متحطم ،!

انحاش
ادرس قريب من اهلك افضل لك
خمس سنين عمر كامل

 

الغربة تصنع الرجال
وموب انت لحالك كلنا مثلك واخس لكن الله يعين .. !

 

خلص السنة التحضيرية على الاقل عشان تتعادل لو بتنسحب في اي جامعة تانية

ولسا يا دوبك كملت ربع السنة

عندك فترة المياجر التانية يمديك تعدل فيها بكل سهولة

اعتقد ان مشكلتك كالعادة في الانجليزي والرياضيات

راجع الادفايزر عشان يوجهك

واذا عندك دروس مو فاهمها او اي اسئلة اطرحها هنا

واذا احتجت اي مساعدة كلمني خاص وقد ما اقدر بساعدك

 

تنسحب الحين ووين تروح ؟
اكيد بتجلس بالبيت فاضي ويمر وقتك بدون فايدة

ما أقولك اجلس بالبترول ، لكن لا تطلع قبل ما تخلص الأوريا على الأقل
فيها خبرة لك في اللغة الانجليزية والمواد الثانية ، وزي ما قال أخوي اللي فوق تقدر تعادل المواد اللي اخذتها بالجامعة

بعد الترم الثاني ، ان ضبطت أمورك استمر بالبترول ، وان ما ضبطت تقدر تطلع لآي جامعة وعندك خبرة كبيرة

اتمنى لك التوفيق ،

 

ترا كلنا احنا واجهنا نفس المشكلة
بس حاول تاخد نصائح طلاب الجبل اللي تعرفهم في المادة اللي انت ضعيف فيها وان شاء الله تمشي وفالك الـ a+

 

السلام عليكم ورحمة الله وبركاته

اعتقد اللي تمر فيه انت الحين 99بالمئة من الطلاب مروا فيه .

واذا تبي الحل فالحل بيدك الانك اكثر واحد تقدر تساعد نفسك .

اخوي حدد مشكلتك مثلا انا ضعيف في الرياضيات لازم اشوف وش المطلوب علي عشان اجيب درجات كويسة حل اسئلة الكتاب الفردية +اولد اقزام+ريسايتيشن+ثقة+توكل على الله وهو الاهم

ضعيف في اللغة الانجليزية اقراء +ترجم+احفظ الكلمات اللي عليك +طور نفسك في اليسننق.

 

never give up

 

لا تيـأس الان ,, تــونا ماوصلــنا نــهايه السـمستر الاول .. صـدقــني كثــير من الشـباب مثلك فـكروا نفس تفكيرك لـكن ماطلـعوا من الجامعه والحين هم من الاونرز .. يـاعـزيزي الاوريا ولو كانت درجاتك مو بـ المســتوى راجع نفسك شوف اخطائك ويــن مكمن المشـكلة ويـن .؟ مو مشـكلة انك تعيد كورس من كورسات الانجلش او الماث .. لـكــن لازم ثم لازم ثم لازم انك تراجع نفسك وتلتفت لاخطائك وتحددها وتـحلها .. وفــالك الاونر .. اجـتهد اكثر على نفسك وراح تحصل الناتج

 

الاوريا كانت مرحلة عصيبة و خصوصا ان الدوام ثقيل
لكن توكل على ربك و حدد كم درجة تحتاجها عشان تنجح و استغل الساعات المكتبية للمدرسين
خليك مكافح اذكر زملائي حولوهم لكلية المجتمع و رفع درجاتهم و رجعوا للجامعة و هذا هم اتخرجوا قبلي انا اللي خلصت التحضيرية بترمين و صيف

لو لا قدر الله عديت الماث و الانجلش ترجع الترم الجاي تشد حيلك من البداية و يكون عندك دافع و تعدي و لما تطلع للجبل الدوام اخف من التحضيرية و يكون عندك وقت كافي للمذكرة و الفلة

 

مروا فيها واجد ..
شف أنت شد حيلك في السنة التحضيرية , وطور نفسك فيها
لكن مو معناتها انك ضعيف في مادة معينة انه راح يأثر عليك
معدل التحضيرية مب محسوب وإن شاء الله تدخل التخصص اللي تبيه فاا شل فكرة انك راح تنحد على تخصص معين
خل همك في التحضيرية انك تطلع منها مستفيد , متأسس صح في الماث والانقلش خصوصا
ووسع صدرك ..
وآعيد تراه شعور طبيعي يمر على الكل
توكل على الله وراح تسلك أمورك ان شاء الله ,, موفق

 

والله فيه ناس ودك تملي فمها تراب قبل لا تتكلم ..

