ملاحظات على فعالية (يوم المهنة)

السلام عليكم ورحمة الله وبركاته

مثل ما أنتم عارفين إننا مقبلين على فعالية (يوم المهنة) واللي راح تكون تقريبا بعد شهر من الآن .. ومن خلال زياراتي لفعاليات (اليوم المفتوح للتوظيف) و (يوم المهنة) .. خرجت بالملاحظات التالية .. واللي أتمنى أن توصل إلى اللجنة المنظمة لهذه الفعاليات .. وأن يتم العمل بها



1- هناك الكثير من الشركات التي لا نرى منها أية جدية في موضوع التوظيف ، وفي الحقيقة .. ما أدري ليش يكلفون على أنفسهم ويحضرون هذه الفعالية .. يعني علشان الشهادة اللي يستلمونها في النهاية .. ولا علشان شغلة التصوير والظهور في الجرايد والصحف .. ولا علشان ايش ؟! وللأسف .. نشوف مثل هذه الشركات يتكرر حضورها أكثر من مرة .. بعضهم والله وعن شئ شفته قدام عيني .. يحضرون علشان تسويق بعض المنتجات أو الخدمات اللي يقدمونها .. وهالأيام طايحين في طبيعة غريبة .. تمر عليهم وتسألهم فيه وظائف - التخصص الفلاني .. يقول لك ايه ؟ تمد عليه cv يقول لك عن طريق الموقع ؟! تسأله عن طبيعة العمل عندهم بالنسبة لهذا التخصص .. يقول لك مدري .. أنا من HR .. تسأله أسئلة ثانية .. ما يعطيك إجابة شافية .. طيب ليش جاي ومتعب نفسك ؟! حط إعلان الله لا يهينك على الإنترنت وريّح عمرك من الجية .. يمكن لو أعطت الجامعة مكان هذه الشركة في الفعالية لشركة ثانية .. كان الوضع أفضل بالنسبة لنا ..


2- عدد الفرص الموجودة في الموقع (http://cday.kfupm.edu.sa) غير صحيحة .. والدليل إن بعض الشركات تكتب إنه مطلوب 100 خريج في تخصص (الهندسة الكهربائية) مثلا .. وبعد إنتهاء الفعالية .. تحصلهم ما أخذوا إلا عدد قليل مع إنه فيه خريجين وبمعدلات مرتفعة .. طيب ليش هالتزوير .. وهل ممكن إن الجامعة تحط آلية أو طريقة علشان تتأكد من صحة هالشئ .. يعني مثلا يكون عندها قاعدة بيانات بعدد طلابها اللي توظفوا لدى الشركة الفلانية .. ومنها راح تعرف الشركات الجادة من الشركات اللي جاية بس تستعرض ! .. الصورة المرفقة توضح الفكرة بشكل أكبر


للموضوع بقية ..

 

3- لازلت من المؤيدين أن تبقى هذه الفعالية لطلاب الجامعة وخريجيها فقط ، ويسمح في اليوم الأخير لكافة الزوار بحضور هذه الفعالية .. سبب تأييدي لهذه الفكرة هي إن هذه الفعالية تقام في الجامعة .. ولازم تكون الأولوية لطلاب الجامعة وخريجيها .

4- في موقع البحث عن الفرص الوظيفية .. يا ليت يلزمون الشركات بذكر الراتب الأساسي بالتحديد ، ويتم تعديل هذا العمود في الموقع ليصبح الراتب الأساسي بدلا من الراتب .. وفي المميزات يتم ذكر بدل سكن 25 % و بدل نقل 10 % وغيرها من المزايا .. تأمين طبي ، بدل ورديات ، نظام تملك المنازل .. إلخ .. وممكن الشركات اللي ما ودها تذكر راتب معين .. ممكن انها تحط الحد الأدنى للراتب .. والصورة المرفقة توضح أكثر

للموضوع بقية ..

 

5- في الموقع الإلكتروني (البحث عن الفرص الوظيفية) .. يا ليت يكون فيه رابط (link) بحيث إنك لو
تضغط على اسم الشركة .. راح تطلع لك نافذة صغيرة تعطيك نبذة مختصرة عن الشركة وتأسيسها ونشاطها وفروعها و طريقة التواصل مع إدارة التوظيف فيها وغيره من المعلومات اللي راح تفيد الخريج .

6- نفس الشئ .. يا ليت لو يتوفر مخطط (Floor Plan) لأماكن الشركات في موقع الفعالية على شبكة الإنترنت ، يوضح للخريجين مكان الشركات ويختصر عليهم الكثير من الوقت والجهد .

7- خدمة الإنترنت مهمة جدا .. يا ليت لو توفر الجامعة (وبالتحديد ITC) .. يا ليت لو يوفرون تغطية شبكة لاسليكة (مجانية) لمنبى 54 بالكامل .. حتى يتمكن الباحثين عن الوظائف من إتمام عمليات التسجيل الإلكترونية والتي تطلبها منهم بعض الشركات الجادة في التوظيف

للموضوع بقية ..

 

8- محتاجين عدد أكبر من الشركات المشاركة .. صحيح إن معظم المساحات المخصصة للشركات هي 3 × 3 م .. بس يا ليت لو تستغل مساحة مبنى 54 بشكل أفضل .. وأحيانا نلاحظ إنه فيه شركات تنسحب قبل بداية الفعالية بإسبوع .. وبعض الشركات ما يحضر موظفينها إلا أول بس يومين !!

