فقدت الامل .. ونفسيتي تعبت

الله يعينك
حتى انا عدت الإنجليزي فلا تستغرب و تعتبر نفسك فاشل
و مااتوقع يبالك تعيد قدرات او تحصيلي
لكن انتا شد حيلك و سوي المستحيل و بإذن الله تعدي و انتا مرتاح و مبسوط
و لاتنسى قوله تعالى و عسى ان تكرهوا شيئا و هو خير لكم
بإذن الله بقية الشباب يفيدوك

 

و عليكم السلام ورحمة الله و بركاته

اخي الكريم اين انت من الثقة بالله عز وجل

الانجليزي بإذن الله تنجح

الماث احسب معي 16 + 9 = 25 يعني باقي لك على الباس مارك كم ؟؟ 35 صح

في الفترة القادمة استلم مدرسكم خله يرفعك بالكلاس ورك

و اشتغل على الفاينل افضل طريقة للمذاكرة حل الاسئلة التي في نهاية كل شابتر

ما هو تكسل او تستهين فيها و بإذن الله تجيب فوق +20 في الفاينل +15 في الكلاس ورك

و نقول لك مع السلامه الى ماث 002

اهم شي لازم تكون ثقتك بالله كبيره

و لا تنسى دعاء الوالدين

 

-



وعليكم السلام ورحمة الله وبركاته ،،

بخصوص الإنجلش وضعك بالسليم إن شاء الله مع إن ما عندي إلمام بالنظام الجديد .. لكن شد حيلك فيه
الماث بإذن الله مقدور عليه مجموعك 25 ومع الكلاس وورك والفاينل من 36 يعني يمديك بإذن الله تعدي ..
في الفترة الجاية ركّز ع الماتيريال اللي ما إختبرتوا فيه لأن 50% من الإختبار راح تكون فيه والفاينل غالباً
مستواه أقل من المياجر .. يعني سهالات إن شاء الله .. زي ما قال اللي فوقي .. حل الأسئلة الفردية نهاية
كل شابتر .. وحل الريسيتيشن وتأكد من حلها مع مدرسك بالأوفيس أور .. وحاول تفتح أولد اقزام بالويكند
والله ما يضيع أجر المُجتهد .. شد حيلك وبس .. وخل النجاح ولا غير هدفك بالشهر الجاي .. موفق يارب

 

العظيم كريم

 

اذا انت من خريجين 1432 ماتحتاج للاعاده لان مده الاختبار

سنه التخرج والسنه التي تليها

كلنا بالهوا سوا ياصديقي

 

لا تيأس من رحمة الله شد حيلك ترا عادي جدا الي يصير معك

 

بالنسبة للترم اللي عدته فلا تحزن عليه

كثير من اصدقاءي اللي عادوا ماده او مادتين بالتحضيري الحين هم معي وبعضهم سابقني بعد

لا تعتقد انك خلاص راح تتأخر وضاع من عمرك ترم

لا ماضاع شي ويمديك تلحق

فا انسى هم الترم الماضي تمااااما

وش عليك تسوي؟

اولا فكرة انك ضامن الطردة هذي شيلها من بالك!!

ثانيا اشتغل عالفاينلات الفاينلات للماث عليها 30 او 35 حسب ما اتذكر

تدري ايش 30 او 35؟؟

هذي مو تنجحك وبس

هذي ممكن تطلعك من f ل c لو تشد ان شاء الله

والكلاس وورك برضو اذا بقى كوزات اشتغل عليها

لاتضيق وانا اخوك ولا تفقد الامل ولا شي ترا قدامك أمل كبير بالنجاح وخل ثقتك بالله كبيره

الخوف حلو لكن اذا استغليته

استغل الخوف بحيث انه يخليك تذاكر وتجتهد لاتخليه يكون سبب بإحباطك واهمالك

بذكر لك قصة باختصار صارت لي

بأحد المواد بالجبل داخل الفاينل وانا تقريبا راسب

خفت صراحه وقطعت المذاكرة تقطيع

طلعت بدي بلص مو دي

يعني قريدين فوق الإف من الفاينل بس

شد حيلك وانا اخوك وخل ثقتك بربك اولا ثم بنفسك كبييييره

 

لا تتحطم ولا شيء ..

ذاكر وحل زين بالاختبارات وامورك تمام

 

مدررسنآ قآل اللي مجموع الميجرين اكثر من 24 وضعه في السليم

لاتخـآف يالغآلي ، ترآهآ تستآهل المحـآوله ..

 

لا تيأس من رحمة الله وانا خوك ترى درجاتك في الماث مو سيئة انا مجموعي كان تقريا نفسك يوم كنت اوريا
لسه باقي كلاس ورك من 24 وفاينل تكفى اجتهد حرااااااااااام تضيع نفسك بالإحباط والله اني مريت باللي تمر فيه أفضل حل هو التوجه إلى رب العالمين واجتهاد ولا توتر نفسك وأهلك خل بالك صاااااااافي
easy on yourself

ملاحظة:لو كل يوم تخلص two sections in math مع الأود نمبرز والريسايتيشن مع التركيز على الماتيريال الأخير من الكتاب راح تجيب فوق ال30 في الفاينال بس سو الي عليك والباقي على رب العالمين

 

جايب هالدرجات وزعلان ..؟

الميجر الأول أنت جايب 16 والأفرج كان 15


يعني كنت فوق الآفرخ


الميجر الثاني 10 وأنت جبت 9 يعني تحت بدرجة ..


الفاينل رح يكون سهل وإذا ماكان سهل الباس رح يكون من 54 أ و53 حتى ..