عزيزي خالد
* الاوريا فتره عدوها ناس كثيرين وجابوا فيها معدلات عاليه وفوق ال 3 > انت موب ناقصك عنهم يد ولا رجل .. انت قادر تصير مثلهم واحسن منهم

* عزيزي خالد ، انتبه من الناس اللي يحطمونك ،، فأنهم اما ان يكونوا احد النوعين :
الاول: دافور يشتكي صعوبه الجامعه خوفا من العين ،، وانت وقتها تصدقه وبالاخير تلقاه من السليخين بالدرجات
الثاني: واحد داااج جايب العيد ،، وهذا ينطبق عليه المثل( العفن يبي كل اللي حوالينه عفون مثله ) .. فأنتبه من هالاصناف الرخيصه

* عزيزي خالد، اعرف ان راح يجي يوم بعد ما تتخرج بإذن الله، انك تحمد ربك انك خريج جامعه البترول لرغبه الشركات فيك وكثرة الوظايف اللي راح تواجهها ..

* عزيزي خالد، الجامعه مافيها صعوبه ابدا .. بس يبيلها كرررف .. وهالشي كل واحد يقدر يسويه ،، لكن فيه اللي يبي يوصل الاونر ،، وفيه اللي يبي يتخرج على الحفه .. وبالاخير المسأله محسومه على كمية الكرف اللي كرفته بالجامعه

* اذا لك رغبه بالجامعه ، شد على حيلك ، اتعب ، اكرف ، اسهر الليل ،، ترتاح اكثر في المستقبل ..
اما تضيع دراستك الان وترتاح وتفلها وطلعات ووناسه ،، تندم في المستقبل على اللي فات ..​

 

هههههه
والله شي طيب توك تفكر انك تنسحب
انا ياطويل العمر اول يوم دوام كلمت اخوي قلت له شغل مكيف غرفتي ابرجع
قال ليه
قلت له مستحيل اعيش بهالجامعه مستحيل استحمل الكرف ومستحيل ومستحيل
عطاني كم كلمه وكم تحفيز
الحمد لله خلصت الاوريا والان بالجبل بكل حيويه وامل للافضل
انت كرفت بالتحصيلي والقدرات والثنوية
اكييد مرت عليك اياام بالاختبارات النهائية مانمت الا ساعتيين
اكييد مرت عليك ايااام اصعب من ذي من محاتات الدرجاات حق القدراات وكل اشوي مشيك على الموقع
واول ماطلعت ورقة القبوول للبترول فرحت وفرحت اهلك
وحققت هدفك ل٣ سنوات بالثنويه واللي كنت تطمح له
واخر حاجه لمن جاتك البترول وخلتك تدخلها تقول موب مشتهي ومتحطم
انت اشتغلت وكرفت اسابيع وشهور وحتى سنوات ولا تحطمت لاكن شهرين بالجامعه وتتحطم
اجل كييف لمن تتخرج من الجامعه ويجيك مسؤوليات وامور اعظم من الجامعه
نصيحتي لك وخلها حلقه بإذنك وكل اشوي كررها
اعرف وش اللي شاغل بالك واللي مخليك مهمووم
هل هي الدرجاات ولا البعد عن الاهل ولا اللغه ولا وشو
طريقة المذاكره لكل ماده تفرق يعني الماث تفرق عن الانقلش
الماث لازم(نوت دكتورك+الكتااب+اول اقزااام قبل المياجر والفاينلات )
الانقلش لازم(مذاكره يوميا +اسمع كثييير لبودكاستات الانجليزيه ولازم حاجه تحبها مثلا كوره تكنولوجيا سياسة اي شي تحبه علشان ماتطفش+تكلم مع مدرس واهذر وياه +اقرا قصص او تابع افلام وثائقية وحط الترجمه بالانجليزي لو كانت لغتك كويسه(٠٢ وفوق يعني )
تذكر هالفتره فتره اختبار لكم ياشباب (كرف وقت وكرف مذاكره لاكن انشاءتعديها)
انت كفو وتقدر تعديها باأعلى الدرجات
ولا تنسى صلاتك واستغفارك تراها تشيل الهمووم وأسآل مجرب.....
وفقكم الله وسهل عليكم

