ما عاد ابغى اذاكر !!

أنت خايف من مواجهة كــتــبك


فكر فيها ,.
ما فات الا 3 اسابيع (9 أيام رسميه) << الان يمديك تدراك أمرك ,,

لكن لا تتأخر عن المذاكره لأن كل يوم يطوفك تذكرك وقدرتك على فهم الماده راح تقل ,,

أما أذا بدأت الان راخ تشوف الفرق

 

تجيني الحالة هذي بعض الاحيان
الافضل انك تجزء المذاكرة بحيث انك ماتذاكر اكثر من ماتطيق خذلك بريك بس لاتطول وارجع ذاكر
وتأكد من حاجة وحده اذا حسيت نفسك داخل جو بالمذاكرة اذا خرجت من هذا الجو صعب ترجعلة
وماقول الا الله يوفقك لمياجرك

 

والله حتى انا يجيني هالشعور ..
لكن بمجرد ما أبدأ أذاكر خلاص الوضع يصير اوكي..

أبتدي المذاكرة بأحب مادة لي>>مع ان كلهم ما أطيقهم ..
أذاكرها شوي وأحوّل ع المواد الثانية ..

 

نفس الوضع بالضبط فما ابي اتفلسف عليك
لكن أقل شي تسويه أنك تحاول تذاكر في مكان ثاني غير الغرفة
الكومن روم ----->المسجد---->المكتبة

 

والله أنـــــــا مثلك أمر بنفس الحالة ..

- صل ركعتين وإرفع أكف الضراعة لمن يسمع الدعــاء .
_ خذلك دورة ممشى بأي مكــان تحبه ،
- فضفض بمكالمة جوال بس إبتعد عن أي طالب بترولي.
- وأخيراً التجديد في مكــان المذاكرة ، والبعد كل البعد عن شي اسمه كمبيوتر .

وأخيراً التقييم إذا حلولي جلبت لك نفعــــــــــــــــاً


وبالتوفيق حبيبي

 

اهم نقطتين بعد ذكر الله ولعن الشيطان

احسنت ولك احلى تقييم اذا قدرت

 

أغلب الطلاب يمروا بمثل حالتك ، واللي ما تجيه مثل هالحالة هذا فيه عقدة نفسية ، لكن بس تمسك الكتاب أو السلايدات (ابدأ بالأكثر تشويقاً منهم) تمشي الأمور ولا ودك تتركه ، وحاول تحل أسئلة بعد كل درس (علشان تفرح نفسك وأنك سويت شيء له قيمة)

ونفس ما قالوا الشباب
أولاً : اتصل على أهلك ، وخصوصاً أمك واضحك ونكت وسولف معهم ، لكن إياني وإياك تقول لها ماني مشتهي أذاكر ، لأنها بتخاف عليك وكل شوي تتصل وتتطمن عليك ، لكن ما ينمع تقول لها تدعي لك بالتوفيق

ثانياً : ذاكر في الغرفة وبس ، لأن مجرد التفكير في مكان ثانية يعتبر مضيعة للوقت وتهرب من المذاكرة
الغرفة فيها كل اللي تحتاجه مثل الكتب والمذكرات ، لكن لو تبقى تروح مكان ثاني مثل المكتبة تحتاج نص ساعة رايح ونص ساعة جاي ويمكن تنسى شيء ضروري ولا تعرف تذاكر

ثالثاً : حاول إنك ما تتعشى مع شباب كثيرين ، يعني أنت ورورميتك وإن كثرت زيدوا واحد فقط ، لأن بعض الطلاب يخربوا عليك ويقولوا لك مشينا نتمشى كلها ربع ساعة أحنا راجعين وفي الأخير تقضي الليلة كلها تمشية
لكن ما يمنع أنك تجمعهم كل إسبوعين

رابعاً : قوي علاقتك بالله سبحانه وتعالى ، ومنها المحافظة على الصلاة ، يعني مو شرط تصير مطوع وتطول لحيتك وتفلسف كثير ، أهم شيء تعمل الواجبات وتجتنب المحرمات وخلاص
لو التزمت بهالنقطة بتحصل الراحة النفسية و الدرجات الحلوة​

 

اعتقد كفى و وفّى

 

المشكله في البدايه
انت بس ابدأ وبتكي اقل شي ساعتين

 

الصراحة تجيني هالحالة إذا كانت المادة صعبة علي، لدرجة إني ما أودي افتح الكتاب عشان ما اتحطم (الي اخذ فيزكس يعرف هالحالة )..

لأني احس اني اذاكر عالفاضي (منب فاهم شيء)..

