكاديميا) مقارنة بخريجين الهندسة.

بالتالي كنت حاب اعرف اذا مجال الابحاث بيكون مناسب لي (هل هو ممل ؟ صعب جدا ؟ ). واول تجربة كانت ب جامعة الملك عبدالله للعلوم والتقنية KAUST.

قبل لا ابدأ، غالبا البحث بالهندسة او العلوم يكون اما experiment او Theory. رح اذكر طبيعة كل تجربة بالبداية، الجدير بالذكر انه بال theory الشغل بيكون programming, mathematical derivations، وفهم وتحليل للنتائج الي بتحصلها على مستوى فيزيائي عميق. بينما ال experiment بتكون غالبا بال calibration وال alignment للمعدات، وال errors الي تخرب النتايج وكيف ممكن تتخلص منها. حتى لو احتجت programming بيكون شي بسيط غالبا.

طبعا هنا انا اتكلم عن البحث اذا كان ب internship او master degree, ذا جيت للدكتوراة او لبحث شغال عليه professor, بيختلف الوضع.

اول تجربة

KAUST ; applied mathematics; fluid mechanics : Theory ; 3 months

انهيت السنة الرابعة (junior) وجا وقت التدريب الصيفي. تكلمت عن هذي التجربة بالتفصيل التقني في موضوع ثاني؛
https://www.stkfupm.com/forum/threads/التدريب-الصيفي-بجامعة-الملك-عبدالله-للعلوم-والتقنية-kaust.134152/

الي حاب ازيده هنا هو اني ما كنت واعي بماهية البحث وقت شغلي بال fluids, كنت باقي بعقلية الكورسات. يعني نظام "ودي اتعلم اش السالفة" بينما المفروض اكون بعقلية "الانجاز". يعني ان التركيز يكون منصب بحل المشاكل التقنية (programming & math) في البحث اكثر من فهم المجال العلمي وتفرعاته والمفاهيم الفيزيائية والرياضية المتعلقة بها. اضف انو المشرف علي ما كان شديد، بالتالي الحصيلة كانت اني تعرفت على المجال بشكل جيد، لكن ما سويت تقريبا اي شغل بنفسي (شي ما يذكر).

هذا link ال presentation يلخص الشغل.



بس اقدر اقول انه اكبر فائدة من التجربة الاولى بكاوست انها فتحت لي الفرصة للتجربة الثانية والثالثة.

خلال وقتي بكاوست بذاك للصيف تعرفت على دكتور جذبني شغله بشكل كبير وهذي كانت التجربة الثانية. ومن خلال رسالة التوصية من مشرفي بالتجربة الاولى، انقبلت ب برنامج اسمه Mitacs، يطلعك على كندا لمدة شهرين الى ٣ ك research internship، وكانت هي التجربة الثالثة.


التجربة الثانية ؛

KAUST ; physics; material science; Theory ; 4 months



وانا بالتجربة الاولى تعرفت على دكتور فيزياء في KAUST ورغبت اني اشتغل معاه. المشكلة انه الدكتور ذا غير متواجد بالصيف، بالتالي لو حاب اشتغل معاه لازم اسوي drop للترم الاول او الثاني عشان اروح KAUST واشتغل معاه. بحكم انه بال science عندنا بجامعة البترول مافي coop (ال internship يكون ٣ شهور كأقصى حد ولازم بالصيف، بينما الهندسة يختارون ما بين ٣ شهور او ٧). يعني لو كنت طالب هندسة كان مداني اخذ هذي التجربة من غير drop للترم.

هنا طلعة مليون سالفة، ذا سويت drop بتتغير خطة المواد الدراسية تبعي، رح اتأخر عن التخرج ترم (خطتي كانت التخرج خلال ٥ سنين وترم، لكن اذا بال drop بتصير ٦ سنين). غير سالفة اني لازم اخلي طرفي من الجامعة، اسحب السكن ثم اقدم على اعادة قبول للترم الي بعده (حوسة -__-).

دورت بالنت اذا كان هذا شي شائع (تسحب على الدراسة لفترة عشان تاخذ خبرة بحثية)، ولقيت انو كثير يوصون بالشي ذا خاصة انه قبول الماستر والدكتوراة بالعلوم والهندسة بهذي الايام يتعمد بالدرجة الاولى على الخبرات البحثية للطالب.

لكن باقي، ما عزمت اني اسوي ال drop (الظاهر اني خواف). سألت مجموعة من دكاترة الفيزياء والرياضيات عندنا بالجامعة بالاضافة لوكيل الجامعة وعميد اعادة القبول؛ والكل اجمع انها فكرة سيئة 0_0 ما عدا دكتور هتان توفيق اعطاني رأي محايد. قلبت الموضوع براسي فترة وقررت في الاخير اني اخذ المخاطرة واسوي drop للترم الثاني ب ٢٠١٧ (١٦٢) واروح كاوست.

