جاي قبل الموعد ولا تعرف وين تسكن

السلام عليكم

يا هلا ومسهلا بالاوريات الجدد

بالنسبة للطلاب اللي راح يجون قبل موعد المقابلة بيوم يومين ولا يدري وين يسكن قلت اكتب هالموصوع يمكن يفيدهم شوي علشان محد يتوهق زيي يوم كنت اوريا لاني سكنت في الدمام وفي ابعد نقطة عن الجامعة وقعدت ساعتين افر قبل احصل الجامعة

الجامعة تقع في الظهران والظهران قريب جدا من الخبر وبعيد نوعا ما من الدمام والمشكلة الظهران ما فيه الا شوية فنادق وشقق فالافضل انك تسكن في الخبرتحديدا في حي العقربية لانه الحي الاقرب من الجامعه والاكثر فنادق وشقق من جميع الاصناف وبجميع الاسعار

وان كنت جاي عن طريق البر اتبع لوحات الظهران او الخبر ثم اسأل عن حي العقربية او الراشد مول لانه تقع بجواره الفنادق والشقق

مع تمنياتي لكم باوريا سعيده

 

الصراحة ودي اخدمك بس للاسف ما عندي ارقام لهم لكن رح هناك واضمن لك تحصل بدون حجز والاسعار فيه كل الاسعار من 100 للغرفة الى 600 للفنادق

بالنسبة لفندق الظهران قريب من الجامعة حدود كيلو من بوابة الجامعة