9- المقابلة الشخصية .. ليش ما تكون في الفعالية .. كثير من الشركات يكون مقرها في أماكن مختلفة .. الشرقية .. الرياض .. جدة .. إلخ ، ويكون المتقدم على الوظيفة إما طالب على وشك التخرج أو خريج بعده ما حصل عرض وظيفي مناسب أو موظف يدور على فرصة أفضل .. وكل واحد منهم صعبة عليه إنه يحضر عدة مقابلات في هذه المناطق .. ليش ما يكون إلزامي على الشركات إنها تعمل المقابلات في هذه الفعالية .. بدل من إن تتصل على شركة بعد الفعالية بشهر وتقول تعال لنا في الجبيل عندك مقابلة .. وبعدها بفترة تتصل شركة ثانية تبي تحدد مقابلة في الرياض !! وعلى الجامعة توفير أماكن مناسبة في مبنى 54 لمثل هذه المقابلات .

10 -فيه عدد من الشركات تعرض على الخريجين رواتب ضعيفة .. أتكلم عن Full Package يقارب 5000 ريال شاملا كل شئ .. وهذه الشركات تأخذ مساحة في فعالية يوم المهنة على حساب الشركات الثانية اللي ممكن تقدم عروض أفضل للخريجين .. هل من الممكن الجامعة تنتبه لهذه النقطة ..

11 - ياليت لو يتم توفير خدمة تصوير (بسعر رمزي) قبل مدخل الصالة الداخلية أو عند الاستقبال .. فيمكن فيه خريج نسى يصور وثيقة مهمة أو خلصت CV حقته .. فعلشان ما يضطر إنه يطلع برا ويصور الأوراق المطلوبة ويأخذ وقت طويل علشان يرجع مرة ثانية .. لو هذا الشئ متوفر .. عندها يقدر الخريج يصور المطلوب بسرعة ويرجع .


أتوقع هذا كل اللي عندي .. واللي عنده شئ يا ليت يضيفه هنا

 

إن شاء الله .. بأحاول أوصل هذه النقاط بالإضافة إلى ملاحظاتكم إلى اللجنة المنظمة للفعالية .. وإن شاء الله بأرسلها لهم الإسبوع الجاي

 

الله يقويك .. وتسلم اخوي

إن شاء الله بأكون حاضر في الفعالية القادمة .. وبأطلع بملاحظات أكثر

 

عدد الفعاليات اللي حضرتها شخصيا .. 4 فعاليات
فمثل ما أنت عارف .. في كل فصل دراسي فيه فعالية .. يما يوم المهنة أو اليوم المفتوح للتوظيف

وآخر فعاليتين حضرتها كان خدمة الإنترنت متوفرة .. لكن فقط للشركات ، واللجنة المنظمة توزع عليهم في أول يوم اسم المستخدم وكلمة المرور .. لكن ما أدري ايش صار في الفعاليات الأخيرة .. لأني ما حضرتها.

 

وعليكم السلام ورحمة الله وبركاته

بالعكس .. يا مرحبا بالجميع

كل الطلاب من كل الجامعات .. والله ما نعدهم إلا مثل إخواننا

لكن الشغلة وأنا أخوك يحتاج لها تنظيم

لو سمح للجميع بالدخول من أول يوم .. يمكن أنا ويمكن بعد أنت ما تقدر تلف على كل الشركات الموجودة في يوم واحد .

وراح يكون التنظيم ماهو بالصورة المطلوبة ..

ولا تنسى إن أول يوم في الفعالية ما راح نستفيد منه هذيك الإستفادة الكبيرة .. لأن أول يوم الشركات ما تبدأ تجهز مكانها وتستقبل طالبي الوظائف إلا على الساعة 9 صباحا .. وبعد الساعة 9 صباحا يطلعون كل من في المبنى برا .. كلهم يطلعون برا

وبس يدخلون مسؤولي الشركات وموظفي الجامعة وسط تشديد أمني مكثف .. لأن أمير المنطقة الشرقية راح يفتتح الفعالية على الساعة 11 تقريبا .. ومن وقت ما يجي حتى يفتحون الحركة في الشوارع .. ما يمديك تدخل في أول يوم إلا على الساعة 2 الظهر .. وقد جربتها أنا بنفسي لما كان الأمير محمد بن فهد ماسك الشرقية .. وبعدها صرت ما أحضر الفعالية إلا ثاني أو ثالث يوم

فالوضع الحالي .. مثل ما أنت عارف .. الفعالية 4 أيام .. 3 لطلاب البترول وخريجيها ويوم واحد للبقية .. وممكن يكون هناك اقتراح بزيادة عدد ايام الفعالية لتصبح 5 أيام .. من السبت إلى الأربعاء .. بحيث أول 3 أيام لطلاب الجامعة وآخر يومين للجميع

وفي كل الأحوال .. لابد .. لابد .. لابد على الجامعة أن تنتبه للشركات اللي ما تحضر نهائيا آخر يوم .. وتتخذ موقف حازم بهذا الخصوص

 

حياك الله

 

بالفعل .. أول 3 أيام لطلاب الجامعة وخريجيها .. وآخر يوم راح يكون متاح للجميع ..

الله يوفقنا وإياكم ،،

 

إن شاء الله راح أوصله للجهة المنظمة للفعالية .. والله يقويك