صورة مع التحيه الى كل من يهمه الأمر

مافي مواقف تكفي
اذا ما لقيت موقف قريب او بعيد شويا، اضطر اوقف بعيد و امشي اقل شي 5 دقايق الين ما اوصل الغرفة
لاول مرة سرت اضطر اوقف مخالف، جنب الرصيف

 

والله مشكلة المواقف هذي مشكلة

مع أن الطلاب كثيرين والمواقف مستحيل تكفيهم لكن يقولون لنا اتبعوا الأنظمه المروريه

يعني وين تبيني أوقف أروح اخر الدنيا وأمشي في هالحر

واذا وقفنا بجانب الأرصفه وشفيها يعني ؟ ماني مضايق أحد

لازم يحلون لنا المشكله بسرعه

 

زين الي عطوك انذار هالمرة

العادة يخالفونك سلام سلام

لا من شاف و لا من دري

 

حتى نكون منصفين , الأمن ليس المسؤول عن إيجاد المواقف للطلاب و إنما وكل إليه تنظيم السير و حفظ الأمن داخل المدينة الجامعية , و أعتقد أن الإنذار أسلوب جيد جداً منهم لمعالجة هذه المشكلة و للتنبيه و التوعية
و هذه أخلاق و تعامل راقي يشكرون عليه لمعالجة المشكلة .

شكراً لك​

 

انا الصراحة ماعندي مشكلة امشي دقيقتين أو ثلاث دقائق ،، لكن اوقف عند مبنى 39 اخر الدنيا و ارجع للعماره صعبه والله ،، خاصه اذا كان معي اغراض اضطر انزلها بعدين اروح ادور موقف ،، مبنى المواقف ما ادري متى بينتهي ،، لكن السؤال هل سيحل المشكلة نهائيا !!؟

 

بصراحة أسلوب راقي من ادارة الامن والسلامة بخصوص التنبية و (الانذار) علي الطلاب ... يشكرون علية وانا ملاحظ بعد استلم المدير الجديد الاستاذ/ يعقوب المغامس .. الامن.. وجود تغيرات كثيرة في الامن

 

اليـوم كنت أذاكر بالجـبل ونزلت قريب الفجـر وأقرب مـوقف لعمـارتي (بالمرحلة الرابعة) كـان بين مبنى الـ pe والملعـب الأخـضر (عند الملاعب السـداسية)

عــزائي إنه فجـر والجو لطـيف + مامعي أغـراض كثـير
فكـان الكعـاابي مقبـول

 

كلنا ندري ان فيه ازمة مواقف وكلنا نعاني منها
بس مهما كان حجم المشكلة هذا مايعطيك الحق انك توقف جنب الرصيف وتسد ثلاث ارباع الشارع
كثير طلاب يوقف قريب من الرصيف ويجيك واحد ثاني يوقف مقابله والنتيجة شارع ضيق جدا بالموت يكفي السيارة تعدي من غير ماتحك
يعني ياطويل العمر دامك موقف بهالمكان لاتجي بكره وتصيح وتحط موضوع بالمنتدى ليه سيارتي انحكت وناس ماتخاف الله صدموني
دامك خايف على سيارتك الاحرص انك توقف بعيد وتمشي مسافة وتشتري راحة راسك

الغبنة اني كلمت الأمن وقلت لهم واحد موقف بالشارع ولو مشيت بسيارتي بحكه ماعندكم اي حل له ؟
قالي الموظف الحل الوحيد نعطيه مخالفه .. طيب والشارع اللي توقف عن العمل بسببه .. قال ماعندنا صلاحيه نسحب سيارته

مثل ماقلت كلنا نعاني من هالمشكلة وتحاج وقت طويل لين تخلص المباني بس ياليت لو الشباب ينتبهون شوي من هالناحية ويفكونا من الزحمة

 

اما بالنسبة للي يوقفوا بالنص مقابل عمارة 49 و 47 فصراحة شئ يرفع الضغط من جد
صار الشارع مرررره مرررره ضيق وبالعافية تطلع .. بس تقول يارب ما احك احد !! ولو ان الي يوقف في النص يستاهل من يحكه
والله ماشفت احد يوقف بالنص الا في بداية هالسمستر !!!!
والي يزعلني اكثر اني القى واحد مسكر علي بهالحركة والمواقف تكون ورى الشبك فاضية

ونجي الان للمشكلة الاعظم :
ليييييييش مايفتحوا باب للمواقف الي ورى الجدارررررر ؟؟؟ ترى تعبنا من النط من فوق السور

 

المنفى يا حبيله المنفى

 

حركه يشكرون عليها جداً مقارنه في الترم الماضي !!

و بعدين اربع اسابيع و هم تاركين الناس تخالف زي ما تبي ،، جت على الحين ؟ يارجل بغيت اروح اكلمهم بخصوص اللي يلبقون في وسط المسار بين عماير الاربعينات و مواقفها . يعني كيف اللي موقف يطلع بدون يحكحك في اللي حوله ؟!