 

يا ابوي تعوذ من ابليس , الاوريا عبارة عن حرب نفسية يسقط فيها اللي ماعنده عزيمة واصرار ومثابرة , شد على نفسك شوي وصدقني صدقني درجاتك النازلة مب عيب فيك ابد!!! , اردع لنفسك هل انت ذاكرت قبل الميجر بيوم يومين ثلاث ولا قبله باسبوعين ثلاث !!


محدثك جاب في اول ميجر له في الجامعة كان ميجر ماث 001 كنت احسبه زي اسئلة الكتاب اللي يحلها الدكتور في الكلاس وكنت اقول ايه سهالات يارجال وادخل للميجر انصدمت!!! كانت درجتي 6/20 !!!!!!!!!!!! وبعده الفزكس اتوقع كانت 9/20 وميجر2 كانت 3/20 في هالحدود!! لانه كان اهمال مني!!!

صبرت واحتسبت وشديت على نفسي واستشرت اللي اكبر مني ونصحوني بالاولد اقزامز + مذكرة ايمن جيدة للمبتدئين


درجاتي "الزفت" كانت بسبب اهمالي واستهتاري وليس عيب فيني وفي استيعابي او "غباء" مني

ميجر2 للماث كان اصعب من ميجر1 اتوقع خذت 13 مدري كم كان باقي لي على النجاح! شديت حيلي وثابرت ودعيت الله ووفقني الله وجبت في الفاينل وارتفعت درجاتي لفوق الافرج بمراحل!!!!!! وعديت بسي+ وانا كنت اف !!!


ياحبيبي الغالي لاتتسرع باتخاذ قرارك انا وغيري وغيرك كثييييير جتهم نفسيات في الاوريا وكرهوا الجامعة , ياخي ليش تونا في البداية ليه تحكم عليها من اول شي , والجامعة ابد ابد مب صعبة زي مايقولون , تحتاج شوية مذاكرة وخفف من اللعب وتضييع الوقت


والله يوفقك وعقبال مانشوفك بالجبل


تحياتي لك


طالب210

 

اذا طلعت الان بتقعد ببيتكم !
كمل واعرف وين مشكلتك !

 

تذكر
وش
كنت
تقول
في نفسك
اول ما قبلت في الجامعة
اول ما وصلت الرسالة
اول ما لميت أغراضك مسافر عن اهلك
وعن أصحابك وعن الفلة واللعب
اول ما سمعوا اهلك الخبر ( دخول الجامعة)
تذكر فرحتهم لك
تذكر هذي اللحظات

انا والله متحطم اكثر من
لكن حاط شي في راسي
ما راح اسحب لو يصير اللي يصير
مع اني جايب العيد في كل المواد خاصة الفتره هذي
من انجلش ماث فيزكس
بس الأمل بالله كبير

 

ما قصروا الشباب معكم
وترى ما في شي صعب بس يبي لك تبذل جهد

انا كان لي موقف في الانقلش 001 كان فيه براكتس قبل الميدترم تدري وش كتب لي المدرس

كتب you will not pass

انواع التحطيم كان وبعدها الميدترم تحت الافرج وخلاص كنت ناوي اسحب بس انتظر ينتهي الترم

والحمد لله بتوفيق منه شوية جهد ومذاكرة وعديت 001 بفرق درجة

وبعدها عديت 002 والان الحمد لله كوأب والترم الجاي اخر ترم ان شاء الله