للمطالبين بقناة mbc

يا رجل يرقدون .

و الله ما معهم إلا غبار .

 

بسم الله

لا فض فوك

 

لاحول ولاقة الا بالله العلي العظيم


يااخي شوف اللي يصلحلك ولاتحرم غيرك

الاختلاف في وجهاة نظر علماء امتنا الاسلاميه موجود في كثير من الامور لعل من ابرزها مسألة الموسيقى وحلاقة الذقن و تطويل الشعر وغيرها

انا لست بالمفتي هاهنا ولا تسألني لاني كرت ان هذا الاختلاف بين العلماء وليس بيني وبيتك

خلي الناس تشوف اللي تبغاه

واذا شايفه حرام لاتتفرج

سلام

 

يسلم بُؤّك

 

ياشباب قطع قناة ان بي سي صار ضررها اكثر من مصلحتها وخاصة ان شباب الجامعة صارت المقاهي والشيشة ملاذ لهم وخاصة في رمضان على شان طاش ماطاش .
هل يرضيكم هذا الكلام ؟
وفي اقتراح انهم يشغلون القناة في وقت عرض البرنامج فقط وبعدين يقطعون البث وارى في ذللك انه اخف ضرارا للحفاض على الشباب من الخروج برى الجامعة وشكرا

 

ما أدري في ناس غريبة بشكل

ياناس يا عالم

إذا إنت ممنوع عليك هذه القنوات في بيتك نحنا مسموح عندنا

ترى مو لازم كلنا نكون من نفس البيئة

في ناس ما عندهم تلفزيون في بيتهم،، ليش أنا تعيشني زيهم

أنا ما جيت معسكر جنود ،،، أنا جيت جامعة البترول

وبعدين أبغاك تقنعني إنو في طالب في البترول ماعنده Mbc في بيته الأساسي

وإللي ماعنده يكون من الشواذ ،،، والمفروض نمشي هنا في الجامعة على الدارج في عامة الناس

 

بسم الله

بل نمشي على ما يرضي الله ورسوله

يقول سبحانه : ( قل للمؤمنين يغضوا من أبصارهم ويحفظوا فروجهم )

وهذه القنوات متفننة في عرض مفاتن النساء وعدم الحياء من الله سبحانه

لا أحد يجي يقول هذا فيه خلاف

أو إن كل القنوات كذا

لو كل العالم يشاهد المحرمات ما أحد راح يدافع قدام الله سبحانه من هالعالم

الواحد إذا خاف من الله واستشعر هيبة الله يعرف اللي له واللي عليه

 

هههههههههههههههه

ابو الشبابmis21 مسك الاعصاب حلو ينصحو بيه وخصوصا في رمضان

ههههههههههههههه

المهم...

اخواني الصراحة كل شي اذا زاد عن حدو انقلب ضدو

وعاد انا معاكم ام بي سي ضررها ساير اكثر من نفعها

وانا معاكم ان فيها برامج مفيدة ويها برامج مدسوس السم في العسل!!!

وعن نفسي وجهة نظري الشخصية كالتالي :

اولا : اغلاق القنوات مهو شغل الجامعة

يعني الجامعة حتقعد تربينا في كل شي وتمنع عننا كل شي وكانها ابونا مثلا؟؟

مو الشباب ساروا يتكوا في القهاوي ومدين الدراسة طناش!!!

يعني ايش الفايدة لما الجامعة تمنع

ممكن الجامعة توجه تنصح لكن بمنعها بيجو العالم ويتفرجو بمليون طريقة

ومنها الاريال يعني ما اتحلت المشكلة

ولكن لو جينا للطالب وقلنالو شوف كيف الغلط اللي فيها واحكم بعقلك

حتى لو الف قناه اخس من الام بي سي قدامو مح يتفرجها

والتلفزيون فيه الخير والبطال

والله اعطانا عقل عشان نعرف كيف نستخدمو




ثانيا : انا عندي تلفزيون ومرمي في الغرفة ولا لحقت اشبكو حتى هادا الترم

والصيفي ممكن ما شغلتو الا كم مرة

يعني اصلا غط الجامعة ما يخلي عندك وقت لا لتلفزيون ولا لغيرو

احنا قاعدين نكافح عشان نغلق امورنا في الوقت المحدد

ونتجاهل اوقات الفراغ بس عشان نقضي الامور المهمة...