أنت الحين عندك 25 درجة في الكلاس وورك قل بتاخذ 15 هذي أربعين ..

يبقالك 20 درجة في الفاينل


والفاينل رح يجي تااااااااااافه لأن الميجر الثاني كان نار ..

 

السلام عليكم ورحمة الله وبركاته

شف وانا اخوك
وقسم بالله العلي العظيم ان الله ما يخيب من احسن الظن به وبذل الاسباب

كيف تقول فقدت الامل ............والله اني زعلت يوم قرأت مسلم يقول كذا

لية ياخي.........كيف تيأس من رحمة الله والله يقول عز من قائل ......

بِسْمِ اللهِ الرَّحْمنِ الرَّحِيمِ {وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ}

يا خي ادع الله وانت موقن بالاجابه

وقد قال النبي صلى الله عليه وسلم : (ادْعُوا اللَّهَ وَأَنْتُمْ مُوقِنُونَ بِالْإِجَابَة) رواه الترمذي (3479) وحسنه الألباني في صحيح "سنن الترمذي"


واعرف ان مهما صار فهو مكتوب لك فتوكل على الله العظيم وابذل الاسباب ((مو تقول توكلت ولا تشتغل ))

وبعدين وانا اخوك ترى هذي دنيا بس زائله فلا تقهر نفسك وتزعل....
الهم وانا اخوك هم الاخرة الله يجعلنا من اهل الفردوس الاعلى


واسال الله العلي العظيم رب العرش العظيم الاحد الصمد اللذي لم يلد ولم يولد واللذي لم يكن له كفء احد ان يفرج همك وكربتك وبدل حزنك بفرح ويجعل لك من كل ضيق مخرجا ومن كل هم فرجا
ولنا وجميع المسلمين والمسلامات و يوفقنا ويسر امورنا ويغفر لنا انة هو القادر سبحان

قولو امين

وصلى الله على سيدنا محمد وعلى اله وصحبة اجمعين

 

أخوي لا تخلي الماضي يأثر فيك انت شوف وش باقيلك و تراها أبدا موب مستحيله

الماث وضعك فيه موب سئ وانت قادر على انك تعديه بشرط انك تذاكر و تشوف وش باقيلك و تركز عليه

الله يوفقك و ينجحك و نشوفك من طلاب الأونر في الجبل

موفق

 

قسم الانجليزي 90% كذابيييييييييييين

لا تخاف منه ...اصعب شي يمر عليك فيه هو التوفل ...ورح يدرسوك التوفل بكتاب سهل ويجي بمستوى عالي فانت اشتريلك واحد من جرير واتدرب عليه

اما الماث فلا تخااااااااف ابدا...باقي 35 بدون الكلاس وورك...يعني بالعربي فكر في القريد...تقدر تجيب b بسهولة ^_^

الله يعينك ويسر لك دربك

 

يا شباب أنا جبت 11 بالميجر الاول و 11 بالميجر الثاني ! هل فيه إمكانية إني أنجح >< !

 

خذ العبره مني انا الدفعه الي قبلك اول ترم حملت الماث + الانقلش+انقطعت عني المكافأه ومع ذلك كان املي في الله كبير ثم في نفسي + كنت اتخيل صورة ابوي لو قلت له اني انطردت كيف راح تكون ردة فعله فازداد اصرااار

 

عندك امل , باقي الكلاس وورك وعندك الفينل هذولا 60 درجة , يعني شد حيلك والله يوفقك

 

عآدهـ اذآ زآآآد عدد الكوزآآت عن 5 المدررس يختـآآر لك افضل 5

+ اذآ كآن الكلاس تست اكثر من 2 يآخذ لك افضل 2

صدقني المدرررس بيعطيك درررجه كلآس ووررك تبيض الوجه ان شاء الله ،، اللي عليك حـآول انك توريه انك مشتغل معه يعني :

حل الهوموركآت البآقيه ( الاونلاين و الكتابه ) + حـآول تجيب درجه حلوه في الكويز الجآي او الكلاس تست الجآي + لآتغغغغغيب ،، وفآآآلك الـ جبل بإذن الله

 

ما رديت الا لأني حسيت بأحساسك هذا من قبل و ابيك انت و الي معك راسبين في التحضيريه تتطمنون

انا الترم الاول في التحضيريه رسبت في الماث و الانقلش و الفزكس ما بقى الا البي اي و الستدي سكلز اخذت على سي
فيه اسواء؟؟؟
نفسيتي كانت جدا جدا تعبانه و عزمت اني انسحب و اقدم على سعود لكن الوالد جزاه الله خير اقنعني و شجعني و كملت تخيل الترم الثاني و الترم الاول من السنه الي بعدها اي ماده ارسب فيها اوت من الجامعه

لكن توكلت على الله فقط
لا مذاكرتي و لا اجتهادي صحيح اني عملت الكثير و تعبت لكني كنت موؤمن ان لا عقليتي ولا مذاكرتي رح ينجحوني بس ربي وحده هو القادر

و لله الحمد عديت كل المواد و هذا انا في الجبل اقولك ما فيه اي فرق بين مستوى الطالب الي تأخر بالتحضيريه و الي طلع بسرعه بلعكس
الي تأخروا انقليزيتهم افضل و غير كذا جديين و مهتمين بالدراسه اكثر بحكم انهم متأخرين و مروا بمرحله صعبه علمتهم الجد

اذا انت نفسك في البترول لكن الي مخوفك بس التحضيريه اقولك توكل على الله ولا عليك بتعدي كل المواد لكن خلك ايجابي و بالنسبه لديبارتمنت الانقلش تراهم هم و مسيلمه الكذاب واحد