عندما تغيب المعلومه.. من المسؤول !!

شوف أنا المكرمة نزلت و لا ما نزلت الحمدلله ما أثرت علي لكن الصراحة تصرفات الجامعة فعلا تدعوا للسخرية
و للعلم الجامعة صرفت المكرمة لأعضاء هيئة التدريس مما يدل حسب وجهة نظري أنهم فعلا يعتقدون أن المكرمة قادمة منهم و لا يعلمون أنهم فعلا مجبرون عليها و من وجهة نظري أيضا أن أي تأخر في صرفها دون مبرر واضح يعد مخالفة صريحة لتوجيهات الملك ....

 

كلامك درر اخي ..... يعني هل الجامعة الي الان غير ناضجة من ناحية التعامل مع المواقف ومتى تصرح ومتى لا.؟

يعني تصريح واحد من مسؤل كفيل بكسر عدم الوضوح في تاخير المكرمة .. غير ذلك لا يلومونا اذا نشكك في مصداقيتهم!!

 

تصدق عاد بدأ يجيني شعور ان الجامعة تبي تعاقبنآ على اللي سوينآه في ذآك اليوم

.
.

والله صرآحة تكتم غريب من الإدارة حول الـ 2000 ريال يعني اقلها توضيح للأسباب التي ادت الى تأخير المكأفآة

 

يخي جاامعه غريبه و ادارتها اغرب

يحبو يذلو الطلاب زي نفسهم

 

إدارة الجامعة في انحدار للأسف..

 

نقول ان شاء الله تنزل قريب

او على الاقل ينزل تصريح لتهدية النفوس

 

غدا مظاهرات امام مبني الاداره
بس مانبي واحد يشب نفسه يعني سلميه

استهبل لا تصدقون عاد

 

الصراحة انا استغرب من التاخير هذا كله .. نبي المكرمة اللي من الملك مو من الجامعة

ارجوا صرفها في الليلية أو بكرة بالكثير

الواحد مخطط على أشياء قبل الاجازة يشتريها

مو اذا باقي على الاجازة يوم واحد يعطونا

 

يبون ينشؤوون جيل شديد يتحمل المصااعب ويقدر يعيش بـ 990 او اقل

فاهمين معنى التشديد غلط

وطبعا لاحد يفرح بيجي شخص من ذووول وبيحذف كل انتقاداتنا

 

انا من رايي نتظاهر بكرا قدام برجنا او وزارة البترووول >>> خخخخخخخخخخخخخخخخخخخخخخخخخ

 

يمكن خشوا بها في سوق الاسهم ومضاربة في مضاربة
واكيد الارباح بقسمونها علينا وقت ما يتخرج الواحد " فكرو فيها بدل ال2000 تطلع ب 20000 مو احسن ..!! "
يعني الجامعة تبغالك الافضل وهم ادرى مني ومنك
خخخخخخخخخ

 

هذا شي يقهر الحقيقه
يعني ان المكافأه تتأخر هذا بحد ذاته خطأ , لكن اللي يزيد الطين بله انهم ما يقدمون اي عذر
لكن اتمنى انهم حتى اذا صرفو المكافأه لو بكرا يقدمون اعتذار وتوضيح للأسباب اللي خلتهم يتأخرون مع العلم ان مدرسنا يقول انهم صرفو مكافآتهم.

وغير هذا يا جماعه المكافأه هذي انا وكثير من الطلاب اللي ما عندهم مكافآت مخططين عليها
يعني هذي صارت حاجه لكثير من الطلاب مو بس زياده فلوس السالفه جوع وتلوي حتى اروح لأهلي

 

^^^^^^^^^^^^^^^^^

كلام كبييييييييييييييير ...