المهم هذي وجهة نظري...

وسواء جات ولا ما جات انا مو فارقة معايا

سواء الام بي سي ولا اي قناة غيرها

 

بسم الله

تعديل للكلام اللي فوق:

ما أحد من هالعالم راح يدافع عنك يوم القيامة أمام الله سبحانه إذا سألك عن ما نظرت إليه عينك

ما تقدر تجاوب بأن كل الناس كانت تطالع

قال تبارك وتعالى { وإن تطع أكثر من في الأرض يضلوك عن سبيل الله }

النجاة النجاة ( وما تدري نفس بأي أرض تموت )

 

جزاااااااااااااااااااااااك الله ورحم والديك للحين الامة بخير

 

بالله عليكم كم واحد مننا عند أهله تلفزيون ودش

99% عنده عرب سات
98% عنده نايل سات
أغلب الشعب السعودي عنده Art - بسبب كأس العالم
50% عنده هوت بيرد

يعني إنت عامل نفسك تحرم الطلاب من شيء هم أساسا عندهم في بيتهم

حتقول لي إنه إنت ما عندك في بيتك،،، طيب أنا مالي ومالك

ياهوووووو فكروا ،،، على حسب كلامه

نمنع السيارات من الطلاب لأنه في منهم ما عنده سيارات في القرية
ومسموح فقط بالجمال

 

هههههههههههههههههه

صح لسانك ،، والله كلام سليم

 

بسم الله

هذه الإحصائيات ما هي فتوى بجواز النظر إلى الحرام

الأكثرية لا تغير الحكم الشرعي

ما هو موقفك من قول الله ( قل للمؤمنين يغضوا من أبصارهم )

يعني إذا صارت هالقنوات التي لا تستحي من الله موجودة في بيتي صار النظر إليها حلال

اللي مالك وأنا أخوك هو قول الله ( قل للمؤمنين يغضوا من أبصارهم )

هذه الآية مبدأ يتمسك به المسلم ولا يغره الكثرة اللي لا تهتم لهذه الآية

ولو كان لحاله وكل العالم تخالفه ما دامه على الحق

لأنه اللي قاله هو أعلم بمصلحته من نفسه

شف يالحبيب إحنا أكثرنا ما يعتبر إلا إذا طاح الفاس بالراس

إذا الواحد شاف أثر هذه القنوات في أخلاق إخوانه أو أبنائه ذيك الساعة يندم

والندم الحقيقي في ساعة الموت

المسألة ما هي مسألة تشدد

المسألة يخوي مسألة طاعة لله سبحانه

أنا وإنت يخوي محاسبين على ما نعمله

يقول سبحانه ( إن السمع والبصر والفؤاد كل أولائك كان عنه مسئولا )

المشكلة هذا اللي يفكر فيه الكثير

يفكرون اللي يمنع نفسه من رؤية هالقنوات من العصر الحجري @2@

بل والله هو قوي قدر يتغلب على هوى نفسه وعلى إن أكثر الناس يطالعون

السعيد من وعظ بغيره

والموعد والحق يظهر يوم القيامة أمام العزيز العليم

 

علمهم ياسنايدي.... والله فيه ناس يحسبون اننا في عهد أبوبكر الصـــــديق الله يرضا عنه

بس يسمعون قناة ام بي سي... لالالالالالالالالا حرام وفتاوي و...و...ووووووووووووووو صداع

وخلوها اباحية !! صدق من قال وش بقى ماظهر يازمن العجايب

 

السلام عليكم ورحمة الله وبركاته

اشكر لكم نقاشكم الجميل والرائع حتى الان

وحبيت اطرح رأيي فقط

القناة فيها اشياء واجد حلوة و مميزة ومع ذلك فيها اشياء تكون غير جميلة

ولكن هذا لايمنع من ان نطالب بها

فاني اعتقد انه لن يكون علي وزر لو طالبت بها لما فيها من اشياء مفيدة وجاء شخص اخر وشاهد فيها مالايرضي الله

سأضرب لكم مثالا:

لو فرضنا ان قيادة السيارة امر ممنوع ثم جئت انا وطالبت باصدار قرار لامانع من قيادة السيارة وذلك لما فيه من الخير الكثير والراحة