عساهم ع القوه بخصوص اللي يقفلون المسار و اللي يوقفون "وسط" الدوار !! لكن اللي يوقفون حوالين الدوار اللي يحفظهم من كل شر

 

بعـد هذا القـرار,,اتوقـع وجود حملـة من قبل الأمـن,,الأيـام القـادمـة قبيـل نزول المكافآت تحديداً ,,على المواقف وتجاوزات السـرعـة عـلى الحـزام,,,

 

لا ياسيدي مافي شي اسمه ماهم مسؤولين ؟! الصحيح أن يكون هناك تنسيق بين إدارات الجامعة .. لأن مسؤوليات كل إدارة تتداخل مع مسؤوليات ومهام الإدارات الأخرى .. فمثلا: إدارة الأمن والسلامة مرتبطة بإدارة المشاريع والتخطيط .. وإدارة المشاريع والتخطيط بدورها مرتبطة بقسم الشئون المالية وهكذا .. مما يعني في حالة حصول أي خلل تنفيذي بإحدى الإدارات السابق ذكرها, سيكون له تبعات على مهام الإدارات الأخرى ..


نرجع لموضوعنا : عدد السيارات في زيادة مستمرة + المواقف غير كافية على الإطلاق + عدد كبير من سكان الخبر والدمام يوقفوا بالمواقف ليستخدموا الباص!!!

يعني إذا استمرت إدارة الأمن والسلامة بإتخاذ قرارات عشوائية وعمياء كهذا القرار .. هل ستحل المشكلة برأيك ؟

ملاحظة : إدارة الأمن والسلامة تدار من قبل ناس غير مؤهلين البتة!! وإلا لما رأينا أنظمة كهذه تطبق على أرض الواقع ..

تحــياتي ,,

 

كفوووو والله يالأمن

خصوصا الي قدام 47 أذونا بسياراتهم .. زحمة لا تطاق ويقفلون علينا ولا فيه دم

 

انا برأيي انه المفروض الامن نظموا المواقف خصوصا الي واقفين بالنص مقابل عمارة ٤٧ او الي واقفين باللفات او بنص الطريق في المواقف نفسها اما الباقي يخلونها الين ما يخلص المبنى الجديد

 

مرحباً بك
اتفق معك كثيراً حول التنسيق بين الإدارات و هذا مهم جداً
لكن إذا لم يكن هناك تجاوب أو تقصير من إحدى الإدارات , و نحن نعرف المقصّر هل نلوم و نحمل الإدارات الأخرى هذا التقصير , في رأيي أن العدل أن نقول أن تلك الإدارة لم تؤد عملها و الإدارات الأخريات بذلت الجهود لدفع هذا التقصير عنها .

شكرأ لك​

 

احمد ربك انذار العاده مخالفه سلام سلام

 

شوف لاني اعرفك يا راعي الموضوع ما بقول المفروض مخالفة p:
المهم احمدوا ربكم بدوها بانذارات
السالفة الصراحة ترفع الضغط مو عشان الشارع ضيق لما تمر عشان شغلتين
الي واقف في المواقف ما يقدر يطلع سيارته (= و انا شخصيا تضررت منها اكثر من مرة
مرة كنت مريض و قلت بروح الكلينيك في بريك الصلاة لان عندي بعده محاضرات رجعت و لا واحد بكل ذكاء موقف قدامي و ما اقدر اطلع سيارتي من الموقف و كلمت الامن قالوا ما نقدر نسوي شي انتظره لحد ما يجي و يحركها (= الاخ الظريف ما حرك سيارته الا العصر و لو شفته اصلا قبل لا يحركها فقعت وجهه لان من جد رفع ضغطي ضيع علي البريك روحة جية و لا قدرت اروح الكلينيك و عطلني و تكررت القصة مرة ثانية بس كنت مخلص دوام و بعد اللتيا و اللتي طلعت السيارة بعد محاولات 5 دقايق
و الشغلة الثانية ان ساعات في موقف قانوني فاضي بس ما تقدر توقف فيه لان في واحد موقف بالنص قدامه (=

و اصلا الي يوقفون بالنص ما عندهم سالفة (= انا ساعات اجي الجمعة بالليل بنص الشارع مصفطين على الآخر اروح ورا السور الاقي نص المواقف فاضية يعني اصلا ما تعب عمره يروح يشوف في موقف او لا بس الاخ مفكر حاله صاحب العظمة و الفخامة و لازم يوقف على باب عمارته
و ايش فيها لو مشيت 5 دقايق ؟ بتموت ؟!؟ ما تقدر تمشي 5 دقايق ؟ ما عمرك مشيت من قبل ؟ و نفرض انك بتقول معي اغراض . اولا انا و ناس غيري كثير تصفط بعيد و تحمل اغراضها (= ما لقيت موقف يا تجي بدري مرة ثانية او تحمل شوي و لا تقعد تضايق الناس بوقفات متخلفة
و اذا ما تبي تمشي تعال بسيارتك عند العمارة نزل اغراضك و روح صفط و تعال شيل اغراضك
و نفررررض ان المواقف ورا السور مليانة ، روح مواقف المنفى !! روح ادخل و لف يسار و روح آآآآآآآآآخر شي (= و سفط هناك و امشي من ورا السور ترا مو بعيدة ابد (=
بس الشعب عيال و يبي يتدلع و كل واحد ما همه الا نفسه و بعدين تلاقيهم يصارخون ليش ما نتطور و ليش ما نتقدم و رحنا برا و شفنا النظام و هم مسافط سيارات مو عارفين ينظموا حالهم فيها عشان ما يبون يمشون 5 و لا 10 دقايق
و مو آسف على الاطالة لان السالفة بطت جبدي و جبود غيري كثير و الشرهة على الامن الي ما بدأ مخالفات من بداية السمستر و لا لو كل واحد اخذ مخالفة مرة مرتين عرف يضبط اموره

 

إن شاء الله بيشتغل الأمن قريب ويفكنا من الضرر