صدق ان المهندس اذا توظف ما يكون الراتب كويس ؟

وعليكم السلام

اذا تقصد تبي راتب 50 ألف فلا ما يوصل

الراتب تقريبا 10 آلالف يزيد شوي او ينقص + البدلات

بالتوفيق

 

وعليكم السلام ورحمة الله وبركاته ،،

التعميم خاطئ في كل شيء ..

بالنسبة للمهندس راتبه يعتبر من أعلى الرواتب ( مقارنة مع باقي التخصصات ) ،،
ولكن هذي أرزاق ،، فيه ناس يحصلون وظايف أول راتب لهم فوق ال 20 ألف ، وناس ما تحصل الا حول 8 او 9 آلاف ،،
لكن بشكل عام الهندسة تعتبر ذات دخل جيد

أنا بالنسبة للهندسة المدنية وأنها فقط اللي فيها فلوس !! فصراحة كلام غريب وماله أي أساس من الصحة ،، فيه أقسام كثير في الهندسة مطلوبة أكثر من الهندسة المدنية ورواتبهم أعلى

 

نعم راتب المهندس قليل في السعودية ويعتبر ضعيف جدا

لو تقارنه بالمهندس في الدول الاخرى

لكن راتب المهندس في السعودية بالنسبة للوظايف الاخرى في السعودية
يعتبر ممتاز ومن الفئة العالية

للاسف الاساسي للمهندس عندنا من 8500 الى 10000 ويمكن اقل
وفي قطر او الامارات يوصل 30000 !!

 

فيه بعض الشركات زي سابك وارامكو يكون فيها الاساسي من 9 الى 10 الاف بالبدايه لاكن خلال سنتين الى ثلاث سنين يوصل من 13 الى 15 الف من غير البونص والبدلات يعني لو جيت تقارن الاساسي بالبدايه مع الاساسي حق الوظائف الثانيه زي التدريس مثلا او الفل بكج حق الجندي تشوف نفسك مظلوم لاكن مع السنين تلقا نفسك راتبك عالي جدا مقارنه بباقي الوظائف
لان مثل ماقلتلك زي ارامكو وسابك اذا حسبت الفل بكج بعد ثلاث الى خمس سنين تلقاه يعادل راتب مدرس بعد خمس وعشرين سنه خدمه اذا ماكان اكثر
طبعا مو كل الشركات تعطي هذي المبالغ فيه شركات اكثر وفيه شركات اقل بشي كثير عاد انتا وحظك

 

ايوه، صدق

 

اتمنى التوفيق للجميع

 

المهندس اذا توظف في قطاع حكومي يكون راتبه عادي جدا


لكن في الشركات ( سابك و ارامكو و سكيكو ووو ) بالعكس راتبه ممتاز

 

من ناحيه فتح بيت براتب مهندس ،، اشوفها صعبه مرره ولازم يكون عندك طولة بال

بالدمام أو بالظهران ،، اذا تبي تفتح بيت مرتب وعليه الكلام تحتاج من ١.٥ الى ٢ مليون

واذا توظفت براتب ١٠ الاف يكون فتح البيت عليك مره صعب ،، الا اذا تاخذ قرض وتقعد تسدد فيه لما توصل القبر بعد عمر طويل

لكن مع غلاء اسعار الاراضي ومواد البناء ،، في جانب ايجابي يكمن بالموضوع

وهو انه >> تبي تعيش عيشه محترمة ،، كمل دراسه ماستر بعد الهندسه بتخصص مرغوب عند الشركات وخل راتبك يشطح لفوق

 

وعليكم السلام ورحمة الله وبركاته
الله محيي الكل
أخي العزيز سلطان اذا تبي راتب حلو وتفتح بيت وتشتري بنتلي وتتبرع لجامعتنا العزيزه لو تبي (صير لاعب كورة )
اتعب الرجلين ولا تتعب الراس

 

^*

على الجرح قسم بالله

الدنيا حظوظ وانا اخوك، الله كريم

 

سلم الرواتب الجديد للأطباء
http://www.traidnt.net/vb/attachments/649091d1340691155-untitled-1-copy.jpg

 

السبب ذكره أخوي شارلوك هولمز

 

لا مستحيل , والاطباء اللي تقول راتبهم يصك 70 الف تلقاهم خبره فوق 25 سنه
وجراحيين بشهادات كبيرة ويعملون بمستشفيات خاصة وغالبا تلقى راتبهم الفعلي
اقل من هالرقم بكثير لكن يكون له نسبة من العملية اللي يعملها فيزيد دخله..
اما طبيب حكومي ويوصل لهالراتب احلق حواجبي حلاوة اذا وصل لها..

 

لا يكون المال همك الاول ... واذا من اهتماماتك المال انا انصحك بالتجاره وبتخصصك الهندسي انصحك تفكر وتعصر مخك ممكن يوم تواجه مشكله وتحلها وتبيع براءه اختراعك بملايين ... فنصيحه الحين ركز على دراستك .

 

في القطاع الحكومي نعم صعيف


الخاص ، اشوف من خلال العروض انهم يعطونك حقك

 

اخي العزيز في الوقت الحالي هل فيه وظيفة تخليك تفتح بيت؟
ما أعتقد فيه عدا سابك وأرامكو لان فيهم تمليك بيوت

اما مقارنتها بغيرها من المجالات فأعتقد انها من افضل الرواتب
فمثلا في الشركات اغلبها التخصصات الهندسية الرواتب فيها اعلى من الادارية

لا أنكر ان البنوك رواتبهم عالية وهذي للتخصصات الادارية
التخصصات الصحية رواتبها عالية ايضا مثل ماقال الشباب لكن فيها علة
واللي هي انك بتبقى تدرس طول عمرك اذا تبغى راتبك يشطح فوق

وفي النهاية اخي الكريم اعتقد ان النظرة الى الراتب لن تفيدك فربما تدخلك تخصص
لا يناسب ميولك ورغباتك وعاقبته لن تكون حسنة
وان ابدعت في المجال اللي ترغب فيه ويناسبك بتوصل لاعلى المراتب واكيد بيكون مرتبك عالي.

بالتوفيق

 

اعتقد هذا الركن المناسب لمثل هذي المواضيع

 

المهندسين مظلومين هنا بالسعودية للاسف لايوجد كادر هندسي

انصحك بالتخصصات الصحية رواتب عالية