جاني دسمس .. وما أدري وش اقول لأهلي .. ساعدوني الله يخليكم ..

الله يعينك اخووووي

بصراحة انا لو مكانك اقولهم عشان ماترتكب هذي الغلطه مره ثانية


حط نفسك مكان ابوك ترضى ولدك يدسمس ويجلس وانت تفكر انه ماشي ويبي يتخرج وفجاه يصدمك لا لو انا مكانك اقولهم والاهل دايم يتفهمون الوضع و اوعدهم تشد حيلك ويقفون معك عشان تتحمس وترضيهم بعدين مهما كانوا هم اهلك




بالتوفيق لك اخووي

 

الله يكون في عونك

لكن من واقع تجربة

في قضايا زي كذا الاهل يكونون اكثر هدوء، بس انت اختار الوقت المناسب وحسسهم انك من جد حاس بالذنب

وزيادة على كذا لازم تتحمل شوي زعلهم فترة

أو خلي واحد من قرايبك سواءً خالك أو عمك يكون موجود او يوصل له الخبر ( لأن في العادة الاباء يناقشون ويتفهمون من كل الناس الا اولادهم)

الله يسهل لك امورك ويحفظك

 

الله يعينك اخوي،،

وان شاء الله ترجع للجامعة ،،

بس لازم تخير اهلك ،،

ولو بطريقة غير مباشرة ،،

صدقني ،، طوال الاجازة دحين حتحس بهمين ،، الديميس والاهل ،،

فخليها هم واحد بس ،،


ربنا يعينك ،، ويوفقك ،، وماهي نهاية الدنيا ،،

 

كان الله بعونك

انا اقول زي اخوي fuzzy شف لك احد يقرب لك وتعرف انه يمون على والديك كثير وانت تمون عليه ... وتقوله اللي صار معك ... بس اهم شي تذكر الاسباب اللي وصلتك لكذا . وان شاء الله اهلك بيتفهمون .

 

علم أبوك أحسن بس لاتعلم أقاربك

اذا خذت دسمس مو يعني انك فصلت تقدر تقدم إعادة قبول ويمكن اذا علمت أبوك يساعدك ويشرح الظروف للتوجيه والأرشاد لانهم بعض المرات يطلبون مقابلة

 

والله أنصحك تكلم الوالدة أول وهي تقول لأبوك لأنها غالبا تعرف توصل المعلومه المطلوبه بالشكل المطلوب والله يعينك ويوفقك.....

 

قدم إعادة قبول وفرصة إنك ترجع للجامعة كبيرة بس انت خلي إيمانك بالله كبير

توكل على ربك يا اخي وقولهم وفهمهم إنك بترجع إن شاء الله

 

الله يعينك ويسهلك..

 

ما أزيد على كلام الشبآآب

بس ما أقول إلا الله يكون بعونك ويسهل أمرك وخل أملك بالله قوي وبإذن الله تتيسر أمورك وتهون
وترى الدنيآآ ما تسوى

 

الله يكون بعونك اخوي .... وواجعم بالامر الواقع علشان لا تعيش بحياة مليئة يالكوابيس
والحمد لله ع كل حال ...

 

الافضل انك تقول لأهلك وش اللي يصير معآآك ..

صدقني الاهل اكثثثثر شئ يتفهم مشآآكلك .. ورآح يحرجونك بوقفتهم معآآك ..

مشاكل من الجامعه .. او خارج الجامعه ..

جرب وبالتوفيق لك ..

 

أنا أقول انك تخبر ابوك فقط


والله يعينك

 

الله يعينك ويوفقك وانا اخوووك

 

الله يعينك

الوالد و الوالدة مايتمنون أحد أحسن منهم غيرك

والخبر بيكون صدمه عليهم

لكن مهو من أول ماتشوفهم تصقعهم بالخبر

كلم الوالدة أول وقلها فيه طلاب كثير مدسمسين كذا بتخفف عليها وإن شاء الله إنك ماكذبت

وخذ رايها في مواجهة الوالد من عدمه

والله يسهلك

 

الله يعينك وييسر لك امورك . وان شاء الله ترجع وتعدل امورك .
ورايي من راي الاخوان . وصدقني راح ترتاح اذا قلت لهم .
ومره ثانيه الله ييسر لك امورك .

 

اسمع مني
انا اوريا وعدت انجلش وفيزكس وقلت لاهلي بدون تردد تدري ليش
لاني لو ما قلت راح اعيش في همين
هم اني عايد وهم انو اهلي ما يعرفون اني عايد
وبالعكس يا خوي لو علمت اهلك صدقني انهم راح يتفهموا الموضوع وراح يساعدونك

 

لا تعالج المشكلة بغلطة !
علم أبوك وأمك قبل أي شيء أخر ..
والله يوفقك وترجع اونر باذن الله

 

الله يكون في عونك ويسهل أمرك ويعوضك خير

شف لك وقت مناسب وعلمهم

وترى في طلاب بعد ماتنزل قائمة الموقوفين يقدمون على إعادة قبول على طول وتتم للترم اللي بعده ماتدرى قدم واتكل على الله وعليك بالدعاء آخر الليل وعلّك تكون منهم

 

اخوي الله يسهل لك

المشكله مو انك تقول لاهلك او ما تقول او وش تقول

الشي اللي لازم توجه تفكيرك وتبداء تفكر بكل جديه هو ايش اللي وصلك للدسمس

الدراسة هي مستقبلك و حلمك هو التخرج وش اللي وقف بطريقك هذا حلمك تتنازل بكل سهوله عنه

لازم تكون حازم مع نفسك وعاتبها وابدا اصلح امورك واللي حواليك اذا كان احد في الجامعه مشغلك عن الدراسة

اعرف الاسباب وراح توصل للحل وهو تفوقك باذن الله بعدين


بالوقت الجاي طور مهارتك اللغه احيانا تكون سبب لنزول المستوى


اهلك راح تقول لهم وراح يتفهمون لانك خلاص امام امر واقع

ابد حياة جديدة وابدا طور مهاراتك وسوى خطة لدراستك

ووقتك بالجامعه نظمة بين الدراسة وبين هوايتك


والله يوفقك وقلبي معك