مدى فائدة الMX بدون خبرة

هذا الي انا قاعد أسويه حاليًا وخلصت سنه وباقي سنه علمًا اني تخرجت في 211 وللحين ما حصلت وظيفه

 

وعليكم السلام

الف مبروك التخرج والله يرزقك بالوظيفة اللي تسعدك

بلا شك إن المعدل مهم جدا ومن أهم معايير التقييم بالنسبة لك كحديث تخرج ، لكنه ليس المعيار الوحيد و مستحيل يكون سبب عدم حصولك على وظيفة خصوصا إن عدد الوظايف المطروحة يعتبر جيد ولله الحمد. نصيحتي لك حاول تقوي سيرتك الذاتية قدر الإمكان بالدورات والمهارات اللي عليها طلب عالي و تأكد إنك تصيغ سيرتك الذاتية بشكل جيد و حاول تقدم على اكبر عدد ممكن من الوظايف حتى ترتفع حظوظك في التوظيف. قد يكون هذا الكلام بديهي ولكن للاسف البعض ما يسويه.

بما إنك خريج ترم 221 اعتقد لك اقل من 6 شهور متخرج إذا ماني غلطان وهذا ما يعتبر كثير ولكن المهم إنك تكون قاعد تقدم وماسك الطريق الصحيح للبحث عن وظيفة.

من واقع تجربتي ، برنامج الماجستير والMX تحديدا يعتبر فرصة ممتازة جداً سواء كنت موظف و تعرف إن شهادة اكاديمية جديدة راح تساعدك للترقي بوظيفتك أو كنت حديث تخرج و تبحث عن مجال ناشئ جديد تبني مسيرتك المهنية فيه. شهادة الMX كانت سبب ولله الحمد في حصولي على عروض وظيفية كثير. و اعطتني امتياز عالي بالعروض الوظيفية اللي وصلتني على شهادة البكالوريس. والاهم من ذلك إنها راح تعطيك معرفة إضافية في مجالات جديدة وهذا شيئ أنت بحاجته كحديث تخرج.

فكرة ممتازة لثلاث اسباب 1-أنت غير موظف وفي بداية مسيرتك المهنية وتملك الوقت إنك تتعلم شي جديد 2- معدلك في البكالوريس راح يكون دافع لك تعوض في الماجستير 3- راح تفيدك في مستقبلك الوظيفي على المدى الطويل.

بعض الشركات تسأل عن معدل البكالوريس ويكون شرط التقديم على معدل البكالوريس ، وبعض الشركات تطلب اخر معدل دراسي ولكن بكل الاحوال الشهادة نفسها بتعطيك امتياز.


باقي اقولك إن كثير من الشركات ما تفرق بين خريج الماجستير وخريج البكالوريس من ناحية المزايا المالية والمسمى الوظيفي وغيرها . ولكن بلا شك إن شهادة الMX راح تكون علامة فارقة في سيرتك الذاتية.

احسبها من باقي النواحي و استخير قبل كل شيئ واسأل الله لك التوفيق.