موظف الإسكان دخل علي وأنا شبه عاري بدون استئذان!!

قسم بالله لو أني بدلك أن توصل للضرب ..

رح للسلطان اليوم وقله القصة كاملة ولا تتساهل أبداً الين ما يرجع لك حقك كامل ..

اللي حصل ما ينسكت عليه .. وانتبه من هالوسخ لا يقلب القصة عليك ..

بصراحة ما توقعت أن الأمن وصل لهالدرجة من الدناءة


ولا تنسى تأخذ معك التصريح اللي وزعوه قبل فترة وهو أنه ما يحق لأي شخص يدخل غرفتك كائناً من كان .. خذ صورة منه ورح للسلطان وإذا تعرف اسم هالخسيس يكون أفضل

 

وبصراحة يا جماعة الوضع ما ينسكت عليه ..

ما يحق لأي شخص أن يدخل غرفتي بدون أذني .. حتى لو كان مدير الجامعة .. وبغيت أسألك من أقدر أكلم بهالخصوص؟؟

 

وش ذي المهزله لايردك الا باب المدير ونشالله يتخذون الاجراء المناسب بحقه

 

لا يردك أحد الين تآخذذ حقّك !


قسم بالله اني انقهرت وانا بس قريت !

 

الي يقول اشتكيهم ليش ما يدرون عن الي صاير مثلا
قبل ترمين ما انسى الموقف من قوة الثقة عندهم يقولو روح للسطان اشتكي
ماهو كلام موظف الا ثلاثه جنب بعض
عارفين ما منضر غير الطالب

 

^^^


اذا وصلوآ هالمرحلة :: اتوقع سياسة بالجرآيد راح تنفع معآهم !

 

المفروض الطلاب كلهم يوقفون يد وحدة ضد الأمن ..
شوفوا لكم أي شي يوقّف هالاوادم عند حدهم ..
والله القسم ذا مزودها من زمان ..

 

^^
اي سياسيه و اي جرايد
شوف اخر تعميم من الجامعه للجرايد


الواحد ما بيده الا يرضى الذل لين يتخرج و يحذف خمسة سنين من عمره و ما يبقي منها غير وثيقة فقط

 

مثل ماقالوا لك الاخوان .. مالك الا انك توصلها للمدير مباشرة .. ولو انك تعرف اسمه ارجوا نشرة هنا عشان يتربى الوقح

ومثل ماهو ماسترك لا تستره

الله يبتليه بمصيبة ويفكنا من هالاشكال

 

يارجال ولا تفكر على طووول لمدير الاسكان وخش بعينه ولو ما صلح لك شي قله بكلم السلطان وبعدها رح للسلطان لو ما تعاون معك


صراحه وقاحه لابعد حدود وش ذا الاسلوب يارجل مب عماير ذي صارت حوش غنم !


يعني ولو اقلها يدخل يسلم يشوف الرجال مب مستر يقول معليش ويطلع يعني وش بيصير بيهج الولد بيطير ؟!



ياخي تخلف الله لا يبلانا بس




سلام ,,,

 

توجه الآن لمدير الاسكان وكلمه باللي صار وطالب بمعاقبة الموظف
واذا ما حصلت منه تفاعل توجه مباشرة لمدير الجامعة وعلمه بكل التفاصيل

اليوم أربعاء وباقي ساعتين على نهاية الدوام فيا ليت تروح الآن وما تنتظر لين يوم السبت

 

-

توجه الاان لمدير الاسكان الاستاذ علي الغشيري و اشرح له الوضع كاملا

وعطنا مستجدات الموضوع عشان نقدر نفعل الموضوع لو ما تعاونوا معك

 

لو ما أحد تجاوب معك أبداً..، طلبتك افقع وجهه قليل الأدب

يكفي بجاحته

 

الأكشن هذا ليه ما يصير لي

قسم بالله اني لا اسوي فيه سواة ما يتخيلها

لا تقول وش بتسوي ...

لأني من النوع اللي تجي ردة فعله قوية و غير مدروسه

سلملم

 

أولا أهنيك على أسلوبك في سرد القصة

و هذا اللي خلاني أرد على موضوعك

أنتقادك فيه عكس الإنتقادات اللي دايم نقراها فيها تهكم و إعتداء واضح و صريح حتى لو الحق مع

المنتقد نفسه

,,,

بالنسبة لموضوعـك أبدا ما ينسكت عنه

وزي ما قالوا الشباب توجه لمدير الإسكان و بإذن الله تاخذ حقك

 

اح اح اح

باقـي مارحت لمـدير الإسكـان ولا لمـدير الجامعـة؟

آآآآآآآآآآآآآآآآآآآآآآآآخ بس !!
لو صـارت لي آآآآآآآآآآآآآآآآآآآآآخخخخخ

 

أنا ودي أشوف ردت فعلك يا معاذ لو صار لك مثل هالموقف، أحس انك بتاكل الرجال

زين والله ما طاحوا فيك

 

افااااااا مو لدرجه هاذي يا رجال الجامعة البواسل...سواء امن ولا اسكان ولا غيرهم..

اتمنى ما تسكت عن اللي صار وتوصلها لاكبر شنب في الجامعة واذا ما وقف معاك واعطاك حقك توصلها الى ابعد من الجامعة... انت مستاجر بفلوسك وهذا حق من حقوقك وما لاحد حق يدخل عليك الا باذنك او تصريح رسمي من الدولة... هذا نظام وزارة الداخلية للمملكة العربية السعودية... اذا كنا نعيش في نظام ثاني فهذا شي ثاني.. وياليت لو يعلمونا عشان نغير الجنسية من سعودي الى جامعي في البترول...

اللهم لا تؤاخذنا بما فعل السفهاء منا...ولا ترد امرنا الى اراذلنا...