لغتك.. كيف كانت وكيف صارت؟

وعليكم السلام ورحمة اللع وبركاته

القرامر كان سئ جدا والفوكاب متوسط لاني كنت اظن اللغة حفظ كلمات فقط

وبعد نهاية الاوريا اصبح القرامر عندي ممتاز والفوكاب ممتاز

بس ما زالت عندي مشكلة في السبيكنق

ومين قال ان المحاضرة الوحدة خليط ؟

الدكتور في بداية المحاضرة يقول ايش تحبوا ندرس اليوم وحسب التصويت يمشي كامل المحاضرة

وبما ان عندك 4 محاضرات فممكن تركز على 4 مهارات في اليوم

الله يعافيك

 

كيف كانت لغتك وكيف صارت

الحمدلله كانت سيئة وصارت بيرفكت مااشاء الله وسافرت امريكا بعد م خلصت الانجليزي اختبرت الانقلش حصلت النقص ف السبيكنق والحمدلله عززتها بشكل كبيير والحمدلله حاليا عال العال جددآ حبيت هاللغةة وشكرا للبترووول



الله يعاافيك حبييبنا واهلا فيك بالبترول بين اخووانك

 

آهلن صديقي ف الـ kfupm !
ف البدآية لغتي صفر > الفوكآب ينعد ع الاصابع .. والقرمر لآ تعليق .
عآنيت نفسيا ف كل الموآد ..
لكن الحمد لله بعد سنة ونص > عديت التوفل )’
كل مدرس له طريقته ف توزيع المهآرات
ف تجد فييه مدرسين جيدين بمهارآت وسيئين بمهارآت !
بشكل عآم > ذاكر واحفظ فوكآب .. تعدي التوفل .
بِ آلتوفييق يَ رب

 

كانت سيئة جداً وتطورت بشكل كبير في السنة التحضيرية

 

كيف كانت لغتي ؟ أخخ تصدق أني كنت ما اعرف الحروف والارقام .

اما الان وحالياً أصبحت اقرأ واكتب واسمع بشكل جيد جداً أما السبيكنق اتكلم ولكن ماهو بذيك الطلاقة .

طبعاً السبيكنق تقدر تطور نفسك بس يبيلك جهدد , وعلى كلن إذا ماشديت على نفسك وأبليت جهد منت ماشي في الجامعة .

 

كانت سيئه جدن جدن
ثمن صارت سيئه ولله الحمد ،،،

 

رغم اني كنت قوي من ناحية الفوكاب والقرامر، إلا ان كل ذلك مايفيد إذا ماكنت تمارس اللغة وتتكلم مع غيرك بها
الشي اللي أضافته لي الجامعة بتعلم اللغة الإنجليزية هو ممارستها بالبيئة الجامعية، مما خلاني أقدر أتكلم بشكل أسرع وبشكل أكثر طلاقة
عادةً من المشاكل اللي الشخص يواجهها بتعلم اللغة انه مايقدر يعبر بشكل أسرع لما يرد على شخص، لكن الكلاسات والساعات الطويلة اللي تقضيها طول اليوم راح تقوي عندك مهارة السبيكنق بشكل أسرع وبخليك تعتاد عليها، طبعاً اذا كنت حاب تتعلم وتشارك
وبلا شك الاستماع بيتطور مع كل ذلك لكثر الاستماع للمدرس والمدرسين الثانيين

 

كانت زينة و صارت ازين
الجامعه مالها فضل ولا علاقه.

افلام , العاب , برمجه , و شات ليل نهار .

 

كانت زينه وعندي فوكاب
بس ما اعرف اسولف
اعرف وش ابي اقول بس ما اقدر المشكله ان الفوكاب اعرفه
بس لما مارسته بالجامعه استماع وكلام اربع ساعات يوميا تطورت كثير بالكلام وصرت اعرف اسولف وارد بنفس اللحظه


لا تخاف بتجيك اللغه والفوكاب "غصب"

 

كانت جيدة نوعا ما وبذاك الوقت كنت أحسب نفسي أطلق واحد

لكن دخولي للجامعة طور جميع المهارات ما عدا السبيكنق << ما كنت أشارك

بعدها أنا طورت من نفسي بالسبيكنق وطبعا لو تمارس اللغة بتلاحظ تحسن كبير ومع الوقت تبدأ تتكلم بطلاقة ..

نصيحتي لك شارك ولا تخاف من الخطأ لأن الخوف بيمنع تطورك ..

إذا ما عرفت شيء أو ما فهمت إسأل كلنا جينا نتعلم ..

وربي يوفقك

 

اللغة كانت تقريبا صفر ودخلت مستوى 00
والآن الحمد لله ، تطورت بشكل كبير وهذا بفضل الله اولا ثم بفضل البيئة الجامعية

لاتخاف من اللغة راح تكرهها في البداية... لكن بعد فترة راح تشوف انك اتحسنت بشكل كبير .
وراح تتفوق على كل أخوياك اللي في الجامعات الثانية .
أهم شي لاتتحطم من الاختبارات ونفس الوقت لا تسحب عليها وتطنش الدرجات السيئة ....وحاول تحسن مستواك في كل اختبار ....
الدراسة اول بأول هي مفتاح هذي الجامعة...سواء ماث او انجليش
حط ساعة للانجليش ونص للماث وبإذن الله راح تكون في السليم..
بالتوفيق