لكن اول ما اعدي هالمرحلة (مرحلة فهم الكونسبت والفكرة العامة)، وابدأ احل اكزامبلز وبعدين اخش في العميق (اولد اكزامز)، تصير المادة مثلها مثل اي مادة ثانية، اطقطق عليها من وقت لثاني..


على العموم الشباب ما قصروا معك، بالنسبة لي، اللي علمتني اياه هالجامعة أنه ما فيه شيء اسمه ضايق صدري أو ما لي خلق.. متى ما احتجت اذاكر (واجب، كويز...) ذاكرت بغض النظر عن النفسية..

 

+ 1

أخوي أنآ الآن أمر بحآلتك بالظبظ .. الأسبوع الجآي كله كويزآت + عندي هوموركآت لليل ومآ قدرت أسوي شي فيهم .....

ممكن المشكلة من الغرفةة .. حآول مآ تذآكر بالغرفة لأن يكون حولك ملهيآت كثيرة ( اللاب توب، الجوال، التلفزيون .. إلخ إلخ إلخ )

فلذلك حآول تغير مكآن المذآكرة وتروح لمكآن مآ فيه ملهيآت كثيرة وشف كيف يمكن يظبط وضعك ..
يعني مثلا جرب المسجد .. أو المكتبةة أو شف لك كوفي قريب وهآدي ينفع للمذآكرة ..

الله يوفقك ..

 

اشرب حليب السعوديه وراح تحس بالفرق

 

خاصة الاخيرة والاولى

اجمل ما قيل للان ​

 

من جدك !!!!!

الرجال يحتاج مساعدة وتقول اشرب حليب السعودية!!!

الله يصلحك...

 

فكر بالمستقبل والزواج و الابناء وانك مسؤول عنهم و عن نفسك


ذكر نفسك بهالشي وتتحمس ان شاء الله

>> طالب يمر بحالتك دايم

 

كلمة واحدة اقولها لك :: اسئل نفسك ليش تكره المادة ؟

بعدين فكر في ايجابيات مذاكرة المادة وكيف راح تصير سهلة !!! <<<<<<<< هذا كله كلمة واحدة

 

و اللي ماله نفس يفك اي ماده وحاول وما نفعت المحاولات ؟

 

لا تضغط على نفسك, وزع وقت المذاكره, مثلاً نص ساعه الظهر ونص العصر ونص المغرب والعشاء راحه يعني كل يوم ساعه ونص الى ساعتين في الاسبوع 10 مذاكره بتطلع بنتيجه كويسه وضغط قليل ..
وشكراً ..

 

شوف يالطيب انا بالنسبة لي عندي كم نقطة يمكن تساعدك ان شاء الله
طبعا بعد تقوية العلاقة بالله و التوكل عليه ثم التواصل مع الاهل
​

1- فكــر بطموحاتك :
يعني لا تحط ببالك انك تعدي بهالكورس و خلاص حط ببالك انك تصير واحد ممن تضل الجامعة تفتخر فيهم و تضرب فيك المثل للأوريات
و دائما حط ببالك ان اللي سووا هالكلام ما يختلفون عنك بشيء وإسأل نفسك انا ليش جاي هنا
الجواب جيت عشان تثبت نفسك و تبرز قدام الناس انك موجود لتحقيق هدف معين و منت طالع لين تسويه

2- حدد لك مدة مذاكرة معينة :
مثلا تمسك كتاب (....) و تشوف انت متأخر قد ايش ؟؟
ما أظن انه واجد بحكم اننا بالاسبوع الثالث و قول لنفسك انا مو مكثر ثلاث سكاشن و انا قافل الكتاب و فعلا لا تكثر الا في حال استمتعت ( ولو اني أشك ) لكنها تحدث
طبعا ادري ان الصعوبة هنا لأنك ما ودك تفتح ابد لكن الخطوة الاولى بتساعدك على فتح الكتاب

3- لا تخلي صعوبة المواد تؤثر عليك
النقطة السامجة اللي ما تعرفها طير عند الدكتور بالاوفيس او اي دكتور ثاني و ما راح يقصروا معاك
و اعتبرها تحدي لك انك لازم تفهمها

الخطوات اللي فاتت بتخليك ان شاء الله تتذوق حلاوة طعم التفوق
و ان كنت ممن تذوقها فسوف
ترجع لك ذاك الشعور
شعور دخولك لجامعة الملك فهد كأحد ابرز طلاب المملكة من دفعتك
​

اخيرا نسأل الله العلي القدير ان يوفقنا لكل ما يحب و يرضى
و بالتوفيق يارب لنا و لكم








​