وبعدها صدر قرار بإجازة ذلك .... ولكن جاء بعض الناس واستخدموا السيارة في التفحيط وقتل الناس ... فهل اكون انا مخطئأ حينما طالبت بعدم المنع ويكون علي ذنب حين طالبت بقيادة السيارة ؟؟؟

بالطبع لا

فانا طالبت بها لما اجد منها فائدة لي ولغيري فالبعض استخدمها في فائدته وفائدة غيره ومصلحته والبعض الاخر استخدمها في التفحيط وهذا لن يكون وزري بل سيكون وزره هو لانها استخدم هذه التقنية استخداما خاطئا مع معرفته وفهمه لتلك الاخطار الناتجة عن الاستخدام الخاطئ

وبما اننا هنا كلنا طلاب جامعيين فأغلبنا قد تعدى عمر الثامنة عشر سنة وهو مسؤول عن تصرفاته امام الله لان هذا الانسان بامكانه التفريق بين الصح والخطأ في هذا العمر فلن اكون مسؤولا عن وزره حينما يشاهد ما لايرضي الله حينما طالبت بها أنا لغير ذلك كمثال قيادة السيارة تماما

وفي النهاية اتمنى ان لايزعج ماقلته احد فهذا رأيي قلته بكل صراحة قد اكون مصيبا وقد اكون مخطئا

تحياتي

 

الحمــــدلله على العقــــل
ياأخوان كل واحد في عقله في رايه
وكل واحد فينا يعرف الخير من الشر
والله إنها مصخت
مابقي إلا يفرضوا علينا ناخد الرضاعة في وقت معين
ويعطونا ( الزمزميو ) واحنا رايحين الجامعة
ياجماعة أكبروا شويه وارحموا نفسكم
المفروض إنه الجامعة ماتحط ولا حاجة ولا تمنع حاجة
اللي يبغى الشي يجيبه
عاد كويس مو كويس الواحد فينا أدرى بوضعه وكل واحدفينا عارف الصح والخطأ
والله ما ودانا ورى إلا مبدأ ( التقفيل ) هذا
قفلوا علينا كل حاجة
النت
الماسنجر
القنوات الفضائية
ماأدري والله ايش بقي
اللي يشوفنا يقول طلاب روضة ولا تمهيدي

ياجماعة كبروا عقولكم شوي
وربي ماحطكم وصايا على الناس
كل واحد حيتحاسب يوم القيامه لوحده


والله يهدي ماخلق

 

خلاص والله مانبيها...
شاكرين جهودكم...... لمحاربة الرذيلة والنهي عن المنكر

 

لا لا لا لقناة الام بي سي ....احس اني داخل عرض ومطفي النور بعد....

بصراحة انا رايي انهم ما يحطوها لما فيها من المنكرات..بعد شوي بيرد علي واحد ويقول لي "منكرات مرة وحدة"..اقول لك ايه منكرات وخرابيط وزحف ووووو...وبالنسبة للاخوان اللي يقولو ان المقاهي بتمتلي عشان طاش ما طاش وغيرها ..مين اللي قال ان كل الطلاب عندهم سيارات؟ يعني هل معقولة ان كل الطلاب بيروحوا المقاهي ؟..وثانيا اللي بيروح يكون راح للشر بنفسه يعني ذنبه على جنبه...وكمان تعب حاله مشاوير رايح جاي...

ثالثا: لو دخلت الجامعة القناة هذي للسكن بعض الطلاب الملتزمين ربما وركز على كلمة "ربما" يتفرج عليها من باب حب الاستطلاع..فلأحسن باب يجيك منه ريح.. سده واستريح........تحياتي

 

حبيبي فريشمان

بقلك حاجة قناة الإم بي سي قناة حرام برأيك وإباحية وفاسقة

بس هذا مو رأي الجميع لييييييييييييييش

لأننا لما نشاهد القناة فمهي نيتنا نثير شهواتنا ولا شي

ولكن نبغى نتسلى ونضحك فقط (ولا الضحك حرام)

وحتى لو كانت نيتنا مهي كذا فإحنا إلي حنتحمل الوزر مه إنت

وجزاك الله خير على النصيحة وإنت سويت إلي عليك