بديت الشغل وكان مختلف بشكل جذري عن التجربة الاولى. مشرفي كان دكتور مشغول جدا، يا دوب اقابله مرة بالاسبوع عشان نناقش الشغل، ولازم عن طريق موعد نحدده قبل باسبوع. غير كذا ال research بدا صعب جدا بالبداية.

وقتها استوعبت اني ممكن بالتجربة هذي ، اطلع بورقة علمية (paper) بالاضافة لرسالة توصية من الدكتور تجيب لي قبول دكتوراة بجامعة محترمة (منحة).

طبيعة الشغل باختصار كانت programming, ومحاولة لفهم المعاني الفيزيائية للنتائج الرياضية. اقضي اغلب وقتي اما اكتب code بلغة mathematica ، او اشتغل على المعادلات.

وقت ما بدينا شغل استوعبت شي، عشان اتميز في نظر دكتوري وما اكون "طالب average" لازم اشتغل زي المجنون.

في ذيك الفترة كنت اداوم بالمكتب متوسط ١٠ ساعات باليوم (٨ في اسوأ الحالات و ١٢ في افضلها).

كنت ساكن بالحرم الجامعي وهذا كان يومي؛ اصحى من النوم، اطلع للمكتب مشي (ياخذ ٥ دقايق) واكل لي فطور سريع بالطريق، ابدا شغل وذا جا وقت الغدا تغديت بالمطعم الجامعي (دقيقتين مشي من مكتبي) ورجعت للمكتب، ذا جات الساعة ٧ اكون جعت، اقوم اطلع للمطعم ثاني، اغلق اكل وارجع للمكتب، ذا جات الساعة ١١ الليل اكون ميت تعب، اكل شي خفيف وارجع الغرفة انام. وعلى هذا الحال لمدة ٣ شهور (جاني احباط مو طبيعي).

الي كان يصير اني اقابل مشرفي يوم الاحد مثلا ويعطيني task ونتفق اني اقابله الاحد الجاي عشان نناقش النتائج. على نظام الشغل الي ذكرته، احيانا اغلق ال task على يوم الاربعاء او بداية الخميس (احاول اغلقه بدري عشان يعرف مشرفي قد ايش اشتغل وبالتالي يضبطني بالتوصية)، فا انسق موعد واتقابل مع مشرفي على الخميس الظهر.

الحين عندي task جديد غالبا بيحتاج كم يوم، طيب متى موعدنا الجاي ؟ نفس الاحد الي حددناه اول ! يعني لازم اشتغل بالويكند -_-

المشكلة ان اهلي بجدة واحيانا عندنا عزايم ولازم انزل جدة الجمعة او السبت (الطريق من جدة لكاوست ياخذ من ساعة لساعة ونص). بالتالي الي كنت اسويه اني ارجع كاوست السبت الليل بعد ما اكون اشتغلت شويتين من بيتنا بالويكند، واقعد من ١٠ الليل الى الموعد مع دكتوري الاحد الصبح ( ٢ بايسون ولا بور هورس مع دبل شوت اسبرسو تخليني صاحي ٣٦ ساعة ).

بعد الموعد مع دكتوري ارجع الغرفة انام واكون وقتها حرفيا ميت. اصحى العصر، اكل .. وارجع المكتب .....

(المضحك بالموضوع اني قبل لا ابدا التجربة الثانية كنت عازم اني التزم بال gym واذاكر لاختبار ال GRE الي يحتاج تجهيز شهرين.... طبعا ما سويت لا ذا ولا ذاك)

السؤال المهم الحين ... ليش كل الشغل ذا ووجع الراس ؟؟

الي لازم اقوله قبل لا اجاوب، اني بالبترول ما كنت اكرف كثير، خاصة بعد الفريشمان (السنة الثانية). يعني قبل الاختبارات (مياجر) ب يومين او ٣ ذاكرت، الواجبات ما اشتغل عليها الا قبل التسليم ب يوم، اسلم متاخر او انقل من ال manual solution.

الي صار اني على بداية التجربة الثانية بكاوست قلت هذي فرصة، اما اكمل على نظامي القديم ويكون شغلي "معقول" او اني اجرب اني ابذل كامل مجهودي واشوف وين بوصل.

والنتيجة ؟؟؟؟؟ صراحة النتيجة بعد ٤ شهور من الكرف كانت افضل مما توقعت. مشرفي كان منبهر من الشغل، والحين بنحاول ننشر بمجلة علمية (physical review) والي بالفيزياء تعتبر افضل مجلة (نفس مستوى Nature او اقل شوي)، واذا ضبط، بكون انا ال first author.

