سحب السيارات

استفسر من الامن مبناهم على طريق مواقف مبنى 14 , حاول انك تكون ضابط نفسك ولا تنفعل بسرعة لان بعضهم ينرفز بشكل ودك تنفصل من الجامعة عشانه , وهم بعد هم يكون عندهم ضغط عمل ف بالتوفيق

 

ما ابي اخوفك بس الجامعة ما عمرها سحبت سيارات وانا سمعت من مدير الأمن والسلامة قبل سنتين انهم ممنوعين من سحب السيارات. عشان كذا أنصحك تبلغ المرور ٩٩٣. حتى لو ما كانت مسروقة بلغ عليها لين تتاكد

 

كلم الامن واذا ماهي عندهم فبلغ عنها بسرعة

 

قبل كل شي تأكد.
إذا انت موقف بمبنى المواقف دور فيه كامل بعدين بلغ

 

والله يا صاحبي ما اعتقد ان احد سحبها, موترك انسرق اذا انت متاكد انك مالقيته!

 

اذا انت موقف موترك بالمواقف المكشوفة حقت السكن الي خلف مسجد الزبير ، تحديدا عند كابينة مسجد الظهران ف

امس انا العصر شفت سيارة سطحة (يبدو انه تبع امن الجامعة لان شكله مختلف عن السطحات العادية الي نشوفه بالشوارع ) قاعدة تشيل موتر موقف خطا عند الكابينة!

هذا والله على ما اقول شهيد

 

الترم هذا شفت لوح تحذيرية عليها علامة سحب السيارات
شكلهم بدوا يسحبون السيارات

تأكد من الأمن والسلامة وبعدين بلغ المرور .

 

فيه حجز للسيارات لشركه (موقف) عند مبنى الماث الاوريا القديم (مواقف باصات حاليا) يمكن تلقاها هناك بس اتوقع لازم تمر الامن

 

الجامعة قامت تسحب سيارات يا شباب ، ويحطونها قريب من مبنى ٤٢.
وارسلوا ايميل في نهاية الصيفي بالنظام الجديد + فيه لوحة عند البوابة الرئيسية فيها توضيح للنظام الجديد.

 

من الغبي اللي بيسرقها من جامعه , سيارتك تسطحت وانا اخوك

 

شيء جيد إنه صار فيه سحب سيارات

ياما تجي ناس توقف غلط وتضيق الشارع .. ثم يجي الأمن يزيد الطين بله ويكلبشه في مكانه الخاطئ 24 ساعة !!