 

^^^^^^^^^^

سم طال عمرك .. <

 

هناك سؤال مهم , هل فعلا تم صرف راتب الشهرين لاعضاء هيئة التدريس ؟! , ام انها تكهنات واخبار من هنا وهناك؟!
نحن النقطة الأخيره في سلسلة انتقال المال , فقرار الملك يذهب الى وزارة المالية ووزارة المالية توزع الزيادات على الدوائر
وصرحت قبل عدة ايام انها سترسلها في فترة [ اسبوعين ] , وتم تخصيص الجامعات والكليات بأنها ستكون
أول النقاط التي ستزود .
لنقل مر الآن اسبوع على التوزيع وتبقى اسبوع , ولكن كيف صرفت الزيادات لباقي الجامعات بهذه السرعة ناهيك
عن وصولها الى كثير من الموظفين واعضاء هيئة التدريس كما ورد هنا ! ( بحاجة الى تاكيد ) .
حتى الآن التمس العذر للجامعة طالما ان فترة التوزيع من وزارة المالية لم تنتهي بعد , فلربما كانت جامعتنا في
نهاية اللسته عندهم ! , لكن الذي لم افهمه هو وصول الزيادات الى منسوبي الجامعة غير الطلاب! ( رغم اني غير متاكد )
احتمال وارد أيضاً تكون المشكلة [ من البنك ] ..! فالمبلغ الكبير هذا قد تستفيد منه البنوك واسالوا طلاب المالية
< حدثني احدهم وتفاجات من هذا الأمر

 

ابغا اسمع كلمه او حجة واحدة تبرر موقف ادارة الجامعة حتى اللحظة هذي

اعطونا رد مقنع عشان نتفهم .. لكن توعدونا .. وتخلونا نتعلق بخيط أمل رفيع

صدقوني من الغد حتى الاسبوع القادم سيكون الخيط هذا هو المصداقية وليس الامل ..

انا ما احسد غيري على اللي جاه .. لكن فهموني ايش يفرقكم يا جامعتي عن غيركم

انا اسمع .. كلي آذان صاغية .. مو عاجبكم كلامي .. لا تردوا علي .. اعتبروني Nothing

لكن في كم الف عندها نفس السؤال .. تحياتي لجامعتي

.................................

الدوائر الحكومية ما استلمت شي على حد علمي .. لكن نزلت في السيستم عندهم

من يوم الغد سيتم صرف رواتب موظفي الدولة

 

انا عن نفسي كلمت الوالد وقلت له ارسل لي الفين، واذا الجامعة سلمو الالفين لنا اردها لك
وبلا وجع راس

 

أخواني ما سأقوله أعتبار عن توقعاتي وذلك ما شاهدته من القرارات اللي في الجامعة خلال مرحلتي الجامعية

تعرفون الجامعة تحب التشديد وخاصة في الأمور الأكاديمية يعني الدسمس عندها سلام سلام الورننق كذالك دون أخذ الأسباب المؤدية وناهيك عن القرارات الأخرى وربطها أكاديمياً حتى يتم التشديد على الطلاب في الدراسة لأقصى حد ( مع أني من متضرري القرارات العشوائية إلا هناك كادر يتطلب مني البقاء فيها للإستفادة منه) يعني الطالب يكون مهموم طول فترة الدراسة حتى يتخرج


تحليلي كالآتي :

أتوقع أن الجامعة ما فهمت القرار صح أو عندها وجهة نظر وأرسلت قائمة بالطلاب المستحقين بالمكافئة +1.75

ثم بعد إرسال القائمة فهموا أو رحموا بعض الطلاب وقالوا بما أن جامعات ثانيه صرفوا للكل لازم نسوي مثلهم فأرسلوا قائمة ثانية بالطلاب كلهم فهذا التعديل يأخذ إجراء طويل عشان ما يعطى أحد مرتين

هذا تحليلي والعلم عند الله


ويا شين الفلسفه

 

والله ما ودي أدخل في نية أي أحد أبدا
وهذا أصلا مايجوز...احنا مطالبين اننا نلتمس لأخونا المسلم سبعين عذر
لكن التكتم هذا والله يثير الشكوك حتى لو ماعندك شك
عالعموم عني أنا مسامحهم بشرط إنو يكون في تصريح واااضح ومقنع بشأن التأخير