هذا link ال presentation يلخص الشغل.




التجربة الثالثة ؛

Canada ; University of Ottawa ; Physics; Quantum photonics; Experiment ; 4 months



بعد نهاية السنة الثالثة بالجامعة كنت ادور فرص internship خارج السعودية وحصلت برنامج اسمه Mitacs، برنامج كندي، تقدم على مجموعة من المشاريع ، وعلى حسب المقابلة الشخصية وال cv يتم القبول.

قدمت واترفضت. السنة الي بعدها (الرابعة) قدمت على كاوست وعلى mitacs. اترفضت للمرة الثانية من mitacs.

المرة الثالثة (بعد نهاية السنة الخامسة)، كان عندي خبرة بحثية من كاوست بالصيف (التجربة الاولى)، وغلقت مواد اكثر بالتالي ال cv تبعي كان افضل بكثير مقارنة لمن قدمت السنة الي قبل والي قبلها. بالتالي انقبلت.

غلقت اخر اجتماع مع مشرفي بالتجربة الثانية ب KAUST يوم الاربعاء 10 May , الجمعة سافرت على Ottawa, Canada والاثنين 15 May كان اول اجتماع مع مشرفي الكندي.

الجو الاكاديمي كان مختلف جدا، مشرفي المرة هذي شخص متساهل (لكن ممتاز)، وقت ما بغيت اتناقش معاه دقيت الباب ودخلت. عندنا محاضرة أسبوعية لكل الباحثين بالقسم يقدم فيها واحد شغله. اضافة لجلسة مع دكتوري وطلابه كل اسبوعين نتفرج بها على محاضرة (متعلقة بالمجال البحثي) ونحاول نفهمها.

يوميا مشرفي مع طلابه وزملائه ياكلون الغدا ب park .... الي ابي اقوله انو الجو اجتماعي اكثر بكثييير مقارنة بالترجبة الثانية بكاوست. بالاجتماعات الاسبوعية تشوف طلاب عباقرة (كم واحد مو كلهم) وتسمع لبحثهم ونقاشاتهم.

بالتالي نفسيتي كانت افضل كثير. وهذا الجو العلمي مع مشرفي وزملائه والطلاب، جاوب على اسألة كثيرة متعلقة بمستقبلي المهني (اذا ناوي اكمل دكتوراة، الشغل بالسعودية ولا برا ؟ وغيره)

السبب الثاني لكون نفسيتي افضل هي اني بكندا ..... سافرت على المدن السياحية مثل Vancouver, Toronto, Quebec city , Montreal. غير انه بنفس المدينة (Ottawa) في انشطة ممكن تسويها غير الشغل ...

وقت شغلي كان اقل مقارنة بالتجربة الثانية (كنت اشتغل بالويكند واطلع من المعمل ايام على ٤ او ٥ الفجر) الظاهر بحكم اني تعودت على هذا النظام + التجربة هذي بيكون لها اثر كبير بال cv مثل التجربة الثانية. غالبا كان متوسط وقت الشغل ١٠ ساعات، باستثناء الايام الي سافرت بها او الايام الي اكون طفشت بها وودي اسوي شي ثاني.

طبيعة الشغل كانت مزيج بسيط من ال theory وكبير من ال experiment. اغلب الوقت اكون بالمعمل احاول اسوي alignment لل مرايا والعدسات، ونحاول ندور على مصادر ال error بال results وكيف نتخلص منها.
بالاضافة لشغل بسيط على code بال Matlab , المسؤول عن تحليل نتائج التجربة.

النتيجة (للمرة الثانية) كانت ممتازة ومشرفي داري اني اداوم لليل وبالويكند. بالتالي النتايج كانت اسرع مما توقع + رسالة التوصية. حاليا جالس اكتب paper نبي ننشرها بمجلة New Journal of Physics.

هذا link ال presentation يلخص الشغل.



كنت ناوي اذكر تفاصيل اكثر عن طبيعة الشغل و كيفية التقديم وكتابة ال cv اذا بتقدم على فرصة بحثية، بس الموضوع طال بما في الكفاية (على بداية ٢٠١٨ بكون قدمت على الماستر او الدكتوراة، وقتها ممكن اكتب موضوع منفصل).
والي عنده اي سؤال حياه على ال ask ؛

ابو الكرم (@Kareemphys). Ask me anything on ASKfm

رح اسوي كم محاضرة من خلال نادي الفيزياء بجامعة الملك فهد بترم ١٧١ عن نفس الموضوع ورح اعلن عنها وسلامتكم.

 

بجاوب على اي سؤال بال ask

ابو الكرم (@Kareemphys). Ask me anything on ASKfm